يا مقطوراتك يا مصر

**Chicco** · 04-05-2008 06:09 PM

حمد الله على سلامتكم جميعا و ربنا يستر على الجميع من سائقي الرعب دول ....حسبي الله و نعم الوكيل

**MoToRiZeR** · 04-05-2008 08:24 PM

انا في المواقف دي يوميا لأن جامعتي و شغلي في 6 اكتوبر .. و مستحيل اركب المحور باخد الدائري لأخره ثم طريق الفيوم و اخش اكتوبر من ورة ..

بجد اعصابي باظت .. ساعات ببقي نازل و انا لسة صاحي مش مركز كويس و الطريق بيبقي محتاج تركيز عالي جدا من الناس اللي جايا يمين و شمال مقطورات علي نقل علي ميكروباصات علي ملاكي

و الله في مرة حصلي موقف .. مش عارف اوصفه اذا كان مضحك ولا ايه بس ساعة حدوثه بالنسبة لي كان مرعب !

علي طريق الفيوم عند قرية النسايم قبل دخلة اكتوبر .. ماشي ورا عربية نقل من الكبار ماشية عالشمال و عايز اطلع منها .. و انا بقرب منها .. لقيت حاجات مرعبة بتقع من العربية !!! يا تري ايه !!!!!؟؟

بطيخ !!!!

واحد محمل بطيخ و مش رابطه فا وقع من الحمولة و هو ماشي ..
ده اما بيبقوا محملين زلط و زلطة تطير عالعربية بتبهدلها .. امال لو كان نزلي عالكبوت بطيختين تلاتة!
و زمايلي في الكلية جايين يقولولي اسكت .. ده و احنا جايين لقينا بطيخ عالطريق .. قلتلهم عاااارف عاارف ..

و لسة و انا جاي انهاردة و الله عربية نص نقل خابطة في نقل كبيرة و مقلوبين في الاتجاه المؤدي للهرم عالدائري .. حصلت الساعة 1 و عشرة الظهر تقريبا .. حرام و الله

**theking2690** · 04-05-2008 10:12 PM

احلى سلام على طول الطريق لكريم باشا منير اللى هيأدبلنا سواقين التريللات بإذن الله

اولا حمد الله على سلامتك طبعا يا كريم انت و اسرتك
ثانيا يا ريت بقى لو تسبك من التريلات و تقلب على الاتوبيسات لأن من فتره اتوبيس فى النزله بتاعت الكوبرى بياخد غرزه من الميكروباص اللى وقف قدامه و كان هيرمينى انا و العربيه من فوق الكوبرى لولا انى لحقت كبست بنزين على الاخر خالص كان زمانى بقيت فى خبر كان ده انا من كتر دوستى على البنزين ساعتها الار بى ام وصل 6 و الصراحه انا كنت عاوز اعمل زيك كده و اجى قدامه و ارخم عليه بس انا اعصابى كانت فى الارض

**Ghamrawy** · 04-05-2008 10:29 PM

يا راجل ده كلام برضوا !! معاك اسرتك و تعمل كده ؟ دول عينة من البشر (اذا صح و صفهم بالبشر ) كل اللى يهمهم فلوس النقلة و الدنيا تولع من بعد كده يا ريت تخلى بالك و ربنا يسترها معاك و معانا
فاكرين فيلم فاست اند فيوريس ؟؟؟ فاكرين العربيات الهوندا سيفيك السودا و لا اللانسر مش فاكر اللى كانت بتطلع و تظبط بتوع النقل احنا عاوزين نعمل كده مع سواقين النقل
اما عن موضوع الراجل بتاع الحزب الوطنى فأقل ما يقال عن الموضوع ده هو :فساااااااااااااااااااااد
وعمار يا مهلبية فى جمهورية مصر البهية

**bassam nagy** · 04-05-2008 10:52 PM

حمد الله على سلامتك ياكريم
وبصراحة لحد امتى هايفضل الفوضى بتاعت سواقيين المقطورات مابين واحد ماسك شمال الطريق وماشى على 40 ومابين واحد ماشى على 120 ومابين واحد يبقى غلطان ويتسبب فى حادثة ويجرى
لازم يبقى فى واقفة من قبل المرور ..دة الدائرى بقى حاجة بشعة
ربنا يسترها معانا ويكفينا شر الطريق

**hazem_khidr** · 04-05-2008 11:12 PM

حمد الله علي سلامتك يا كريم
انا قلبي وقع لما قريت ان العربيه اترجت و عومت .
الحمد لله انك بخير انت و الاسره الكريمه
بجد الطريق الوحد بقي بيطلع عليه و حاطط ايده علي قلبه.
ربنا يسترها معاك و مع جميع المسلمين

**Sharky** · 05-05-2008 12:03 AM

الحمد لله على سلامتك يا كريم
و بلاش بقى حركات التهور دى
إرحم نفسك و إقفل إزازك و إديها لبان و شغل قرأن و إنسى إللى حواليك

**Noha.M** · 05-05-2008 12:12 AM

Begad waa2aa3t alby ya karim ,7aram 3alek met3melsh kda tany ,ely 7asal ma3ak da wala 7aga gnb ely shofto we7na rag3in men marima embare7! ! ! ! ! Takhayal kda ?!!! TERELLA MASHYA FI TARI2 MARINA EL 3ALAMEN MMOO3AAAKKESSS ! Fag2a la2ena terella gaya fi weshena wel kalam da emta ? 4 el sop7 !! Ya3ni dalma ko7l

**Karim_Monir** · 05-05-2008 12:19 AM

الله يسلمكم جميعا بس بحاول اتخلص من السلبية
انا كذا مرة مقطورة ترخم علياادخل الكمين وابلغ عنه
حتى لو دفع 50 جنية في الكمين رشوة يبقي عورتة في اي حاجة سواء فلوس او عطلة
عملتها في الكيلو 42 طريق مصر اسماعيلية ايام ما كنت بروح العاشر كتير
وعملتها في الكمين بتاع الحراوي اللي بعد البوابة وكانت مقطورة حمرا وفاكرها برضة والسواق كان هاين عليه يضربني ببندقية زي بتاعت محمد ممدوح

مصطفي انت عارف اني ماعملهاش مع اتوبيس خاصة الاتويسات الحديثة لان مواتيرها وغيارتها سريعة قوي وتجميعة بشع
لكن النقل تجميعة بطيئ لانه بيعتمد على العزم
اعتقد مرة طلعت اسوق مقطورة رينو من 8 سنين كانت 12 غيار عشان تطلع بس ب 3 غيارات

**Karim_Monir** · 05-05-2008 12:21 AM

المشاركة الأصلية كتبت بواسطة onna

Begad waa2aa3t alby ya karim ,7aram 3alek met3melsh kda tany ,ely 7asal ma3ak da wala 7aga gnb ely shofto we7na rag3in men marima embare7! ! ! ! ! Takhayal kda ?!!! TERELLA MASHYA FI TARI2 MARINA EL 3ALAMEN MMOO3AAAKKESSS ! Fag2a la2ena terella gaya fi weshena wel kalam da emta ? 4 el sop7 !! Ya3ni dalma ko7l

ينهار اسود
تريلا في طريق مارينا عكس
ده مفيهوش لمبة واحدة
حمدالله على سلامتكم