الموضوع: حصري لنايل موتورز: الاحكام العرفية على الابواب

المشاركة الأصلية كتبت بواسطة a.saad

على فكرة انا مش عملى فى البورصة
عملى مرتبط بيها من بعيد يعنى 5% من عملى ومتفرقش معايا انهيارها من عدمه
لكن دى دراسة قديمة
وعلى فكرة
اغلب المنتدى عارف اسم الشركة اللى انا شغال فيها والحمد لله ساعدت البعض منهم
بس مين الاولانى
وعلى فكرة
انا مش معارض للثورة ولا اتمنى الفشل ولا عودة مبارك
انا بعارض الاصرار على فرض الراى واستعمال العنف وان البعض بيطالب بحاجات مش عارف عواقبها فى المستقبل

أستاذ أحمد انا متفق معاك معاك تماما
المفروض ناخد الامور بعقلانية و نستخدم خاصية التفكير اللي وهبهالنا الله سبحانه و تعالى

المشاركة الأصلية كتبت بواسطة samcar

لما يبقى فى الجيش قوه يحمى الامن يبقى يفكر فى الاحكام العرفيه -

المشكله فعلا ان اللى فى التحرير فاشلين فى تحديد مطالبهم- وبقت مزايده لكل واحد عايز حاجه واولهم ممدوح حمزه وشلته

كان نفسى المطالب تبقى قليله وموجعه - يعنى لو كان الاصرار الجمعه اللى فاتت على نقل مبارك للسجن ورؤيه اولاده فى الزنازين كان حيبقى مطلب موجع- لان كل اللى لسه على ولائهم للقديم حيعرفوا ان مفيش كبير على الحساب-
لكن مسكوا فى الخيابه عايزين نشيل عصام شرف- وطبعا لسان حال الجيش- مش ده كان ترشيحكم- ولا هو لعب عيال كل 3 اشهر رئيس وزاره - معلوم ان محاكمه مبارك ونقله السجن خط احمر - لو كان الضغط على كده الاسبوع اللى فات كان الجيش حيبقى فى موقف محرج- لكن كتر الطلبات فتح لهم 100 طاقه وخلى الناس تقول اللى فى التحرير دول عايزين لمه وخلاص

الاحكام العرفيه - حتبقى كارثه على الجيش- وممكن تسبب كارثه له قبل ما تكون للشعب -
لو حصلت - يبقى اللى اتقال من الاول - صح- الجيش مش حيسيب السلطه ولا فى الاحلام - وللاسف ناس غبيه بتديهم السكه ومنهم اللى مرحب بكده

الله يفتح عليك
خمسميت مطلب اخيب من بعض

هقول كلمه واحده بس لأني مبحبش المناقشات البيزنطيه

النظام لم يسقط

وادا عيشنا كمان سنتين هفكركوا

سؤال يتردد حاليا و بقوه: لماذا إنقلبت حركه 6 إبريل على عصام شرف منذ يوم 29 يونيو بعدما كانت تصريحات محمد عادل المتحدث الرسمى بإسم الحركه تنحصر فى المطالبه بتحقيق مطالب مظاهره الجمعه 8 يوليو؟ يعتقد الكثير من العسكريين و خبراء الأمن فى مصر أن التصعيد جاء بعد تكليف من الفريق سامى عنان للدكتور عصام شرف بتشكيل لجان تقصى حقائق بخصوص المنظمات التى تلقت دعما ماديا مباشرا من الولايات المتحده منذ 25 يناير و حتى 4 يونيو و يرجح اللواء سامح سيف اليزل فى إتصال تليفونى مع شخص مقرب منه أن 6 إبريل تريدها صفقه مع شرف بمعنى تهدئه سقف المطالب مقابل إيقاف تحقيقات اللجنه. و ترجح مصادر داخل 6 إبريل نفسها أن عصام شرف سوف يستجيب للضغوط لكن المجلس العسكرى هو العقبه الكبرى. و بينما ينشغل المصرييون بمعتصمى التحرير نجد صمتا متعمدا من بعض رموز الحركه و صفها الأول تاركين زمام التصريحات للصف الثانى منهم فمثلا لم يعقب كلا من شادى حرب و وائل غنيم على مطالبات ميدان التحرير بهم كوزراء بحكومه شرف و أيضا إلتزم عمرو حمزاوى الصمت المطبق بخصوص المطالبه به كوزيرا للخارجيه سمعنا الكثير عن عن إحتمالات التفاوض على تعيين جورج إسحاق بديلا عن الجمل ليس لثوريته و لكنها كنوع من بالونات الإختبار فإذا إستتب الأمر بعد تعيينه يصبح الأمر كميثاق أو عرف غير مكتوب بأن يكون هناك كوته للأقباط فى المناصب السياسيه الكبرى بالدوله (فى لقاء نجيب ساويرس بالمجلس العسكرى داعب اللواء ممدوح شاهين قائلا من ساعه مدخلت من بوابه الوزاره مشوفتش صليب على يد أى جندى أو ضايط كبير( كان الرد أصل نظرك ضعيف شويه أما عن الصفقه الأخيره فهى تحويل أوراق العائدين من أفغانستان و ألبانيا من القضاء العسكرى إلى القضاء المدنى وذللك للأتى: ليس حبا أو دعما للجماعه الجهاديه ولكن لأن قانون العقوبات المدنيى لا يحتوى على نص يجرم التطوع للقتال خارج الحدود للدوله ولأن القانون العسكرى صارم جدا فى مسأله التمويل الخارجى و العمل كمرتزقه قتال خارج الحدود تحت أى مسمى إذن هو تأمين لكبار رجالات الحركه