الموضوع: حملة (معاً لإلغاء جمارك السيارات فى مصراو تخفيضها وفتح استيراد سياره واحده للمغتربيين

يعنى اعمل تخفيض لجمارك قطع التجميع للمصانع الوطنيه زى هيونداى ونيسان والشفروليه والاسبرنزا علشان نلاقى عربيات الانتاج المحلى رخيص وتدخل مشروع استبدال الملاكى ال عدى على موديله 20 سنه يتوقف ترخيصه للسيارات الوطنيه فقط

وقف استيراد سيارات حوادث ومقطع نهائيآ

وقف استيراد اى سيارات لها بديل وطنى

الغاء اى اتفاقيات تبادل تجارى للسيارات لاتحقق المصلحه لنا وتساهم فى تقليل انتاجنا الوطنى من السيارات او فرض عليها رسوم اغراق ونستوردها

التاكسى وميكروباص واتوبيس 10 سنوات كفايه

الفكرة نشجع الصناعه المحليه ونشغل الالاف الموظفين ونقلل البطاله ونشغل الشباب فى شغل يفييد البلد بدل القهاوى والتطرف والكلام دة كله

لحمايه الطرق يجب منع استيراد المركبات البطيئه والحد من اعدادها لانها اصبحت تهدد الطرق السريعه وتستخدم خارج نطاق عملها كا التوك توك وموتوسيكل بصندوق فالمفروض عملها داخل الطرق الغير ممهدة والحوارى الضيقه للارياف وجدنا خروجها على الاسفلت وتشوة الطرق وتشل حركتها ودة لازم تنظيم وترخيص لها بالتعاون مع المحليات والا تسحب فورآ

المشاركة الأصلية كتبت بواسطة abo_mahmud

انا نفسى فى سيارة اوربى بسعر اوربى مع انى راتبى مصرى .

يحرق الوكلاء على المحتكرين .

عاوزين نحدد يوم ونرفع يفط ونروح مجلس الوزراء ونعملها راى عام وهتلاقى ناس كتير موافقة بتحلم بعربية نظيفة بدون سرقة علنى .

يعنى الكورولا ام 160 الف بتباع فى جميع انحاء العالم بما يعادل 70 الف مصرى يعنى تمن اللوجان يجيب كورلا .

Bmw السيدان فى الكويت ب 5 آلاف دينار يعنى 100 الف مصرى ليه بتباع هنا بنص مليون ياحرامية .

الكورولا 1600 نمرة 1 (ب 160 الف ج) ب 65 الف درهم اماراتي = 100 الف ج
اللانسر 1600 بوما اتوتو كلاسيك ب 50 الف د (واوقات بتوصل 45 الف في العرض) يعني حوالي 50 الف د = 78 الف ج والباقي الجمرك

المشاركة الأصلية كتبت بواسطة hussein_emara

اسمحلي اختلف معاك في نقطة ان تخفيض الجمارك حيحل ازمة المرور, من وجهة نظري ده مش صحيح, ازمة المرور سببها الحقيقي سوء التخطيط لمدن المحروسة, الشوارع شايلة عربيات باكتر من طاقتها, لو الجمارك اتخفضت حتشيل كل عربية عطلانة و تحط مكانها عربية او اتنين سُلام, يعني حتزود الكثافة المرورية. على نفس التخطيط العقيم الموجود.

بالنسبة للحلول, ياما نعيد تخطيط البلد, و ده حل بياخد عشرات السنين, يا اما نعتني بالمواصلات العامة ( ادمية , كافية) و اسعار سليمة و ثابتة مش على مزاج السواقين و نغطي بيها المدن كلها حتى الاماكن النائية ( و منتحججش بان الجدوى الاقتصادية للخط مش كافية) لأن من حق كل مواطن التنقل, فمبالك بالي بيعمر مكان جديد و بيوسع على نفسه و على البلد. و كمكسب جانبي للحل ده توفير الوقود بالنسبة للبلد ككل بدل ما كل واحد بيحرق بنزين لوحده, الاستهلاك الجماعي اكيد اققل, و تخفيض نسبة التلوث كنتيجة بديهية لتخفيض حرق الوقود.

و كمثال لبلد مطبقة الموضوع ده: السويد, هناك السيارات الخاصة ده شيء غريب, الاعتماد الكلي في التنقل على المواصلات العامة (الاتوبيس و المترو) الي مغطيين كل شبر في البلد.

انا معاك انهم لازم يهتموا بشبكة المواصلات وتحديثها وجعلها مريحه على قدر الامكان حتى يتنازل المواطن عن الذهاب بسيارته الخاصه الى العمل والذهاب بوسيلة مواصلات بس تفتكر ان الجمارك مش هتساعد فى كده؟ لاء طبعا هتساع اقولك ازاى عندك كام شبكة ميكروباص فى مصر اعتقد ما فيش ماكن فى مصر الا لما بتروحو الميكروباصات طيب بص مثلا على الميكروباص التيوتا الجديد ابو قبه بكام فى مصر هل كل الناس تقدر تحصل عاليه لا طبعا ايه بداله التيوتات القديمه جدا والترامكو بعيد عنك وما ادراك ما الترامكو احنا لما نفخض الجمار هتبقى الميكروباصات الحديثه دى فى متناول شريحه كبيره وانت عارف ان نسبه كبيره جدا يعملون فى مجال المواصلات فى مصر يعنى التاكسى والميكروباص واليموزين واعتقد انها مواصلات رخيصه بالنسبه لدول العالم كله ايه رأيك ده غير انك هتقضى على التاكسى القديم فى اسرع وقت لانه هيبقى سهل الحصول عاليه رخيص جدا

المشاركة الأصلية كتبت بواسطة megamoudy

حرااااااااااااااااااام الواحد مش عارف يركب عربية كويسة ف البلد التيت دي

انشاء الله تركب عربيه محترمه تلم فيها العيله والاولاد لو متجوز اقولك بشرى حلوه خبر نزل فى كل الجرائد الشهر الى فات بيقول كالتالى الانتهاء من التعديلات الجمركيه وعرضها على وزارة الماليه وهتنزل بمنشور عسكرى اواخر يوليو القادم دور على الخبر فى جوجل هتلاقيه فى الاهرام مصراور وكل الجرائد بس احنا عوزين نضغط علشان متبقاش اشتغاله زى كل مره شارك معانا فى الجروب الى على الفيس بوك وادعو كل صحابك على الفيس بوك للمشاركه