ريــــنو تهدف أن تصبــح إحدى الشركات الرئيسيــة فى الخليج

**Sharky** · 20-10-2008 01:22 PM

دى خطوة من رينو لمحاولة الوصول إلى فكر الخليجين بعمل سيارات مناسبة لهم كما فعل اليابانيون

**أبو عبدالله** · 20-10-2008 03:09 PM

المشاركة الأصلية كتبت بواسطة محمد عز

انا مبسوط من شركة رينو لكن فيه مشكله كبيره هنا فى الخليج

اى عربيه مش تويوتا او يابانى عموما سعر اعادة بيعها فى الارض

وبالتالى التفكير فيها صعب فى الخليج

الا بقا لو رينو عملت معجزة وقلبت كيان السوق فعلا

هو ده الكلام فعلا

الموضوع صعب قوي
وشركات كتير حاولت ومش قادره تعمل حاجه بسبب عوامل كتير
ولو عملوا طيارات برضه الفكره مش انك تبهر الزيون وبس
طيب ما الألماني في كل الأنبهارات ولكزس والأنفينيتي

ولكن المشكلة فيه عوامل علشان تغيرها عاوزه سنين وسنين
وللأسف
محدش واخد باله ان في 2020 عربيات تويوتا هتكون هايبر وهيقلبوا كيان العربيات كلها

فانت ممكن ما على تاخد سوق يكون السوق بيتغير لحاجه تانيه

يعين انا اظن ان في 2015 كده هتلاقي مفاهيم الناس هتتحول على الهايبر خصوصا مع زيادة اسعار البترول والخوف من نضوبه كمان

**Sharky** · 20-10-2008 03:13 PM

و هل إنت متخيل يا أبو عبدالله إن الخليج حيقبل بالسيارات الهايبر و يلغوا البترولا بتاعهم بإيدهم !!!!

أظن إن الاوربيين ممكن يتقبلوا لكن الخليجين أظن حيتمسكوا بالسيارات العادية إلا لو العالم كله غير إلى هايبر فقط و لغوا السيارات العادية

و برضه فى الحالة دى تكون رينو حققت الهدف و هو بناء سمعة جيدة لعربياتها قبل نزول سياراتها الهايبر و كده تشجع الناس إنهم يشتروا منها الهايبر بناءا على السمعة إللى بنتها فى 10 سنوات فى السيارات العادية

و أظن دا إللى بتهدف له رينو

**momo10000** · 20-10-2008 03:16 PM

تاكدو ساعتها ان رينو حتخلي عربيتها هتمشي بالمية بدل البنزين ...!!!!!

**أبو عبدالله** · 20-10-2008 03:21 PM

موضوع الميه ده على فكره مش مرحب به
لأسباب كتير
أولها ان في عجز اصلا في المياه واي تأثير على الميه هيأثر على الكره الأرضيه كلها

**gomha** · 22-10-2008 05:19 PM

رغم انة صعب جدا الكلام ده خصوصا فى السعودية الا انى اعتقد اذا ارادت الرينو ان يكون لها

نصيب من السوق السعودى فعليها بكل تلكيد ان تختار وكيل غير الاخ شركة الزاهد للتراكتورات

وهذا الوكيل لة سمعة سيئة جدا هنا حتا الفولفو ماتت معاه فى السعودية

واضرب مثال مع الديهاتسوا عندما كانت مع شركة عمر بالبيد كنت تسأل عليها هنا فى السعودية

كانك تسأل على ماركة جائت من الفضاء ولكن الان عندما انتقلت الديهاتسوا الى عبد اللطيف جميل

وكيل تويوتا اصبحت تراها الان بكل انواعها ويشكر فيها الناس ويكون لها سعر فى اعادة البيع

الوكيل يا جماعة ركيزة اساسية لاى سيارة واذا كنت بعرف اكتب فرنسى لكنت كتبت الكلام دة

لرينو

**أبو عبدالله** · 23-10-2008 11:01 AM

المشاركة الأصلية كتبت بواسطة gomha

رغم انة صعب جدا الكلام ده خصوصا فى السعودية الا انى اعتقد اذا ارادت الرينو ان يكون لها

نصيب من السوق السعودى فعليها بكل تلكيد ان تختار وكيل غير الاخ شركة الزاهد للتراكتورات

وهذا الوكيل لة سمعة سيئة جدا هنا حتا الفولفو ماتت معاه فى السعودية

واضرب مثال مع الديهاتسوا عندما كانت مع شركة عمر بالبيد كنت تسأل عليها هنا فى السعودية

كانك تسأل على ماركة جائت من الفضاء ولكن الان عندما انتقلت الديهاتسوا الى عبد اللطيف جميل

وكيل تويوتا اصبحت تراها الان بكل انواعها ويشكر فيها الناس ويكون لها سعر فى اعادة البيع

الوكيل يا جماعة ركيزة اساسية لاى سيارة واذا كنت بعرف اكتب فرنسى لكنت كتبت الكلام دة

لرينو

مش كده برضه
جزاك الله كل خير على المشاركة الطيبة دي

**gomha** · 23-10-2008 02:16 PM

شكرا اخى ابو عبد الله على تقديرك لكلامى وانا اتسأل لماذا لا تضم نيسان و الرينو لوكيل واحد فى

السعودية لشركة الحمرانى وهو بكل تاكيد افضل من الزاهد واكثر خبرة ووعى بالسوق الخليجى

والسعودى على وجة التحديد الذى اصبح الان مقياس لكثير من الشركات على النجاح

**Sharky** · 23-10-2008 02:28 PM

يعنى قصدك إن الوكيل فى السعودية هو سبب رئيسى لفشل رينو فيها

**Ramy_Tantawi** · 23-10-2008 02:41 PM

المشاركة الأصلية كتبت بواسطة sharky

يعنى قصدك إن الوكيل فى السعودية هو سبب رئيسى لفشل رينو فيها

+1 انا عيشت في السعوديه فتره كبيره واتعاملت مع الزاهد .........هانظلمه لو قلنا ان مبدأش يتحسن السنتين الأخارى قليلاً لكن قبل كده كان تواجد الرينو في السعوديه شبه معدوم تماماً من 5 سنوات تقريباً كان موديل الكليو 2 او الكلاسيك زي ما بنسميها هنا بدأ ينزل في السعوديه ......تخيلوا انا اكتشفت وجودها بالصدفه مع انها كانت وقتها منافس قوي جداً لعربيات كتير ....وكان سعرها وقتها 28.000 ريال !!!!!!!! يعني كان سعرها مقارب للاكسنت والكيا ريو وقتها مع العلم ان محركها كان 1.4 مش زي اللي نزلت مصر وقتها 1.2

الخلاصه ان نعم الزاهد في السعوديه كان كسلان جداً السنوات الماضيه وده أثر سلبياً على الرينو وحتى الفلوفو وهو وكيلها في نفس الوقت برضه كان في مشاكل زي ما استاذ gomha تفضل وذكر في مداخلته.

النقطه التانيه هو في رأيي المتواضع ايضا ان رينو نفسها بعد شراءها لنيسان اتفتح ليها سوق في الخليج واعتقد انهم دلوقتي بس بدؤوا يتحركوا بخطوات شبه ثابته تجاه السوق الخليجي وارى ان المستقبل ان شاء الله هايكون لرينو باع في الخليج اكتر من الآن ولكن قد يحتاج الامر بعض الوقت.