لكل من اشترى او سيشتري البومة من التوكيل الجديد

**gebreel** · 14-07-2011 04:06 PM

المشاركة الأصلية كتبت بواسطة just_magdy1

بصراحة انا شايف ان رد فعل الزملا مبالغ فيه فى مسالة تسعير الشارك ... طيب ماتيجى نبص لاسعار الالنترا الهاى لاين اعتقد انها فوق ال 140 الف مع انى بصيت على خامات الصالون بتاعها لقيتها مش حلوة خالص يبقى بالشكل ده الشارك ب 160 الف معقولة فى ظل سياسة التسعير الخاصة بمصر
المفروض لما نيجى نتكلم عن سياسة التسعير نتكلم بشكل عام ونتكلم عن الجمارك المصرية اللى ملهاش مثيل فى العالم

يا باشا احنا بنتكلم على ان الاسعار بتبقى زيادة جدا لأن الوكيل بيبقى عاوز يكسب 100% من العربية و بعد فترة يعملك اعلان رهيب في كل مكان اكبر تخفيض في السوق المصري تخفيض 5000 ولا 10000 جنيه مرة واحدة و بيبقى بردو كسبان

هي الجمارك و الضرايب و الكلام ده حد يعرف كام؟

**islam_audi** · 14-07-2011 04:49 PM

المشاركة الأصلية كتبت بواسطة mmffor

الشارك فل اوبشن في الجليج ب 42 الف درهم * 1.6 فرق عملة * 1.6 ضريبة و جمرك و ؤسم سيف وارد و شحن

يعني 108 الف!!!

دى ب انهى عمله يا باشا عشان فى دبى كانت ب 69 الف درهم اول السنه لما سئلت عليها انت قصدك على البومه ممكن

**basemsaeed** · 14-07-2011 05:04 PM

[QUOTE=Ralliart;3873653090]اعتقد ان ده الوقت المناسب علشان نتجمع ونروح نقعد معاهم في التوكيل نشتكيلهم من المشاكل السابقة زي الأسعار والتسويق وأسعار قطع الغيار زي ما اعضاء قسم المازدا هيعملو مع غبور

انا معاك يا ralliart بجد
و مستعد اروح و اتكلم مع الناس هناك في التوكيل
و نقولهم على المشاكل اللي قابلتنا و نشوف معاهم طريقة حلها سواء في الاسعار او في الخدمة او غيره
و ياريت ده يتعمل موضوع منفصل عشان نشوف كام واحد موافق على الموضوع ده

**basemsaeed** · 14-07-2011 05:22 PM

المشاركة الأصلية كتبت بواسطة just_magdy1

بصراحة انا شايف ان رد فعل الزملا مبالغ فيه فى مسالة تسعير الشارك ... طيب ماتيجى نبص لاسعار الالنترا الهاى لاين اعتقد انها فوق ال 140 الف مع انى بصيت على خامات الصالون بتاعها لقيتها مش حلوة خالص يبقى بالشكل ده الشارك ب 160 الف معقولة فى ظل سياسة التسعير الخاصة بمصر
المفروض لما نيجى نتكلم عن سياسة التسعير نتكلم بشكل عام ونتكلم عن الجمارك المصرية اللى ملهاش مثيل فى العالم

+111111111111111
والله يا جماعة فعلا العربية متكلفة صح بش اي كلام
انا عارف طبعا ان السعر 160 مبالغ فيه شوية
بس لو بصينا للسوق,حتشوفوا اسعار جميلة زي كده
اولها الالنترا اللي بتوصل ل 153 للهاي لاين و الكروز و غيره من العربيات اللي اسعارها مبالغ فيه
بس بجد الشارك عربية قيمة جدااا و تمنها فيها

**just_magdy1** · 14-07-2011 11:44 PM

المشاركة الأصلية كتبت بواسطة gebreel

يا باشا احنا بنتكلم على ان الاسعار بتبقى زيادة جدا لأن الوكيل بيبقى عاوز يكسب 100% من العربية و بعد فترة يعملك اعلان رهيب في كل مكان اكبر تخفيض في السوق المصري تخفيض 5000 ولا 10000 جنيه مرة واحدة و بيبقى بردو كسبان

هي الجمارك و الضرايب و الكلام ده حد يعرف كام؟

واضح ان حضرتك مافهمتنيش انا اقصد ان كل السيارات مبالغ فى سعرها وتن الوكلاء فى كل انحاء الدنيا بيكسبوا كتير
بس احنا اللى جعل عندنا السيارات تصل الى الارقام الفلكيه دى عن بقية العالم الجمارك التى تصل الى مايقرب من ضعف العربية

**raedegypt** · 15-07-2011 12:34 AM

المشاركة الأصلية كتبت بواسطة hamada_amg

والله ياباشا اللى اعرفه ان البومه السبورت 130000
و الهاف اسبورت ب 122000
و الكلاسيك 112000
و القرش هاي لاين اعلى فئه 160000
و كلهم موديل 2011 و يابانى مش حاجه تانيه

يا اخونا السعوديه الناس ابتعدت عن اليابانى والحكومه منعت شحنات سيارات اليابان خوفآ من التلوث الاشعاعى ... والعياذ بالله تصيبك بالسرطان فى الدم . ابتعدوا عن اليابانى نهائيآ الاشعاع شيىء والعياذ بالله مش سهل ودولنا للاسف سوق سهل لمثل هذة المنتجات الملوثه اشعاعيآ وكم جنيه يدفعوة ويطلعوا شهادة بخلو الاشعاع من منتجاتهم وكله كذب

**Ralliart** · 15-07-2011 02:43 AM

المشاركة الأصلية كتبت بواسطة basemsaeed

+111111111111111
والله يا جماعة فعلا العربية متكلفة صح بش اي كلام
انا عارف طبعا ان السعر 160 مبالغ فيه شوية
بس لو بصينا للسوق,حتشوفوا اسعار جميلة زي كده
اولها الالنترا اللي بتوصل ل 153 للهاي لاين و الكروز و غيره من العربيات اللي اسعارها مبالغ فيه
بس بجد الشارك عربية قيمة جدااا و تمنها فيها

لا مش معنى ان غبور حرامي اننا نسكت على المهزلة دي
بالعكس هما لو بيفكرو صح ينزلوها رخيصة وياكلو السوق لوحدهم زي ايام البومة لما اكلت الكورولا
العربيه حلوة ومعليهاش كلام لكن مش لدرجة 160 الف

**MASERATI** · 15-07-2011 02:46 AM

السلام عليكم و رحمة الله و بركاته

انا قريت الموضوع لأن الأخوة الأفاضل اللى بيتناقشوا هنا, كانوا بيتناقشوا بطريقة بناءه و ممتازة و مفيدة, بس ماخدتش بالى من حاجة الا بعد ماعديت كذا مشاركة و هى ان سعر اللانسر بقى ب160000 جنيه, الغريب أن ال160000 جنيه دول, يجيبوا اليومين دول MERCEDES E200 ألمانى ألمانى مش تقفيل مصرى مو 1997 و لا يمكن 1998 كمان و بحالة ممتازة !!!!!!!!!!!!

الا اذا كانت اللانسر أحسن من العيون !!!!

ألا اللانسر مو 2011 أحسن من العيون صحيح بجد مش هزار ؟؟؟؟

**Ralliart** · 15-07-2011 05:36 AM

المشاركة الأصلية كتبت بواسطة MASERATI

السلام عليكم و رحمة الله و بركاته

انا قريت الموضوع لأن الأخوة الأفاضل اللى بيتناقشوا هنا, كانوا بيتناقشوا بطريقة بناءه و ممتازة و مفيدة, بس ماخدتش بالى من حاجة الا بعد ماعديت كذا مشاركة و هى ان سعر اللانسر بقى ب160000 جنيه, الغريب أن ال160000 جنيه دول, يجيبوا اليومين دول MERCEDES E200 ألمانى ألمانى مش تقفيل مصرى مو 1997 و لا يمكن 1998 كمان و بحالة ممتازة !!!!!!!!!!!!

الا اذا كانت اللانسر أحسن من العيون !!!!

ألا اللانسر مو 2011 أحسن من العيون صحيح بجد مش هزار ؟؟؟؟

مفيش أدنى درجات العلاقة بين سعر عربية زيرو وعربية مستعملة عدى عليها 14 سنة ومن فئة تانية خالص لان المستعمل بيتحكم فيه عوامل كتير
ما الميجان والستروين c4 اللي عدى عليهم 4-5 سنين طول عمرهم في المستعمل أرخص من الفيرنا الزيرو!!

-

الموضوع: لكل من اشترى او سيشتري البومة من التوكيل الجديد

LinkBack

أدوات الموضوع

عرض

-

-

-

-

-

-

المواضيع المتشابهه

سؤال لمخضرمى البومة ! الفرق بين البومة الخليجى والوكيل

فيه اخبار عن التوكيل الجديد؟

التوكيل الجديد اغلى من التوكيل القديم!! وتقييم التوكيلين

التوكيل الإنجليزى الجديد

الكلمات الدلالية لهذا الموضوع

المفضلات

المفضلات

ضوابط المشاركة