صوت رنه في العربية

**hit_mo2000** · 04-05-2008 02:27 PM

عندي صوت رنه في العربية زي ما تكون وردة بتخبط في مسمار وده لما امشي في اي طريق مش مستوي قولت من المساعدين اللي ورا علشان مش كويسين .. غيرتهم عند بتاع عفشة .. ولما سمعهم قالي من الشكمان مش كويس غيرت فيه العلبة اللي ورا وزبطته .. وما فيش فايده ..
انا معايا صني 2001 اتوماتيك .. ياريت حد يساعدني لاني هاتجنن ..

ولكم جزيل الشكر

**NaderNabil** · 04-05-2008 06:42 PM

هو حل غريب شوية بس نفع عندي

بص علي الاستبن كويس...و شوفه مربوط و محكم في مكانه ولا لأ....و لو فيه عده جواه اتأكد انها محكمة برده و خبط عليها كويس بايدك...جايز تسمع نفس الصوت.

**hit_mo2000** · 05-05-2008 07:20 AM

الف شكر اخي العزيز على الاهتمام ..
انا روحت امبارح لميكانيكي والحمد لله اتحلت ..
كان فيه حلقتين في الكبلن بتاع العجلة اليمين بيخبطوا في بعض .. لما شالهم الحمد لله الصوت راح