لكل من اشترى او سيشتري البومة من التوكيل الجديد

**medociv** · 13-07-2011 10:44 AM

بسم الله الرحمن الرحيم
السلام عليكم ورحمة الله وبركاته
لكل من اشترى او سيشتري البومة من التوكيل الجديد دايموند موتورز
يا جماعة نصيحة هامة كل اللي هيشتري من دايموند يتاكد ان كتيب الضمان او الصيانة الصغير اللي مع الكتاب الكبير يكون فيه ختم ضمان دايموند ومكتوب مدته
واللي مايلقيش الختم يعمل الاتي :
-تكلم دايموند موتورز 0235390903 باسرع وقت
-تقولهم ان الكتيب مش مختوم
-تحدد معاد معاهم عشان عمل مراجعة ال pdi في التوكيل
-يتم عمل ال pdi وهو مراجعة سريعة ويلزق ورقة على العربية ويختملك على كتيب الصيانة وياخد قرائة العداد
-بكده يتم تفعيل الضمان

ملحوظة هامة : وانت بتستلم عربيتك شيك ان الكتيب الصغير ده موجود والا لن يقبل التوكيل ادخالك في الضمان.

**hamada_amg** · 13-07-2011 11:05 AM

تسلم ياباشا على المعلومه الجميله ده

انا النهارده ان شاء الله رايح احجز عربيتي من دياموند موتورز اللى عند الصحراوى

**محمد ابراهيم 1** · 13-07-2011 11:14 AM

ما هى أسعار اللانسر البومة من التوكيل الجديد وهل هى يابانى أم دول أخرى

**hamada_amg** · 13-07-2011 11:16 AM

والله ياباشا اللى اعرفه ان البومه السبورت 130000
و الهاف اسبورت ب 122000
و الكلاسيك 112000
و القرش هاي لاين اعلى فئه 160000
و كلهم موديل 2011 و يابانى مش حاجه تانيه

**medociv** · 13-07-2011 12:13 PM

المشاركة الأصلية كتبت بواسطة hamada_amg

والله ياباشا اللى اعرفه ان البومه السبورت 130000
و الهاف اسبورت ب 122000
و الكلاسيك 112000
و القرش هاي لاين اعلى فئه 160000
و كلهم موديل 2011 و يابانى مش حاجه تانيه

الاوتو كلاسيك ب 113 مش 112 ولا هما خفضو الاسعار؟

**raedegypt** · 15-07-2011 12:34 AM

المشاركة الأصلية كتبت بواسطة hamada_amg

والله ياباشا اللى اعرفه ان البومه السبورت 130000
و الهاف اسبورت ب 122000
و الكلاسيك 112000
و القرش هاي لاين اعلى فئه 160000
و كلهم موديل 2011 و يابانى مش حاجه تانيه

يا اخونا السعوديه الناس ابتعدت عن اليابانى والحكومه منعت شحنات سيارات اليابان خوفآ من التلوث الاشعاعى ... والعياذ بالله تصيبك بالسرطان فى الدم . ابتعدوا عن اليابانى نهائيآ الاشعاع شيىء والعياذ بالله مش سهل ودولنا للاسف سوق سهل لمثل هذة المنتجات الملوثه اشعاعيآ وكم جنيه يدفعوة ويطلعوا شهادة بخلو الاشعاع من منتجاتهم وكله كذب

**MASERATI** · 15-07-2011 02:46 AM

السلام عليكم و رحمة الله و بركاته

انا قريت الموضوع لأن الأخوة الأفاضل اللى بيتناقشوا هنا, كانوا بيتناقشوا بطريقة بناءه و ممتازة و مفيدة, بس ماخدتش بالى من حاجة الا بعد ماعديت كذا مشاركة و هى ان سعر اللانسر بقى ب160000 جنيه, الغريب أن ال160000 جنيه دول, يجيبوا اليومين دول MERCEDES E200 ألمانى ألمانى مش تقفيل مصرى مو 1997 و لا يمكن 1998 كمان و بحالة ممتازة !!!!!!!!!!!!

الا اذا كانت اللانسر أحسن من العيون !!!!

ألا اللانسر مو 2011 أحسن من العيون صحيح بجد مش هزار ؟؟؟؟

**Ralliart** · 15-07-2011 05:36 AM

المشاركة الأصلية كتبت بواسطة MASERATI

السلام عليكم و رحمة الله و بركاته

انا قريت الموضوع لأن الأخوة الأفاضل اللى بيتناقشوا هنا, كانوا بيتناقشوا بطريقة بناءه و ممتازة و مفيدة, بس ماخدتش بالى من حاجة الا بعد ماعديت كذا مشاركة و هى ان سعر اللانسر بقى ب160000 جنيه, الغريب أن ال160000 جنيه دول, يجيبوا اليومين دول MERCEDES E200 ألمانى ألمانى مش تقفيل مصرى مو 1997 و لا يمكن 1998 كمان و بحالة ممتازة !!!!!!!!!!!!

الا اذا كانت اللانسر أحسن من العيون !!!!

ألا اللانسر مو 2011 أحسن من العيون صحيح بجد مش هزار ؟؟؟؟

مفيش أدنى درجات العلاقة بين سعر عربية زيرو وعربية مستعملة عدى عليها 14 سنة ومن فئة تانية خالص لان المستعمل بيتحكم فيه عوامل كتير
ما الميجان والستروين c4 اللي عدى عليهم 4-5 سنين طول عمرهم في المستعمل أرخص من الفيرنا الزيرو!!

**MASERATI** · 15-07-2011 11:28 AM

المشاركة الأصلية كتبت بواسطة ralliart

مفيش أدنى درجات العلاقة بين سعر عربية زيرو وعربية مستعملة عدى عليها 14 سنة ومن فئة تانية خالص لان المستعمل بيتحكم فيه عوامل كتير
ما الميجان والستروين c4 اللي عدى عليهم 4-5 سنين طول عمرهم في المستعمل أرخص من الفيرنا الزيرو!!

السلام عليكم و رحمة الله و بركاته

على أساس أن اللانسر 1600 cc و العيون 2000 cc.

فعلا, العربية المستعملة بيتحكم فيها حاجات كتير بتحكم على حالتها دلوقتى و عشان كده, أنا وضحت و قلت حالة ممتازة, قصدى يعنى اللى معاه ال160000 جنيه و أودامه اللانسر الزيرو و عيون بحالة نضيفة, يختار ايه؟؟؟