السلام عليكم ورحمة الله وبركاته
انا شارى بيجو 305 من حوالى سنه
وبصراحه العربية عجبتنى جدا لدرجة انى قولت انا هجدد كل حاجه فيها مش هخلى فيها حاجه قديمة وهخلى العربية ديه على طول معايا
وياريتنى ما قولت وكنت سيبتها زى ماهيا
والله كانت ماشية زى ال x
احكلكم الحكاية
جيت بعد ما انتم عرفتم و اتجننت فى عاقلى وقلت هشد العربية ديه وهتبقى معايا على طول
رحت موديها شلت كل حاجه فيها كل حاجه من اول الموتور لغايةالكاوتش وراحد داخلة واتظبتت كل حاجه فى الجسم والهيكل وبعدكده اتحرقت كل البويه اللى عليها واترشت من اول وجديد جوه وبره المهم الماتور اتعمله عمره بطارية جديده كل حاجه جديده اى شىء تتخيلوه اتجاب جديد بمعنى اصح جبت عربية جديده وحطيتها فى العربية حتى الصالون وكل ما تتخيلوه
وبعد ما صرفت عليها 12 الف جنية يعنى يعتبر تمنها اللى انا شاريها بيه اشتغلت معايا يومين لغاية ما فى مره جيت اشغل العربية وطلعت طريق وفى نص الصحراء رحت مبطل وجيت اشغل بقى مفيش حتى مارش بيشتغل يعنى بمعنى اصح ادور ولا حتى صوت مارش يطلع رحت شاددها لغاية الميكانيكى كشف على كل حاجه كل حاجه سليمه كل حاجه المهم ظبت حاجه فيها وبعد كده قعدنا نطفى ونشغل كل ده قدام الميكانيكى نطفى ونشغل يجى 20 مره وكله تمام واول ما اطلع بها مشوار كبير شوية هوب واطفى الموتور واجى اشغل بردوا نفس المشكلة مع العلم انى قرفت منها وقولت اسيبها شوية فى الجراج يومين هو بالظبت يومين واج ادور نفس المشكلة بس المره ديه البطارية فضيت مع العلم انى قبل ما اركنها كشفت على البطارية و كانت زى الفل وماليانه كهربه على اخرها وديه طلعت مشكلة تانية رحت عند مليون ميكانيكى وبردوا يقولولى منعرفش احنا غلبنا معا العربية ديه وانا فاضلى يومين واجيب جركن بنزين وعود كبريت واولع فيها
فدلوقت انا بفكر اشوف المارش واجيب واحد جديد لانى بعتقد ان المارش عامل ماس وهو اللى فضى البطارية مع العلم الاتى ان العربية طول ما هى شغالة بجد بسم الله ماشاء الله عليها قوية جداااااااااا والماتور بقى رائع بعد العمره والعربية بقت شده حيلها المشكلة الوحيده اللى مجنينانى هى مشكلة لما اجى ادور العربيه انى مش حتى بسمع صوت المارش كانى بدور على الفاضى بمعنى اصح فتنصحونى بايه مع العلم انى بكره كلمت الراجل وهيجيبلى مارش استيراد وهركبه ارجوا مساعدتكم وتنصحونى اعمل ايه
تنبيه بمخالفة القاعدة رقم 6 بند أ
ممنوع الكتابة باللون الأحمر حيث أنه مخصص للمداخلات الإدارية
الرجاء مراجعة قواعد المنتدى
مشرف عام 2
المفضلات