مشكلة عند دوران الماروتي 2008

**maak333** · 15-05-2008 02:52 PM

انا لما استلمت الماروتي من المعرض دورت وطلعت مفيش اي مشاكل بس تاني يوم الصبح نزلت اجربها شوية اول مدورتها الصبح لاقيتها بترجرج جامد اوي كل العربية وبعد كده فصلت المهم كان في واحد صحبي واقف معايا وقلي اول متشغلها اسحب الشفات عشان تسخنها الاول وفعلا اول مدورت رجرجت تاني بس سحبت الشفات ده لاقيت الرجرجة راحت خالص وبعد شوية رجعت الشفات تاني لاقيتها بطلت ترجرج وبقيت كويسة هل ده العادي بتعها ولا دي مشكلة اروح بيها التوكيل لاني سألت واحد صحبي في الشغل قالي كده الكهربا واطية وعايزة تعلا شوية..,شكرا
أبو مريم

**maak333** · 15-05-2008 03:10 PM

ندا الي كل من يملك ماروتي........أبو مريم

**wisambasha** · 15-05-2008 04:26 PM

يا أبو مريم عربيتك زي الفل ومافيهاش حاجة ويا ريت ما ترميش ودنك لكل وا حد تسمع منه دي ناس مش فاهمة
الماروتي عربية 3 سلندر واي عربية 3 سلندر لازم وهي باردة تغربل بالشكل ده وده شيء عادي جدا (السيريون القديمة والميرا والكانشيل كدة برضه)

لازم اول ما تدور العربية الصبح بعد فترة توقف كبيرة (او حسيت انها باردة) ترفع الشفاط اول ما تدور الكونتاكت علشان تلقط وما تبتطلش منك
وبعدين تبتدي تنزل الشفاط سنة سنة بالتدريج اول ما تلاقي مؤشر الحرارة ابتدي يترفع بالقرب من C

ثم تتوكل علي الله وتتحرك بالعربية
الف مبروك علي العربية

**SEATLOVER** · 15-05-2008 05:56 PM

كلام وسام باشا مظبوط يا ابو مريم ماتقلقش دة طبيعيى وفى معظم العربيات الكربراتير كدة لازم تسحب الشفاط الصبح عشان يساعد فى التسخين
مع العلم
لو لاحظت الرجرجة دى فى اى وقت غير الصبح ...يعنى والعربية سخنة او ماشية مشوار عادى ... يبقى فى حاجة فى كهربة العربية مش مظبوطة ودى برضو امرها سهل عدى على التزكيل يزبطلك الكهربا

غير كدة انت معاك الفوريرة و ربنا يباركلك فيها

**sab3aawy** · 15-05-2008 06:49 PM

طالما بتروح الرجرجة مع السخونة يبقى مافيش مشكلة، مع ذلك استنى لما فترة التليين تخلص،

الحاجة الوحيدة اللى ممكن تعملها انك تتأكد ان البوجيهات مش مرطبة من الركنة ، ودى تتعمل باختبار بسيط جدا

بعد ما تدور والعربية لسة ساقعة وبترجرج، ابتدى فك سلك البوجيه من اول بوجيه والعربية دايرة، لو الرجرجة زادت او العربية بطلت لحظة فك السلك يبقى البوجيه ده سليم وشغال، لو الرجرجة لم تختلف وفضلت العربية شغالة بنفس المعدل يبقى البوجيه ده مرطب وهو اللى مسبب الرجرجة، ومع السخونة البوجية بيشتغل ويخلى الأداء طبيعى، رجع سلك البوجيه مطرحه وكرر التجربة مع البوجيهين الآخرين

لو كل البوجيهات سليمة يبقى هى دى طبيعة المحرك

**maak333** · 15-05-2008 07:41 PM

يا جماعة انا بجد مش عارف اشكركو اذاي انا كنت بديت اقلك بس النهاردة فعلا سالت كذا حد من اصحابي اللي عندوهم خلفية في الميكانيكا فعلا قالو نفس كلامكو بجد شكرا وربنا يخليكو لينا .....وشكرا
أبو مريم

**botros** · 15-05-2008 08:08 PM

ممكن اعرف ايه هوا الشفاط ده ؟ انا اول مره اسمع عنه ؟

معلش اصل انا جاهل شويه

**Ghamrawy** · 16-05-2008 12:23 AM

المشاركة الأصلية كتبت بواسطة botros

ممكن اعرف ايه هوا الشفاط ده ؟ انا اول مره اسمع عنه ؟

معلش اصل انا جاهل شويه

الشفاط ده يا سيدى هو الهوا

**botros** · 16-05-2008 12:36 AM

ماشى . بس الهوا ده بيبقى ليه مفتاح فى التابلوه يعنى ؟ و الا لازم نفتح الكبوت ؟

اصل مش منطقى ان الواحد يفتح الكبوت كل يوم الصبح يضبط هواء و يسخن و بعدها يمشى ؟

اللى فاهمه ان المفروض الواحد يدوس بنزين سنه عشان الموتور يعلى لفاته من غير حمل عليه لحد ما يسخن . لكن موضوع الهواء ده جديد عليا .
اعذرونى انا لسه باتعلم .

**جندى مجند** · 16-05-2008 02:31 AM

المشاركة الأصلية كتبت بواسطة botros

ماشى . بس الهوا ده بيبقى ليه مفتاح فى التابلوه يعنى ؟ و الا لازم نفتح الكبوت ؟

اصل مش منطقى ان الواحد يفتح الكبوت كل يوم الصبح يضبط هواء و يسخن و بعدها يمشى ؟

اللى فاهمه ان المفروض الواحد يدوس بنزين سنه عشان الموتور يعلى لفاته من غير حمل عليه لحد ما يسخن . لكن موضوع الهواء ده جديد عليا .
اعذرونى انا لسه باتعلم .

فى بعض العربيات مش كلها بيبقى فيها زرار الشفاط ... أعتقد بيبقى موجود فى بعض العربيات الكربيراتير فقط و بيبقى موجود عادى مع باقى الزراير اللى فى التابلوه مش فى الكابوت.