سعر اقل للاوكتافيا 2012

**essamsultan780** · 13-07-2011 09:33 AM

أخواني عاشقين الاوكتافيا .... اعمل بالكويت وحلمي شراء سيارة اوكتافيا
من اسبوعين فقط روحت اتفرج على السيارة الاوكتافيا 2011 وكان متبقى 4 سيارات فقط ، طبعا سيارات فخمة وجميلة ولكن كان فاضل واحدة اسود واتنين كحلي وواحدة رمادي ، الفئة التانية (المتوسطة بالنسبة للاوبشن) لان في الكويت بينزل تلات فئات فئة الاساسية والمتوسطة والفل اوبشن ، وكان نازل تخفيض 700 دينار يعنى 14000 جنية مصري وممكن ينزل كمان 100 دينار يعنى يوصل اجمالي التخفيض 16 الف جنية مصري، قولت فرصة الحق سنة اقل في الجمارك 2011 وفي نفس الوقت تخفيض 800 دينار ، ولما استخرت ربنا وجهزت ورقي ورحت لقيت الون الكحلي والرمادي فقط ال فاضلين ، توكلت على الله وقولت الكحلي كويس وخاصة انى شوفته على السيارة السوبرب التحفة الموجودة في المعرض.
ولكن تشاء الظروف اني ما انهيش المعاملة وتطير السيارة ويجي واحد تاني ياخدها فقولت ربنا مش رايد لي دلوقتى.

وفي مفاجأة امبارح اتصل علي مدير المعرض وقالي ان 2012 نزلت ، طبعا جميع الالوان وخاصة اني نفسى في اللون العنابي شكله تحفة في السيارة دي ، وبنفس العرض ال كان موجود يعنى بردة نازل عليها التخفيض ال كان موجود فحمدت ربنا وقولت ربنا رايد لي الخير وان شاء الله اروح اشوف الفئات الثلاثة
الفئة الاولى (الاساسية) تعمل 5400 دينار يعنى 108 الف جنية مصري
الفئة التانية (المتوسطة - فيها 12 اوبش زيادة عن الاساسية بالاضافة إلى ستارة خلفية لسه نازلة السنة دي عن السنة ال فاتت) ودي تعمل 6100 دينار يعنى 122 الف مصري
الفئة التالثة (الف اوبشن) تعمل 7100 دينار كويتي يعنى 142 الف مصري

وان شاء الله لما اروح اتفرج تاني ... واختار اللون ال عجبنى هعمل لكم تقرير عنها وخاصة ان التوكيل هنا محترم جدا
وشكرا لكم.

**aelbassiouni** · 13-07-2011 10:21 AM

ألف شكر على الخبر الحلوة ده...أنا عندي بس كام سؤال 2012 نازلة بجير إيه وموتور إيه؟

**essamsultan780** · 13-07-2011 10:26 AM

المشاركة الأصلية كتبت بواسطة aelbassiouni

ألف شكر على الخبر الحلوة ده...أنا عندي بس كام سؤال 2012 نازلة بجير إيه وموتور إيه؟

أخي الكريم شكرا على مشاركتك ... اوكتافيا 2012 هي نفسها 2011 موتور mpi جير تيبترونك 6 سرعات مفيش اي اختلاف

**aelbassiouni** · 13-07-2011 10:43 AM

ألف شكر يا أستاذ عصام.. أنا الصراحة بدور على عربية كويسة نفسي أجيب الجولف ال TSI عشان الأداء بتاع المحرك رهييييب... بس في نفس الوقت العربية غالية جدا هنا... خصوصا انهم بيجيبوا ال highline. فـأنا فعلا محتار على العموم هروح التوكيل إن شاء الله أشوف ال Octavia A5.
و أكرر شكري على مشاركتك الخبر ده.

**rompo10** · 13-07-2011 07:43 PM

بدل بنفس السعر واعلي موديل توكل علي الله بس انا عاوز اسال سوال قبل ما يجيلي الضغط والسكر ايه الاسعار دي 5400 هو بيشتري عجله ولا ايه

**MOUSTAFA_SAAD** · 13-07-2011 10:34 PM

المشاركة الأصلية كتبت بواسطة rompo10

بدل بنفس السعر واعلي موديل توكل علي الله بس انا عاوز اسال سوال قبل ما يجيلي الضغط والسكر ايه الاسعار دي 5400 هو بيشتري عجله ولا ايه

ماهو الدينا بحاجه وعشرين جنيه

**essamsultan780** · 14-07-2011 08:31 AM

المشاركة الأصلية كتبت بواسطة rompo10

بدل بنفس السعر واعلي موديل توكل علي الله بس انا عاوز اسال سوال قبل ما يجيلي الضغط والسكر ايه الاسعار دي 5400 هو بيشتري عجله ولا ايه

أخي الكريم 5400 دينار كويتي * 20 بيساوي 108000 جنية مصري

مؤمن مش بتاع تحويلات .... مؤمن بتاع سندوتشات

على فكرة في اضافة كمان السيارة نازلة باتنين اوبشن زيادة عن السنة ال فاتت
1- ستارة خليفة شيك
2- بلوتوث للموبايل بيشتغل على شاشة السيارة

**MASERATI** · 14-07-2011 02:22 PM

السلام عليكم و رحمة الله و بركاته

هوا مفيش أوكتافيا بفتيس مانوال بتنزل الكويت ؟؟؟

و أخبار الجمارك على مو 2012, كام ان شاء الله ؟؟؟؟

ألف شكر و جزاكم الله كل خير .

**essamsultan780** · 14-07-2011 05:59 PM

[gdwl]هوا مفيش أوكتافيا بفتيس مانوال بتنزل الكويت ؟؟؟

و أخبار الجمارك على مو 2012, كام ان شاء الله ؟؟؟؟

ألف شكر و جزاكم الله كل خير .
[/gdwl]

وعليكم السلام ورحمة الله وبركاته
شكرا على المشاركة
طبعا الكويت ما بتحبش اي حاجة مانيول ... دا حتى جوا البيت في اسانسير يطلعهم لتاني دور
ولو فيه عربية مانيول بتكون بالطلب وغالبا بتكون رياضية أو ظروفها جت كدا

اما الجمارك الله اعلم .. واكيد ال بيشتري سيارة دلوقتى .. مش هينزلها قبل سنتين علشان نار الجمارك تكون هديت شوية ... او تكون اتلغت خالص أملا في القانون الجديد ال سامعين انهم بينقشوه