لكل من اشترى او سيشتري البومة من التوكيل الجديد

**shopraket** · 13-07-2011 01:06 PM

المشاركة الأصلية كتبت بواسطة medociv

بسم الله الرحمن الرحيم
السلام عليكم ورحمة الله وبركاته
لكل من اشترى او سيشتري البومة من التوكيل الجديد دايموند موتورز
يا جماعة نصيحة هامة كل اللي هيشتري من دايموند يتاكد ان كتيب الضمان او الصيانة الصغير اللي مع الكتاب الكبير يكون فيه ختم ضمان دايموند ومكتوب مدته
واللي مايلقيش الختم يعمل الاتي :
-تكلم دايموند موتورز 0235390903 باسرع وقت
-تقولهم ان الكتيب مش مختوم
-تحدد معاد معاهم عشان عمل مراجعة ال pdi في التوكيل
-يتم عمل ال pdi وهو مراجعة سريعة ويلزق ورقة على العربية ويختملك على كتيب الصيانة وياخد قرائة العداد
-بكده يتم تفعيل الضمان

ملحوظة هامة : وانت بتستلم عربيتك شيك ان الكتيب الصغير ده موجود والا لن يقبل التوكيل ادخالك في الضمان.

طب الصيانه فين فى اسكندريه او المحافظات فيه اماكن ولا لسه

**medociv** · 13-07-2011 01:54 PM

المشاركة الأصلية كتبت بواسطة mohammedabdallh

iهى فيها استهبال جامد ويلا ماهو كله بيستهبل اليومين دول جت على التوكيل الجديد
المشكله فى الشعب المصرى شعب غلبان برده بيروح يشترى
قال ايه قبل ماتغلى كمان
ههههههههههههههههههههههههه ههههههههههههههههههههههههه ههههههههه

مع احترامي لحضرتك بس انا شايف في اسلوبك ان فيه تهكم على الشعب المصري ،فياريت حضرتك تراعى حدود اللياقة
ثم حضرتك ليه زعلان من اللي بيشتري العربية وان الشعب المصري غلبان ،،،،
اذا في عندك نقد بناء او فكرة اتفضل انما تسخر وتتهكم يبقى بلاش تشارك افضل.

**fineart607** · 13-07-2011 02:53 PM

على فكره انا اظن ان الشارك هيتوقف انتاجها علشان برتون الماليزية هتنزلها قريب والله اعلم بس انت لو بحثت على النت هتلاقى الشارك ماليزى واتوقع لها النجاح ان شاء الله

**EslaM_NagY** · 13-07-2011 06:04 PM

المشاركة الأصلية كتبت بواسطة gebreel

انا فاكر الكلاسيك كانت في 2007 بحوالي 85 الف جنيه

2006 اوتو كانت ب91 !!!!!!!!!!!

سبحان مغير الاحوال

**Ralliart** · 13-07-2011 06:15 PM

اعتقد ان ده الوقت المناسب علشان نتجمع ونروح نقعد معاهم في التوكيل نشتكيلهم من المشاكل السابقة زي الأسعار والتسويق وأسعار قطع الغيار زي ما اعضاء قسم المازدا هيعملو مع غبور

المشاركة الأصلية كتبت بواسطة fineart607

على فكره انا اظن ان الشارك هيتوقف انتاجها علشان برتون الماليزية هتنزلها قريب والله اعلم بس انت لو بحثت على النت هتلاقى الشارك ماليزى واتوقع لها النجاح ان شاء الله

لا والنبي بلاش حد يقول حاجة وهو مش متأكد علشان الموضوع مش ناقص اشاعات
البروتون انسبيرا مش هتنزل هنا خالص وهتكون دركسيون يمين و1800 و2000 سي سي فقط وهتتسوق في شرق آسيا

**Daash** · 14-07-2011 08:09 AM

بصراحة سعر الشارك مبالغ فيه

انا لو معايا 160 الف جنية اول حاجه هزود 10 الاف جنية او 15 الف جنية واجيب سكودا فاتازيا

مبالغ فى السعر على الاخر انا شايف ان سعرها يبقى 140 الف للهاى لين يبقى معقول ومناسب

**MOUSTAFA_SAAD** · 14-07-2011 08:47 AM

المشاركة الأصلية كتبت بواسطة gebreel

هي الاسعار فيها استهبال ولا انا بيتهيألي؟

ياجبريل ماتشوف الالينترا ولا الكروز الكورى بقوا بكام

**gebreel** · 14-07-2011 09:49 AM

المشاركة الأصلية كتبت بواسطة moustafa_saad

ياجبريل ماتشوف الالينترا ولا الكروز الكورى بقوا بكام

يا مصطفى الكروز و الالنترا نازلين بكماليات اكثر من البومة الحالية و شكل جديد و وسع و حاجات كدة انا مش بعيب في البومة بالعكس انا بحترم العربية دي جدا بس هتلاقي البومة متنفضفة لا فيها ايرباج واحدة حتى ولا abs ebd وممكن ميبقاش فيها مثلا فوجات حاجات الامان الاساسية اللي بقت في اي عربية دلوقتي و الشكل بيفرق مع ناس كثير و الوكلاء عارفين كدة فلو عربية نزلت بشكل جديد و مختلفف عاجب كل الناس هينزلها بالسعر اللي هو عاوزو و بعدين يرخص بعروض و يثبت سعر بعد كدة

ميتسوبيشي كانت مع الرواس بتبيع باسم ميتسوبيشي و كان الخليجي بيبيع اكثر من الوكيل علشان اوبشنز اكثر و سعر يا مساوي لسعر فئة اققل في الوكيل او اقل من سعر نفس الفئة في الوكيل فلما دايموند ياخد نفس سياسة تسعير الرواس نبقى عملنا ايه؟ و ساعتها ربنا يستر من الخدمة كمان متبقاش زي الرواس

**just_magdy1** · 14-07-2011 03:28 PM

بصراحة انا شايف ان رد فعل الزملا مبالغ فيه فى مسالة تسعير الشارك ... طيب ماتيجى نبص لاسعار الالنترا الهاى لاين اعتقد انها فوق ال 140 الف مع انى بصيت على خامات الصالون بتاعها لقيتها مش حلوة خالص يبقى بالشكل ده الشارك ب 160 الف معقولة فى ظل سياسة التسعير الخاصة بمصر
المفروض لما نيجى نتكلم عن سياسة التسعير نتكلم بشكل عام ونتكلم عن الجمارك المصرية اللى ملهاش مثيل فى العالم

الموضوع: لكل من اشترى او سيشتري البومة من التوكيل الجديد

LinkBack

أدوات الموضوع

عرض

-

-

-

-

-

-

المواضيع المتشابهه

سؤال لمخضرمى البومة ! الفرق بين البومة الخليجى والوكيل

فيه اخبار عن التوكيل الجديد؟

التوكيل الجديد اغلى من التوكيل القديم!! وتقييم التوكيلين

التوكيل الإنجليزى الجديد

الكلمات الدلالية لهذا الموضوع

المفضلات

المفضلات

ضوابط المشاركة