الموضوع: حملة (معاً لإلغاء جمارك السيارات فى مصراو تخفيضها وفتح استيراد سياره واحده للمغتربيين

المشاركة الأصلية كتبت بواسطة mount

بعد إذن حضرتك هختلف معاك
رفع الجمارك صح ، لكن نظام الرفع لازم يكون سليم
يعني الشيطان يكمن فى التفاصيل
إحنا نسمح بس بدخول العربيات المحترمة ونركبها زي باقي الدول اللى جنبنا !
فلما تلغي ليا الجمارك ، متسبش ليا عربية فى الشارع لما تشيل من عليها الجمارك مثلا ثمنها اقل من 40 ألف
ومتسمحش استيراد عربية تمنها اقل من 40 ألف بدون الجمارك

معني كدة ان اغلب العربيات الخردة اللى ماشية فى الشارع مش هتبقي موجودة ،
واللى بيشتري ماروتي " تقريبا هي ارخص عربية فى مصر " ب 37 ألف " ، هيشتري بنفس المبلغ عربية محترمة
وفى نفس الوقت مش هيبقي فى حاجة اسمها ماروتي فى مصر ويتمنع إستيرادها اى عربية اقل من الفئة السعرية دي

فاللى هيحصل ، ان الناس اللى بتشتري عربيات هتفضل هى نفسها الناس اللى بتشتري عربيات بدون ما يحصل أزمة مرورية فجأة ولا حاجة
وهتلاقي ان حضرتك بدل ما هتدفع 100 ألف فى عربية ثمنها 40 ألف مثلا ، انت هتشتريها ب ال 40 ألف
وال 100 ألف دي هتجيب عريبة ثمنها دلوقتي مثلا 300 ألف
يعني الغلط مش فى إلغاء الجمارك ، الغلط انك ترفع الجمارك و تسمح بإستيراد سيارات مكوناتها ضعيفة وتبقي برخص التراب
والطريقة دي هتتعمل عن طريق إعتماد درجة أمان فى السيارات لا تقل عنها اى سيارة
يعني انا مش همنع ماركات او موديلات بعينها ، انا هعمل إشتراطات امان ، و درجة أمان 3 حد أدني مثلا
فالمواصفات اللى هعملها تبقي كفيلة انها تدخل ليا بس العربيات اللى انا عاوزها ،
فمثلا إذا اشترط ان يكون فيها أثنين اير باج حد ادني ، فى لحظة أغلب العربيات التعبانة مش هتلاقيها فى شوارعنا المحروسة .

بعد اذن حضرتك راىك اخترااااااااااااااااااااا ااااااااااااااااااااااااا اااااااااااااااع
ازاى مخطرش على بال حد قبل كدهههههههههههههههههههه؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟

بجد فى ناس بتفكر !!!!!!!!!!!!!!!!!!!!!!!!!!!!!!!!!!
لازم يطبقو الفكره دى
+111111111111111111111111111111

ا باشا همه رجال الاعمال هيسيبونا فى حلنا والمكاسب الى بيكسبوها هيسيبوها بالساهل كده مشش لازم يمطلو علشان يكسبوا اكتر وقت ممكن لتحقيق ارباح ممكنة ومع ذالك فى تقدم


بص يا سيدى اخر الاخبار قمت بأنشاء جروب يسمى
مشروع فيه حلمنا فى بيئه نظيفه وسيارة رخيصة وصناعات متطوره وايدى عامله
وارسلت ايميلات لرئيس الوزراء وجميع الوزراء وتم الرد على الايميلات وفى خطوات جديه لتنفيذ اولى خطوات المشروع الا وهى تخفيض الجمارك على قطع ومستلزمات التصنيع لخفض تكلفة المنتج المحلى ونشر الخبر فى جريدة الاهرام يمكن متابعة كل الاخبار على الجروب على الفيس بوك والرابط فى اخر الصفحه وشكرا على الاهتمام


مشروع فيه حلمنا فىه بيئه نظيفه وسيارة رخيصة وصناعات متطوره وايدى عاملة وعدالة اجتماعية

اهداف المشروع


بيئة نظيفه عن طريق تقليل نسبة العادم المنبعث من العربات والمركبات القديمة والغير صالحه للاستخدام علميا وعمليا عن طريق تسهيل عملية احلال الجديد بالقديم على المواطنين بجميع مستوياتهم ولا تقتصر على الاغنياء فقط



ترشيد استهلاك البنزين عن طريق القضاء على السيارات والمركبات التى تعمل بتكنولوجيا قديمة (خراطيم وطرنبات بدائية) واستبدالها بسيارات تعمل بالحقن المباشر انجكشن وتوفير ذالك لجميع طبقات المجتمع ليس فقط للاغنياء
معاك إن لازم يتم التخلص من السيارات القديمة المضرة بالبيئة و بالطريق و سيولته
توفير وسيلة مواصلات حديثه ومريحه للفرد مما يساعد على شعوره براحه نفسيه التى تنعكس على فكره ورفع انتاجيته
يجب توفير وسيلة مواصلات جماعية زي مترو الأنفاق و القطارات
الحفاظ على الصناعات المحلية والنهوض بصناعة السيارات فى مصر وتطويرها
والارتقاء بها الى مستوى العالميه
معاك في دي



القضاء على الاحتكار والعمل على بناء سوق مفتوح يساعد فى انعاش الاقتصاد المصرى مما يرتقى بمصر الى العالمية
معاك في دي
القضاء على عمليات النصب والغش التجارى والخداع البصرى عن طريق توفير مصادر مضمونه ورخيصه للحصول على مركبات والسيارات جيدة مما يوفر ملايين الجنيهات المهدوره فى مركبات غير صالحه للاستخدام تباع على انها صالحه ويهدر اموال طائلة فى صيانتها
معاك في دي
الارتقاء بالمظهر الحضارى لشوارع مصر المحروسه والقضاء على عربيات (الكرو وميكروباص الترامكو واستبدلها بمركبات نقل جماعى ولوريات حديثه وذالك عن طريق خفض اسعارها مما يساعد على اعادة تقيم مستوها عالميا بالنسبه للدول السياحيه مما يساعد على استقطاب الطبقات الغنيه وانعاش السياحه المصرية
معاك في دي
و هي دي التي يجب تخفيض الجمارك عليها أو الأولى الأهتمام بتصنيعها محليا
كالقطارات و الأتوبيسات متوسطة الحجم
توفير اموال طائله على المغتربيين المقيمين خارج الوطن والذين لم يستفيدوا بأى دعم طيلة فترة غربتهم عن طريق فتح استيراد سيارة واحده كل خمس سنوات على ان تكون مدة الاقامة خارج الوطن لا تقل عن سنتين



المغترب لم يعيش في البلد و لم يقوم بعملية دفع الضرائب و لذلك لا أتفق معاك نهائيا في هذه النقطة ….... الدعم لمن يعيش على أرض البلد فقط أما من يعيش خارجها لماذا يتساوى بمن يعيش داخلها ؟
يبقى عاش في بلد تاني و كان بيدفع ضرائب في بلد تاني ليه يستفيد بالدعم ؟
حدوث عداله اجتماعية لجميع طوائف المجتمع مما يساعد فى تجديد الروح الوطنيه والانتماء والقضاء على عمليات التخريب ودفع عجلة الانتاج
هو أنا مش فاهم يعني أيه عدال أجتماعية اللي أنت تقصدها بس العدالة عموما مطلوبة



القضاء على ازمة المرور من خلال القضاء على احد اسبابها وهى كثرة العربات القديمة وكثرة اعطالها مما يؤدى الى تعطل السير فى الكثير من الطرق الحيويه



القضاء على أزمة المرور بثلاثة وسائل
واحد – هو التقليل من عدد السيارات
ثانيا – هو زيادة عدد المركبات الجماعية و توفير نظام صارم لها
ثالثا – الأهتمام بتطبيق قانون المرور و بيندرج تحته ( أستخراج الرخص و تطبيق القانون في الشارع) و طبعا كمان هانضيف عليهم تعليم الأطفال في المدارس أهمية
أحترام النظام



ممكن كمان نضيف خروج السكان من المدن الكبرى و بناء مدن جديدة كثيرة في أنحاء البلاد
خلق فرص للعمل والمساعده فى تقليل نسبة البطاله من خلال تشغيل المصانع المحلية بالطاقة القصوى للمنافسه مع موديلات السيارات المستورده
معك في دي و هاضيف الأهتمام بالصناعات المغذية



القضاء على التكدس السكانى فى القاهرة من خلال توفير وسيلة مواصلات مريحه ورخيصه مما سجعل المواطنين يتوسعون خارج القاهره فى المدن الجديدة




القطارات و مترو الأنفاق هو الحل السحري
خطوات ومتتطلبات تنفيذ المشروع
منع استيراد جميع الموديلات والمركبات المصنعة محليا مع الغاء الجمارك على القطع والاجزاء المستخدمة فى التجميع والتصنيع المحلى مما يساعد فى انخفاض اسعار السيارة المصنعه محليا ومساوتها بالاسعار العالمية لشعور المواطن بالرضاء والعداله تجاه المنتج المحلى والحفاظ على الصناعات المحلية
تخفيض الجمارك على السيارات والمركبات المستوردة من الخارج الى مستوى الدول المجاوره اعنى السعوديه وليبيا (واعنى الموديلات الغير مصنعه فى مصر) فقط مما يخلق نوع من روح التنافس فى السوق المحلى وينهض بالصناعات المحلية الى مستوى العالمية ويحافظ على الموديلات المصنعه محليا



مينفعش تبيع العربية في مصر بنفس ثمن السعودية
أنا لا أتفق بشدة مع هذا الطرح
كل دولة لها ظروف مختلفة و طبيعة مختلف
أنت في مصر مش بتدفع ثمن البنزين الحقيقي و بالتبيعية لو عايزين تخفيض ثمن السيارات يبقى ندفع ثمن البنزين الحقيقي و كمان الطرق عندنا لن تستوعب أن كل مواطن يكون معاه عربية خصوصا في ظل السلوكيات المضادة للنظام التي نتمتع بها كشعب مصر و كمان ضيق الطرق في القاهرة الكبرى و الأسكندرية و اللي بيعيش فيهم تقريبا 40 % من تعداد السكان
الغاء الجمارك على سيارات المغتربيين والعاملين خارج البلاد لمدة لا تقل عن سنتين



بالعكس …..... ده شخص مكنش بيدفع ضرائب لبلده طوال مده اقامته خارج البلاد
ليه يأخد مميزات مش بيأخدها اللي بيدفع ضرائب في بلده ؟
صدور قانون لاعدام السيارات القديمة ومبدئيا الاقدم من 1985 والاستفادة من اعادة تصنيع الصاج والبلاستيك المستخدم فيها واعادة تدويرها فى الصناعات المحلية مما
يوفر الخامات
معاك في دي



فرض ضريبة على الارباح الكلية لشركات صناعة السيارات والمستوردين والمستثمريين كبديل للجمارك على السيارات فيتحمل المستثمر هذا العبىء عوضا عن المواطن كما يحدث الان من خلال دفع ضرائب على ارباحه السنوية وسيمنع ذالك استغلال المستورد الجمارك كحجه لرفع الاسعار
ما هو أنت هاترفع الضريبة على المستورد أو المستثمر و بكدا المستورد بدوره هايرفع السعر النهائي للسلعة يبقى معملتش أي جديد و عملت شوية تغييرات شكلية فقط
صدور قوانين صارمة لتحديد اسعار السيارات لتكون موافقه للدول المجاورة والاسعار العالمية لعدم اعطاء فرصه للمستثمريين والمصنعيين والمستورين بالتلاعب بالاسعار




الدول المجاورة حاجة …........... و الأسعار العالمية حاجة تانية خالص
الأسعار العالمية زي أوروبا مثلا أغلى من مصر كسيارة جديدة
و ده علشان نفس الأسباب اللي أنا سقتها قبل كدا
مساحة طرق لا تستوعب – ازدحام بدون داعي – أستهلاك بنزين بدون داعي لعدد كبير من السيارات
أما الدول المجاورة فهي من أستثناءات العالم
سؤال وجواب
شخص يسأل طيب المشروع ده هيتسبب فى ازدحام الشوارع لان كل الناس هتشترى سيارات ؟؟؟؟
اقوله الاجابه فى سؤال واحد ما هى شرائح السيارات فى مصر الان وما هو عدد السيارات التى يتراروح سعرها من 5000 الى 30000 اعنى مثلا 128 سيت ريتمو العربيات الامريكانى القديمه بجميع انوعها الاجابه كتير جدا اذا هناك امكانية ان كل واحد يحصل على سيارة رخيصه ليه لم تزيد السيارات لن تتزايد بل بالعكس سوف يكون فى شوارعنا السيارة المطلوبه فقط الان هناك سيارة مطلوبه وغير مطلوبه والغير مطلوبه اعنى سيارات يمكن الاستغناء عنها
شخص اخر يسأل طيب والناس التى اشترت سيارت بالفعل هتخسر فيها؟؟؟؟
اقوله العربيات سلعه مستهلكه سعرها يقل بالتقادم واذا كان كسر الزيرو يباع ارخص 10000 الى 15000 فلماذا القلق العمليه سوف تصبح نسبه وتناسب عربيتك هترخص الاحدث منها بردو هترخص يعنى قيمة عربيتك الفعلية لازالت كما هى



الجديدة سعره أقل و بالتالي المستعمل سعره هايقل و بالتالي السيارة هاتكون متوفرة أكتر لكل شخص و بالتالي أزدحام أكتر
دي الناس أصلا مش لاقية مكان تركن فيه في أماكن كتيرة في أحياء القاهرة و الركن بتكون بخناقة
فى بعض المشككين يقولون ان هذه الجمارك هى مصدر للدخل القومى ؟؟؟؟
والاجابه فى منتهى البساطه هى ليست الا عبىء على المواطن المصرى ونهب لثروات المصريين فلماذا لاتضع الدولة ضريبة على الارباح الكلية للمستثمريين والمستوردين عوضا عن هذه الجمارك التى يتحملها المواطن وحده وتجعل المستثمريين ومصنعى السيارات يحصلواعلى ارباح خياليه وحجتهم فى ذالك (الجمارك مرتفعه) لماذا اسعار السيارات فى مصر ضعف ثمنها فى السعوديه هل السعوديون افقر من الشعب المصرى هل السعوديه تملك موارد اكثر من مصر الاجابه السعوديون اغنى من المصريين ومواردهم محدوده ام نحن فنملك كل الموارد الطبيعيه نملك عقول وايدى عامله بوفره فمن المفروض حدوث العكس ان اسعار السيارات فى مصر تكون ارخص من السعوديه والدليل على كلامى انظرو اسعر السيارت فى السعوديه
وليكن مثال الكيا



ما أحنا قلنا ما ينفعش تقارن مصر بدول الخليج
قارن مصر بدولة شبيه في الظروف الأقتصادية
السعودية عدد سكان أقل بكتير و مساحة أرض شاسعة
البنزين هناك زي المياه هنا في قيمته و بالتالي أنت برضه محدود بشئ معين
السعودية دخلها كبير جدا مقارنة مع عدد السكان و لذلك الدولة مش محتاجة لا جمارك و لا ضرائب و لا عوائد من المواطن



عايز تقارن
قارن مصر بدولة أوروبية زي أنجلترا على سبيل المثال
مصادر الدخل متعددة و لا تعتمد في الأساس على سلع من باطن الأرض
عدد السكان إلى حد ما متقارب 65 مليون في بريطانيا و 80 مليون في مصر و بيزيدوا
الأقتصاد عايش غلى الصناعة مع الأختلاف طبعا في طبيعة الصناعة و الزراعة و التجارة و الخدمات
و مع ذلك سعر السيارة في أنجلترا أو في أوروبا عموما أكتر من مصر و بنضيف على كدا شوية حاجات تانية
زي البنزين الغالي
زي التأمين الأجباري اللي أحيانا بيوصل ل 10 % من ثمن العربية كل سنة
الطرق اللي أستخدامها بفلوس و مش مجاني
كل الطرق السريعة هناك بفلوس و بفلوس مش قليلة.






‫ ظ„ظ‚ط·ط© - ط¹ط±ظˆط¶ ظˆطھط®ظپظٹط¶ط§طھ ط§ظ„ط³ظٹط§ط±ط§طھ - ط³ظٹط§ط±ط§طھ ط¬ط¯ظٹط¯ط© - ط³ظٹط§ط±ط§طھ ط¬ط¯ظٹط¯ط© - ط³ظٹط§ط±ط§طھ ط¬ط¯ظٹط¯ط© ظ„ظ„ط¨ظٹط¹ - ط§ظ„ط³ط¹ظˆط¯ظٹط©
وانظرو الى اسعار السيارت فى مصر ونفس الماركة كيا هل يعقل مثلا (الكيا الموهافى) فى السعويه بما يساوى 155000 وفى مصر 520000 هل هذا يعقل الاسعار فى مصر غير معقوله اصبحنا فعلا من عجائب الدنيا السبع فى اسعار السيارات










contactcars | السيارات الجديدة بمصر
هذا يدل على حجم النهب الذى يحدث لثروات المصريين والاموال الضائعه لان اذا كانت فعلا هذه الاموال تذهب الى جمارك .فهذه الاموال منذ 30 عاما تجعلنا قادريين على بناء اوربا الشرق الاوسط والعكس يحدث وحسبي الله ونعم الوكيل الى شرفاء مصر نرجوا التغيير والا لتفات الى مطالبنا
وفقكم الله الى ما فيه الخير للبلاد
وده رابط الجروب للى عوزين يشاركوا

صناعة السيارات من أهم الصناعات العالمية التي ترفع شأن الأمم و يُبنى عليها صناعات أخرى هامة تفيد أي أقتصاد وطني .
و لكن لكل دولة ظروف و تختلف الظروف من بلد لأخرى

أنت عايز الانسان المصري يعيش بآدميته
مش السيارة اللي هاخلي كدا حسب ظروف المدن المزدحمة بالسكان في الوقت الحالي و حسب أسعار البترول و سحب توافر البترول أصلا .

لو عايزين بلد منظمة عايش فيها المواطن بآدمية من ناحية المواصلات
يبقى عايزين التالي

سكان أقل في كل مدينة
تخطيط أفضل للطرق
تغيير جذري و شامل لسولكنا المهبب بنيلة (الكاره للنظام و الأنتظار )
الأهتمام بالمواصلات الجماعية خصوصا القطارات و مترو الأنفاق (من أهم وسائل المواصلات و أكثرها أعتمادية و كفاءة و سرعة )
الأهتمام بتطبيق القانون تطبيق حازم و صارم
و قبل تطبيق القانون هو تعليم الناس ما هو القانون و كيفية القيادة و أنتظار غيرك و القيادة في حارة و الدوران بطريقة معينة ( أساسيات القيادة - مش مجرد الضغط على دواسة البنزين و الكلاكس و الكسر على غير في كل فرصه متاحة للمرور منه و قبله حتى لو أنت غلطان )
التطبيق الصارم للقانون في أستخراج الرخص .

معلش أنا مش مجمع الأفكار بطريقة منظمة لأني تعبان جدا النهاردة و مرهق بس مقدرتش مردش على الكلام ده حسب رأيي الشخصي المتواضع

المشاركة الأصلية كتبت بواسطة mount

بعد إذن حضرتك هختلف معاك
رفع الجمارك صح ، لكن نظام الرفع لازم يكون سليم
يعني الشيطان يكمن فى التفاصيل
إحنا نسمح بس بدخول العربيات المحترمة ونركبها زي باقي الدول اللى جنبنا !
فلما تلغي ليا الجمارك ، متسبش ليا عربية فى الشارع لما تشيل من عليها الجمارك مثلا ثمنها اقل من 40 ألف
ومتسمحش استيراد عربية تمنها اقل من 40 ألف بدون الجمارك

معني كدة ان اغلب العربيات الخردة اللى ماشية فى الشارع مش هتبقي موجودة ،
واللى بيشتري ماروتي " تقريبا هي ارخص عربية فى مصر " ب 37 ألف " ، هيشتري بنفس المبلغ عربية محترمة
وفى نفس الوقت مش هيبقي فى حاجة اسمها ماروتي فى مصر ويتمنع إستيرادها اى عربية اقل من الفئة السعرية دي

فاللى هيحصل ، ان الناس اللى بتشتري عربيات هتفضل هى نفسها الناس اللى بتشتري عربيات بدون ما يحصل أزمة مرورية فجأة ولا حاجة
وهتلاقي ان حضرتك بدل ما هتدفع 100 ألف فى عربية ثمنها 40 ألف مثلا ، انت هتشتريها ب ال 40 ألف
وال 100 ألف دي هتجيب عريبة ثمنها دلوقتي مثلا 300 ألف
يعني الغلط مش فى إلغاء الجمارك ، الغلط انك ترفع الجمارك و تسمح بإستيراد سيارات مكوناتها ضعيفة وتبقي برخص التراب
والطريقة دي هتتعمل عن طريق إعتماد درجة أمان فى السيارات لا تقل عنها اى سيارة
يعني انا مش همنع ماركات او موديلات بعينها ، انا هعمل إشتراطات امان ، و درجة أمان 3 حد أدني مثلا
فالمواصفات اللى هعملها تبقي كفيلة انها تدخل ليا بس العربيات اللى انا عاوزها ،
فمثلا إذا اشترط ان يكون فيها أثنين اير باج حد ادني ، فى لحظة أغلب العربيات التعبانة مش هتلاقيها فى شوارعنا المحروسة .

لو عايزين نقلل الجمارك على العربيات نعمل الآتي
كل مواطن يجد جراج و يقدمه مع طلب لشراء السيارة (زي اليابان )
كل مواطن يدفع ثمن المحروقات البترولية بالكامل

و ردا على كلام حضرتك
لو العربية أم 40 ألف أصبحت مثلا فيرنا بدل الماروتي
يبقى لما تيجي تشتريها مستعملة قيمتها هاتكون أقل بكتير و بالتالي برضه عدد السيارات هايزيد بكثرة


يا جماعة الأفضل
مدن جديدة بتخطيط سليم و مواصلات جماعية منتظمة و يا حبذا لو قطارات و مترو أنفاق

المشاركة الأصلية كتبت بواسطة tutankhamoun

لو عايزين نقلل الجمارك على العربيات نعمل الآتي
كل مواطن يجد جراج و يقدمه مع طلب لشراء السيارة (زي اليابان )
كل مواطن يدفع ثمن المحروقات البترولية بالكامل

و ردا على كلام حضرتك
لو العربية أم 40 ألف أصبحت مثلا فيرنا بدل الماروتي
يبقى لما تيجي تشتريها مستعملة قيمتها هاتكون أقل بكتير و بالتالي برضه عدد السيارات هايزيد بكثرة


يا جماعة الأفضل
مدن جديدة بتخطيط سليم و مواصلات جماعية منتظمة و يا حبذا لو قطارات و مترو أنفاق

الكلام دا محتاج سنين عشان يتطبق
المشكله ان مفيش حد بيتحرك دلوقتي خالص و مفيش حد عايز يحل المشكله !!

قيمتها هتكون بنفس قيمة الماروتي مستعمل ، الفرق انه مش هيبقي في حاجة اسمها ماروتي مستعمل ، كمان المفروض يا نصنع يا نستورد مواتير غاز طبيعي وبالتالي هنقلل استيراد البنزين والسولار، وبالنسبة لإعادة تخطيط المدن عندك حق ، مصر كلها محتاجة إعادة هيكلة وفي السلوكيات قبل المدن والقري .