محدش عبرنى ياجماعة ليه!!!

**beshomilan** · 20-07-2011 11:02 PM

انا بجد واخد على خاطرى منكم عشان عملت موضوع قبل كده عن انى بشم ريحة شياط ودخان ابيض من تحت الكبوت وانا ماشى ومحدش عبرنى :((

انا مش عارف اعمل ايه
العربية كانت بتسخن بس مش دايما بس بتبان جدا بالذات مع تشغيل التكييف

بشم ريحة شياط ودخان ابيض لما اقرص على اى غيار جامد والدخان الابيض ده بيخرج من تحت الماتور وساعات بشوفه وانا واقف ومشغل التكييف فى اشاره مثلا بس لما بجرى بالعربية العربية مبتسخنش حتى مع التكييف

العر بية كانت مخنوقه والميكانيكى قاللى المشكلة فكل ده طقم الدبرياج لانه كان ضايع عندى فغيرته من ايام

السخونة قلت بنسبة بسيطة جدا بس مازالت مشكلة الدخنة البيضا والشياط مع القرص على الغيار ومع التكييف وحتى والمؤشر فى الوضع الطبيعى
مع العلم ان الزيت مش بينقص ولونه بنى على اسود ولزوجته كويسة والمية بتنقص بصورة بسيطة

وسلكت الريداتير وحاطط مية خضرا موبيل ومغير غطا الريداتير والماتور والعادم شفاف ومفيش دخان من خرطوم الفايظ ومغير فلتر الهوا

اعمل ايه وايه الحل؟؟

**beshomilan** · 21-07-2011 01:12 AM

اشكركم ياجماعة..وانا تانى مرة اعمل نفس الموضوع ومحدش عبرنى..ياريت يتم غلق الموضوع وانا اسف

**Ashraf_Ibrahim** · 21-07-2011 03:34 AM

الدخنة البيضة على حد معلوماتي زيت بيتحرق !
السخونية ملهاش دخل بطقم الدبرياج خالص على حد تفسيري يعني !
انا مش هقدر افيدك في الميكانيكا اوي بس انا رديت عشان متزعلش
يمكن اللي ضافوا موضوعك معندهومش تفسير فعشان كدة محدش رد !

**Eng.Geo** · 21-07-2011 03:36 PM

أخبار الشكمان أيه ؟

**beshomilan** · 22-07-2011 01:26 AM

اشكركم للردود وانا عارف ومقدر ظروف كل واحد بس بتضايق لما بلاقى نسبه مشاهدات كبيرة ومفيش رد ابدا..بس حقكم عليا بس زعلى منكم من عشمى فيكم..واشكركم بجد مرة كمان

الدخنة البيضة على حد معلوماتي زيت بيتحرق !
السخونية ملهاش دخل بطقم الدبرياج خالص على حد تفسيري يعني !

منا احساسى بيقولى انه زيت بس بيتحرق منين وفين؟؟وليه بالذات لما بقرص على العربية اوى وبالتكييف
انا اعرف ان الدبرياج ليه علاقة بالسخونية وده كلام الميكانيكى..

هل الدخنة دي كانت موجودة قبل تنضيف الردياتير ؟؟؟؟؟؟؟؟؟؟؟؟؟
وشوف الميه بتنقص ليه بنسبة بسيطة ؟؟؟؟؟؟

طالما الدخنة البيضة دي من الأمام تحت الكبوت ، ففي الغالب تسريب ميه وبينزل على جسم الموتور أو الفتيس السخن
فتحس بدخنة وتشم ريحة شياط
راجع مستوى السوائل في العربية ككل ( مية الردياتير ) وكذلك الزيت يكون في المستوى المظبوط ( مش زيادة)

اه كانت موجوده قبل تنضيف الريداتير..راجعت على كل حاجة وملقتش سبب لنقصان المية
ومعنى ان الدخنة البيضة على كلام حضرتك انها مية وبتتحرق مش زيت؟؟
مستوى الزيت فى المظبوط على ال f بالظبط ولا زايد ولا اقل ومبينقصش

أخبار الشكمان أيه ؟

مش عارف حالته ايه بس هو باينلى انه كويس ومفيش مشاكل والعادم خارج شفاف..بس حضرتك قصدك ايه بالسؤال..ممكن توضيح؟؟

**saadelden** · 22-07-2011 01:29 AM

طب اخبار البوجيهات ايه ؟
بيبان عليها زيت ؟
و لو فاتح الكبوت و زودت بنزين بيظهر اي دخان من الماتور ؟

**Eng.Geo** · 23-07-2011 10:38 AM

انا قصدي الشكمان ممكن يكون مكسور من تحت الموتور

**beshomilan** · 23-07-2011 05:23 PM

طب اخبار البوجيهات ايه ؟
بيبان عليها زيت ؟
و لو فاتح الكبوت و زودت بنزين بيظهر اي دخان من الماتور ؟

اعتقد اخر مرة البوجيهات كانت مهببة وكان سنها اللى فوق مقفول على اللى تحت..بس مشفتهاش معرقة زيت ولما سالت الميكانيكى قاللى لا البوجيهات كويسة هننضفها ونسنفرها وكله هيبقى تمام
واعتقد قبل كده فتحت الكبوت وفضلت دايس بنزين لمده كبيرة لحد ما العربية سخنت وحصل نفس المشكلة برضه الدخنة بتطلع لما بدوس بنزبن بقرص على الغيار والقرص ده معناه 4 او 5 rpm لانى دايما بنقل على 2 او 2.5 rpmبالكتير

انا قصدي الشكمان ممكن يكون مكسور من تحت الموتور

انت قصد حضرتك انه لو مكسور هينفس من تحت العادم اللى المفروض يخرج من ورا؟؟
بصراحة انا مبصتش عليه خالص بس اكيد هخلى حد يشوفه بناء على كلام حضرتك

**saadelden** · 23-07-2011 06:46 PM

كان عندي جوان التاكيهات بايظ ف كان بينزل زيت ع الشكمان
و اما العربيه تسخن الزيت بيتحرق و ريحته بتدخل العربيه
شيك علي اي تسريب زيت ع الماتور ولو قليل

الموضوع: محدش عبرنى ياجماعة ليه!!!

LinkBack

أدوات الموضوع

عرض

-

-

-

-

-

المواضيع المتشابهه

أية يا رجالة محدش عبرنى يعنى

معقولة محدش عنده المعلومة دي خالص!!! محدش عملها قبل كدة؟؟

معقولة محدش عنده المعلومة دي خالص!!! محدش عملها قبل كدة؟؟

انا رايح بكرة و ما حدش عبرنى

محدش ياجماعة قالى الافيو احسن ام الفيرنا اللى عنده افيو يقول

الكلمات الدلالية لهذا الموضوع

المفضلات

المفضلات

ضوابط المشاركة