الموضوع: "صباع اللواء الفنجري" وصل الفيسبوك

المشاركة الأصلية كتبت بواسطة otefa

أسكاي بيرد
يعني المفروض نشجعك يا سيدي وأنت بتتريق على رمز من رموز قواتنا المسلحة
لا مش هايحصل
الجيش والشعب أيد واحدة غير كده يبقى بتغرد مع بعض الأقلية من الثوار ألي متبعة مبدأ الغاية تبرر الوسيلة حتى لو ضد مصالح أمننا القومي
قناة سويس أيه ألي بيهددو بقفلها
الجيش والشعب أن شاء الله دائما يد واحدة ومش هانشمت فينا الأعداء ونبقى زي العراق ولا ليبيا

يا سيدى وانا مالي تشجعني ليه ومين طلب تشجعني اصلا وحضرتك حر مع الرموز والايد الواحدة لكن غير مسموح تتهمنى باني اتبع الغاية تبرر الوسيلة

وبدل ترديد الاتهامات ممكن بعد اذنك تقولي مين من الحركات السياسية اللي هدد بغلق قناة السويس ؟
اي حد من اللي يتكلموا يجيب تصريح واحد لاي فصيل سياسي سواء 6 ابريل او غيرها

اللي سمعته على الجزيرة مباشر ان اللي هدد بغلق قناة السويس هو بعض اللي قلوبهم محروقة من شعب السويس المقاوم البطل
لان الحكام تركوا شعب السويس معدم فقير يعاني سوء التغذية وممنوع عليه الاستفاده من دخل قناة السويس ولا من بترول السويس حتى بالوظائف العادية ولا علاقة للامر بالمطالب السياسية

المشاركة الأصلية كتبت بواسطة skybird

انت اللي وصفت نفسك بالمؤيد والمطبل وانا لم اوجه كلامي لاحد
معروف ان اللي يؤيد الشتيمه لزميلة يبقى يشتمه
وعايزين اعتذر كمان
حسبي الله ونعم الوكيل

عفوا أنا أعتذر لك فلم ألاحظ أن كلامه موجه إليك...ردي عليه لم يلحظ ذلك

اسف مره أخرى

المشاركة الأصلية كتبت بواسطة dojuar

عفوا أنا أعتذر لك فلم ألاحظ أن كلامه موجه إليك...ردي عليه لم يلحظ ذلك

اسف مره أخرى

و لا يهمك
خير باذن الله

صح احنا ممكن نهين الجيش بإسم الضحك والاستظراف

بجد اكثر شيء محزن ان الشعب من كثرة السخرية مبقاش بيفرق بين الصح والغلط في حجات

ازاي نهين رمز عسكري .. بالطريقة دي
وشخص في هذا السن
حتى يعتبروه كأب ليهم ويعاتبهم


اسف انا ضد الإهانه

المشاركة الأصلية كتبت بواسطة devilishtigers

استاذ سكاي بيرد اقدر اعرف من حضرتك ايه هي الديمقراطية علشان لما قريت توقيع حضرتك قبل ما تغيره استغربت

الديمقراطية محتاجة موضوع مستقل
هكتبه وابعتلك اللينك ان شاء الله

المشاركة الأصلية كتبت بواسطة khaled_sabry

انا سنى 28 سنه على فكره و كنت فى الثوره من اول يوم 25 نفسه و اتمسكت و اتسحلت ... انا حبيت اقولك كده علشان ماتقولشى عليا ضد الثوره من البدايه

لو كان عملها فيبقى عملها لضغط دولى ... لكن انتا بتعملها علشان تضغط على بلدك ... عار عليك بجد


نفكر فى الموضوع بتروى شويه و حتلاقى ان الثوره السلميه بتتحول بحماقه الى العنف
و المتظاهرين الطاهرين بيتحولو الى بلطجيه
و نمشى واحده واحده بهدوء كده
من البدايه كده فيه تصعيد غير مبرر و بغبااااااااااااء من 6 ابريل و معظم ائتلافات الثوره (اللى عدو 170 ائتلاف) ماحصلشى فى الثوره الاولى
و نمسك الاحداث من اول يوم 27 /6 لما كانت 10 اسر شهداء للثوره بيتكرمو فى مسرح البالون... فيها حاججه دى
هجم عليهم "ناس بيقولو انهم اهالى شهداء" و عاوزين يتكرمو هما كمان و حدفو المسرح بالطوب و سرقو منه حجات (موثقه بالفيديوهات ).. اقول على الناس دى ايه بقى مالهاش الا كلمة بلطجيه
بشهادة الشهود الشرطه لما اتدخلت كانت بتضرب نار فى الهواء و البلطجيه دول بيضربوهم بالمولوتوف
تحولت الشرطه الى العنف (بغباء) و الموضوع اتقلب الى حرب لما "البلطجيه دول راحو و استنجدو ببعض اهالى الشهداء "بجد" علشان ينصروهم
بعد كده حصل السيناريو المعتاد و اعلن الاعتصام فى التحرير بعد انتهاء الحرب دى .. و زى ماتقول 6 ابريل ماصدقو و قالو حنقدم 8 يوليو و تبقى دلوقتى
طبعا لما الاعداد قلت رحعو فى كلامهم و قالو الاعتصام حيبقى تانى 8 يوليو (و اهه يكونو الاولاد خدو الاجازه)

من اول يوم 7 يوليو (قبلها بيوم) و انا سمعت دعو العصيان المدنى - العصاين المدنى ده ما استعملشى فى عز الثوره اللى بجد جايين تعملوه دلوقتى
و بعد كده ايه هى المطالب اصلا ... كل جهه بتقول مطالبها و الكل فاكر ان المطالب الاخرى دى مطالب هامشيه
المطلب الوحيد اللى الكل مجتمع عليه هو محاكمة الظباط
و من البدايه كده صعب ادانة الظباط لعدم توافر الادله
ماهو جمع الادله شغلة الظباط اصلا
و احنا كنا فى ثوره ووسط الهرج و المرج صعب انك تحدد اى موقف

الكلام ده لو عاوز تاخد بالقضاءء العادل و تبقى ديموقراطى
لككن قولى اى ديموقراطيه فى المنظر ده
http://www.egynews.net/wps​/wcm/connect/a9d80c80478c0​bed830dbf37e170b0db/thumbm​ail2011-07-11+13%3a44%3a52​.646x.jpg?mod=ajperes

اى ديموقراطيه فى طرد د صفوت حجازى من الميدان
http://www.masrawy.com/new​s/egypt/politics/2011/july​/12/tahrir_safout.aspx
..صفوت حجازى اللى يوم موقعة الجمل مسك الميكروفون و قال "من يبايعنى على الموت" و اتجمع حوله 5000 واحد
اى ديموقراطيه فى قطع طريق العين السخنه
ده بالاضافه الى بالونات الاختبار اللى قوبلت بالرفض الشعبى زى ( قطع الملاحه فى قناة السويس - و قطع مترو الانفاق )
بالذمه فيه واحد وطنى مخلص "زى مابتقولو " يؤيد قطع الملاحه فى قناة السويس
الناس اللى فى التحرير دى بقيت منتميه الى الثوره و ليس مصر
زى مابيقول شعارهم " الثوره اولا" .. انا اللى افهمه مصر اولا
وياريت بلاش التعليق الغبى بتاع "انتا لو كان ليك حد شهيد كنت حتعمل اكتر من كده "... الشهيد اللى مات ده مات علشان مصر مش علشان الثوره لأنه لما ما ماكنشى يعرف بوجود ثوره اساسا
انا نفسى كان ممكن مابقاش موجود دلوقتى و ده علشان مصر مش الثوره

بالمناسبه صحيح مافيش اى حركه من الحركات اللى دعت للثوره الثانيه دعت لاى عمل قومى يعيد بناء البلد فى الفتره اللى فاتت
يبقى بعد كده المفروض اثق فى 6 ابريل و ائتلافات الثوره ؟؟

صحيح افتكرت فى وسط السلطه بتاعت التحرير دى ان المفروض انتخابات مجلش الشعب بعد شهريين ؟؟؟؟
اه و الله شهرين بس
ماحدش اصلا عارف مرشحين الدواير الانتخابيه فضلا عن برامجهم الانتخابيه و اللى المفروض حنتختار عليها الناس اللى حتمثل الشعب بشكل متحضر فى مجلس الشعب
و ده ليــــــــــــــــــــــه
علشان دعاة الثوره اللى على طول بيدعو للثوره و تجاهلو الطريق الديموقراطى المطروح من المجلس العسكرى

وشهد شاهد من اهل الثورة
هوا دة كلام الناس العاقلين
انا بردو لا اثق في اي حركة ولا اي ائتلاف
باحس انه وسيلة للصعود على الاكتاف
وتصيد النجاحات ونسيتها الى انفسهم