الموضوع: تعطيس الماتور

سعات تكون العربيه مبرجله وبترعش فى السلانسيه
فى حاجه اسمها تعطيس الماتور اذاى
يدل سلك البوجيه 2و3 مع بعضهم يعنى البوجيه 2فى سلك 3 والبوجيه 3 مع سلك 2
وبعدين شغل العربيه من 10 الى 20 ثانيه
هتلاقى فى مدافع فى الشكمان متخفشى
وبعدين رجع كل حاجه زى مكانت
انشاء الله لو فيه سدد هيتنظف
الطريقه ديه بتسلك الكربراتير وتنظفه لانها بتنفخ اى رواسب فى الكربراتير
متعملشى الموضوع ده لو الشكمان تعبان او دايب
معرفشى الانجكشن ينفع فيه الموضوع ده ولا لا

المشاركة الأصلية كتبت بواسطة ahmedhawas

في طريقة أحسن تسلك بيها الكربراتير ... تفكه تماما وتنضفه بالبنزين أو بال carb cleaner ، ولا إيه؟؟؟
وللأسف حركة التعطيس دي بتحصل كتير هنا عند أغلبية الميكانيكية المصريين عشان بيستسهلوا ... والحركة دي في منتهى الخطورة
ياباشا انت كده بتخلف تقسيمة الكهربا - وده أخطر مايكون على الموتور .. انت كده بتقصف عمره
الشرارة ليها توقيت معين وبس..
قبل التوقيت ده خطر جدا ... وده pre-ignition ، وانا شوفت بساتم راسها مخرومة بسبب الموضوع ده
وبعد التوقيت ده برضو خطر .. وده detonatio + knocking ، واثاره برضو مدمرة لأجزاء الموتور وخصوصا البساتم - ومتهيألي انت شوفت بساتم ال 131 بتاعة
الأخ ahmed1981 كانت طالعة ازاي.
أنا عارف طبعا ان موضوع التعطيس ده بيحصل لفترة قصيرة جدا - يعني 10 ثواني - بس أنا ليه أأثر عالموتور عشان أنضف الكربراتير حتى ولو تأثير بسيط بنسبة 5 % أو أقل
طيب ما انضف الكربراتير من بره بره واسيب الموتور بحالته عشان يعيش معايا.
دا في العربيات الجديدة حاطين knock sensor مخصوص عشان يمنعوا حصول الكلام ده ولو لثانية.
ولا إيه ؟؟

انا معاك ان الموضوع ده بيزعل الماتور بس ده حل سريع لو العربيه مبرجله من الكربراتير