الموضوع: "صباع اللواء الفنجري" وصل الفيسبوك

المشاركة الأصلية كتبت بواسطة wael17

يعني هي دي خلاصة كلامي؟
طيب انا اسف
و ياريت المشرف يشيل مشاركتي عشان طلعت بتدعم الرأسمالية المتوحشة
حقكم علي

انت ليه محسسني اني شتمتك ؟؟؟؟
امال انا ليه طيب ما زعلتش لما قلت لي سيبك من الشيوعية و ما قلتلكش هو انت بتقول عليا شيوعي ولا ايه و الكلام ده ؟

المشاركة الأصلية كتبت بواسطة a.saad

يا تامر بك
الاقتصاد
دائرة
اول ما حتة تقف
كله يتبهدل
الحد الادنى
هيعمل تضخم مرتفع جدا لو اتطبق مرة واحدة
شوف كام واحد مرتبه هيزيد الى 1200
هيعمل ايه
هيشترى
التاجر بتاعنا هيعمل ايه
ما هو كمان بيدفع مرتبات غير ان فيهم شوية طماعين
هيزود الاسعار
يبقى الل مرتبه زاد مش هتلاقيه عمل استفادة
واللى مرتبه ما زادش ما استفدش وانضر
فيه حاجات فى الاقتصاد بالذات لازم تطبق مرحلى
عارف التضخم لو استمر كمان
هنبقى زى الدول الشرقية
اما حررت اقتصادها
وتلاقى القوة الشرائية للجنيه انخفضت والعملة بقى مالهاش لازمة

جميل , انا اقتصاديا على قدي , خليني اقول شوية تساؤلات بفرض صحة الكلام ده ,
1- فين الحد الأقصى ؟
2- فين الجدول الزمني للوصول للحد الادنى (ماهو احنا مش هانقول ده بيضر الاقتصاد و نكبر دماغنا و نسيب الفقرا دول يتحرقوا عشان خاطر الاقتصاد اللي احنا كطبقة وسطى مستفيدين منه و اظننا متفقين في دي)
3- في الخطوات اللي مفروض تتعمل لظبط الاسعار ؟ و اظن انها من غير حد ادنى ولا غيره عمالة تزيد بجنان ؟

المشاركة الأصلية كتبت بواسطة ramy87

انا مش عارف انته عمال تقاوح مع الأخوة الأعضاء و كمان أسلوبك في الرد فيه شىء من السخرية أكني بتكلم كلام غير موزون حتى لو انا كلامي غلط وضحلي او فهمني وجهة نظرك
مش لازم البورصة لما تخسر تصحى الصبح تلاقي المحفظة الفلوس فيها ناقصة
و انا مش محتاج اوضح اكتر من الأخ a.saadو الأخوة الاعضاء و ضحوه و مش هتعبي نفسي في التوضيح لإن الرد هيكون بالأسلوب ده
بس للأسف أي حد بيتكلم كلام مش عاجب التاني حد لو كلام سليم و صحيح التاني يسخر منه و يرد بإستظراف
و للأسف الواحد بيبعد عن مشاركات القسم الأجتماعي علشان بيحب يبعد عن المشاكل و القيل و القال و يضطر كل شوية يرد و يبرر موقفه
بيشتري دماغه بصراحة

الله يهديك و يهديني و يهدينا أجمعين
السلام ختام

و الله الرد مافيهوش لا (سخرية) ولا (استظراف) , بكل بساطة هو شيء من الفكاهة لتخفيف حدة الخلاف في الرأي و اضفاء جو من الود , مش عارف اقول لك ايه بصراحة في مقابل اللي بتقوله ده
و بالمناسبة انا مش (باقاوح ) , ولا طريقة كلامي وحشة , انا هاعذرك بس في الكلام ده لأنك افتكرتني باسخر منك و لو اني مش عارف جبتها منين دي, ما استاذ احمد اهو بيقول لي يا تامر بك , شفتني قلت له انت بتتريق عليا ولا ايه ؟ لا قلت ولا هاقول

المشاركة الأصلية كتبت بواسطة skybird

الموضوع رمزي
القصه ليست قلة ادب وتهكم على الناس ولكن القصة فرق اجيال وفرق ثقافات بين جيل تربى على تقديس الاشخاص من رؤساء وقادة وبالروح والدم نفديك يا زعيم استمرار لميراث طويل من عبادة الفرعون الاله الذي لا يخطئ او الرئيس الأب الحاضن لابناءه من خطر وهمي يهددهم به على الدوام وبين جيل جديد شاب كره كل هذه السلوكيات المعيبة . جيل جديد يرى في الحاكم مجرد موظف هو الذي يدفع راتبه وهو الذي من حقه ان يقطع عنه هذا الراتب ويعزله فانقلبت الاوضاع في نظر كبار السن واعتدلت الاوضاع في نظر الشباب.
اصبع سبابة الفنجري لم يكن الا رمز للترهيب والوعيد والسب والتخوين لهؤلاء الشباب قابلوه بالتهكم والسخرية لتوصيل رسالة معناها ان ضع يديك جانبك وانت تحدثنا فنحن الذين ندفع راتبك فالاولى ان تؤدي وظيفتك بدون ازعاج والا فلتغرب عن وجوهنا .
من يدافع عن الفنجري بأنه يقصد المخربين و لا يقصد شباب الثورة لا يفهمون ما وراء الخطاب, فالفنجري لم يحدد الجهة التي يخاطبها قاصدا متعمدا فعلى اي اساس حددتم ؟
اذا كان يقصد البلطجية اعداء الثورة فهم يعيثون في الارض الفساد من شهور ولم نره يحدثهم بهذه اللهجه ولم يخرج لهم اصبع واحد ولماذا انتظر وقت الاعتصام حتى يحدثهم؟
اذا كان يقصد الذين يهددون باغلاق قناة السويس فقد اغلقها زعيمهم عبد الناصر وكان بفعلته بطلاً مغواراً
واذا كان يقصد من اسماهم "القافزين على السلطة" فهم انفسهم قافزين على السلطة فهل يحق لهم ويحرم على غيرهم
واسأل الفنجري من هؤلاء القافزين على السلطة ايها اللواء ؟ اما انك تكذب واما انك لا تكذب فاذا كنت لا تكذب فأنت حتما تعرفهم .... فلماذا لا تقبض عليهم وتقدمهم للمحاكمة فاما انك مقصر واما متواطئ معهم وفي كل الحالات فكلماتك تدينك بلا جدال ولا يقولها رجال الدولة
لهذه الاسباب نحن نسخر ونتهكم على كل من يسخر ويتهكم علينا
ونترك الذين يقبلون بان تتهكم عليهم لضميرهم

+1