وهم دياموند موتورز و نهايه البومه قربت فى مصر

**Mostafa_Nour** · 16-07-2011 08:24 PM

السلام عليكم ايها الاخوة الكرام

أولا أنا أعتذر عن مشاركاتى القليله فى هذا المنتدى العظيم .

بعد اذنكم انا عايز احكيلكم حكايتى مع العربية الشارك

بصراحة شديدة بعد ما قرأتة فى هذا المنتدى العظيم من الاخوة الاعضاء ومقدار المدح الذى يمدحون بة السيارة الشارك (وأنا معجب بيها من فتره والله ) فقد استقر رأيي عليها بعد طول بحث وسط الكورى واليابانى الاخر .

من مايو 2010 وانا نفسي اجيب شارك مانيوال , سألت عند الرواس قالولى موجود 2009 ب 122 ألف (وقتها) , قلتله طيب 2010 مش موجودة ؟, قاللى لأ , بينى وبينكم بالنسبالى دى أول عربية زيرو هجيبها فقلت انا مش عايز اجيب واحده مركونة سنتين فى الشمس , أنا هصبر شويه , وبالفعل فى 31 يوليو اللى فات كان نهاية تعاقد ميتسوبيشى مع الرواس , قلت كويس هييجى بقى وكيل جديد يحط أسعار معقولة , استنيت لغاية 13-9 لما أعلنوا أن الملا والخرافى هما اللى بقوا الوكيل الجديد لميتسوبيشى فى مصر , قلت خيييير , فضلت مستنى انى اسمع حاجه عنهم او اشوف اعلان او اى حاجه , أبدا . بعدين حصلت الثورة والدنيا اتقلبت , وبعدها بشهرين حصل زلزال اليابان وتسونامى والدنيا اتبهدلت فى اليابان , وبعدين مفيش شهر والخرافى توفاة الله , وأنا لسة صابر. لغاية لما لقيت من شهر ونص كدة هنا فى المنتدى أن التوكيل عامل مشكله مع الجمارك ومحصلش افراج جمركى وحاجات كده , بعدها بأسبوعين الموضوع اتحل وتم الافراج الجمركى , طلعت العربيات الموجودة بومة مش شارك , قلت ماشي شوية وهيجيبوا شارك .
ولما يجيبوا الشارك يجيبوها بنفس ال160 الف بتاعة الرواس ؟!؟!؟!؟!؟!؟!؟ , طب الرواس كان منزلها ب 158!!!
بعد اذن الاعضاء الكرام لو حد عندة معلومة عن الشارك المانيوال هتنزل بكام عشان اعرف استناها ولا اجيب حاجه تانيه , ياريت يفيدنا أفادنا وأفادكم الله
بينى وبينكم أنا معايا بيجو 505 بسم الله ماشاء الله لا قوة الا بالله ما بتشتكيش ودة برضه اللى خلانى مش مستعجل اوى على العربية الجديدة.
أظن أن ممكن يكون فى برضه أعضاء عندهم نفس المشكله.
اتمنى أن يكون حد عندة اجابة لهذة التساؤلات
ولو الشارك غالية او مش باين انها هتنزل يا ريت حد من الاخوة ينصحنى اجيب ايه

أعتذر للاطاله وتقبلوا تحياتى

**hamada_amg** · 17-07-2011 02:52 AM

المشاركة الأصلية كتبت بواسطة mostafa_nour

السلام عليكم ايها الاخوة الكرام

أولا أنا أعتذر عن مشاركاتى القليله فى هذا المنتدى العظيم .

بعد اذنكم انا عايز احكيلكم حكايتى مع العربية الشارك

بصراحة شديدة بعد ما قرأتة فى هذا المنتدى العظيم من الاخوة الاعضاء ومقدار المدح الذى يمدحون بة السيارة الشارك (وأنا معجب بيها من فتره والله ) فقد استقر رأيي عليها بعد طول بحث وسط الكورى واليابانى الاخر .

من مايو 2010 وانا نفسي اجيب شارك مانيوال , سألت عند الرواس قالولى موجود 2009 ب 122 ألف (وقتها) , قلتله طيب 2010 مش موجودة ؟, قاللى لأ , بينى وبينكم بالنسبالى دى أول عربية زيرو هجيبها فقلت انا مش عايز اجيب واحده مركونة سنتين فى الشمس , أنا هصبر شويه , وبالفعل فى 31 يوليو اللى فات كان نهاية تعاقد ميتسوبيشى مع الرواس , قلت كويس هييجى بقى وكيل جديد يحط أسعار معقولة , استنيت لغاية 13-9 لما أعلنوا أن الملا والخرافى هما اللى بقوا الوكيل الجديد لميتسوبيشى فى مصر , قلت خيييير , فضلت مستنى انى اسمع حاجه عنهم او اشوف اعلان او اى حاجه , أبدا . بعدين حصلت الثورة والدنيا اتقلبت , وبعدها بشهرين حصل زلزال اليابان وتسونامى والدنيا اتبهدلت فى اليابان , وبعدين مفيش شهر والخرافى توفاة الله , وأنا لسة صابر. لغاية لما لقيت من شهر ونص كدة هنا فى المنتدى أن التوكيل عامل مشكله مع الجمارك ومحصلش افراج جمركى وحاجات كده , بعدها بأسبوعين الموضوع اتحل وتم الافراج الجمركى , طلعت العربيات الموجودة بومة مش شارك , قلت ماشي شوية وهيجيبوا شارك .
ولما يجيبوا الشارك يجيبوها بنفس ال160 الف بتاعة الرواس ؟!؟!؟!؟!؟!؟!؟ , طب الرواس كان منزلها ب 158!!!
بعد اذن الاعضاء الكرام لو حد عندة معلومة عن الشارك المانيوال هتنزل بكام عشان اعرف استناها ولا اجيب حاجه تانيه , ياريت يفيدنا أفادنا وأفادكم الله
بينى وبينكم أنا معايا بيجو 505 بسم الله ماشاء الله لا قوة الا بالله ما بتشتكيش ودة برضه اللى خلانى مش مستعجل اوى على العربية الجديدة.
أظن أن ممكن يكون فى برضه أعضاء عندهم نفس المشكله.
اتمنى أن يكون حد عندة اجابة لهذة التساؤلات
ولو الشارك غالية او مش باين انها هتنزل يا ريت حد من الاخوة ينصحنى اجيب ايه

أعتذر للاطاله وتقبلوا تحياتى

الوكيل الجديد ياباشا نازل بنفس الاسعار
يعني الشارك 2009 شوف كانت بكام هتلاقى نفس السعر فى الوكيل الجديد بس 2011
الهاي لاين كانت ب 158 2009 و ال 2011 ب 160

**kholio** · 17-07-2011 08:29 AM

المشاركة الأصلية كتبت بواسطة hamada_amg

السلام عليكم ورحمه الله و بركاته

طبعا انا عارف ان العنوان مش هيعجب ناس كتيره و كمان هلاقى مليون رد يقولى انت غلط ووحش و و و و و

لكن ما علينا و انا بكتب الموضوع ده لوجه الله و ليس اكثر

اولا انا واحد من عشاق ميتسوبيشى جدا و بالاخص البومه منها لانها ببساطه عربيه حلوه وواسعه و بتجرى و قطع غيار مرميه فى كل حته و طبعا سعر اعاده البيع اللى مخليها معشوقه الشعب المصري

معايا و الحمد لله بومه 2006 سبورت و عربيه ماشاء الله عليها تحفه بجد و من فتره قررت انى اغير و اركب عربيه جديده على الاقل تكون موديل جديد و سنه اجدد كنوع من التجديد و طبعا بما انك راكب يابانى اول ما تفكر تغير هيكون قدامك يا يابانى يا اوروبى

الاوروبى جميل و ممتع و كل حاجه بس للاسف معقد فى صيانته و مش اى حد بيشتغل فيه و كمان فيه عربيات اعاده بيعها مش كويسه و طبعا ناهيك عن السعر العالى اصلا فى الاول

يبقى نخلينا فى اليابانى اللى بيمشي فى بلدنا و طرقها و كل الناس حافظاه
1- هوندا
2- تويوتا
3- نيسان
4- لانسر

النيسان انا مش بحبها خالص و ليا فيها تجربتين قياده و مش برتحلها تماما فكانت بعيده عن النظر

التويوتا طبعا وحش و لا غبار عليها لكن فى ناس قلقتنى منها فى 2009 و 2010 و نزلت ال2011 يابانى كامله و لسه تحت المقارنه رغم انها غاليه عليا شويه لكن دلوقتى تعتبر احسن بكتير و تعرفوا ليه

الهوندا طبعا لا كلام و لا حد يقول فيها كلمه غير انها واطيه و بتحك فى المطبات و طبعا ده عيب الشوارع عندنا مش عيب العربيه و دورت فيها لكن للاسف برده سعرها غالى عليا شويه كمان فقر قطع غيارها عندي فى طنطا ( لانى من طنطا مش من القاهره و يارتنى ابقى من القاهره و اشترى هوندا و انا مطمن )

اتبقى خيار واحد و هو اللانسر و طبعا موديلين يا قرش يا بومه
القرش جميله ووحش و زي العسل بس 1500 سي سي و كمان قطع غيارها مش منتششره اوي زي البومه و العربيه الوكيل القديم وقعها فى السوق المصري و كل اللى تقوله انا هجيب قرش يقولك اوعى القرش بتخير و غاليه قطع غيار

خلاص يبقى بومه و نتوكل على الله و على الاقل عارفينها و حافظينها و فاهمينها و كمان غيروا الجنط و العدادات و الفتيس يعني تغيير ممكن يواكب 2011 فى ظل الكمالايات و الرفاهيه اللى بقت موجوده فى باقى العربيات

يبقى نتوكل و نشترى بومه بقى و 2011 ياعم عشان شكل عدادات 2010 مش عاجبنى اوي ( تناكه بقى ماهى عربيه محفوظه و مفيش قلق منها )

المهم بدأت رحله البحث عن البومه و طبعا قصه الوكيل القديم و الجديد و الخ و اللى كنت بتابعها من هنا على المنتدى و بصراحه استفدت و كنت كل يوم او يوم و يوم اكلم معرض ما او سمارت كار و اسأل عن البومه السبورت مانا راكل سبورت يبقى اكيد هاركب برده اسبورت و لا ايه ؟

من يومين كان فى موضوع بيتكلم عن البومه الجديده و الوكيل و كان فيه تليفون لدايموند موتورز
اخدت الرقم و كلمتهم و بصراحه ناس محترمين و رد بكل زوق
و اخدت رقم استاذ حازم مدير المبيعات فى المعرض الرئيسي و كلمته يوم الاتنين اللى فات و دار بينا الحوار ده فى التليفون

- السلام عليكم
- و عليكم السلام ورحمه الله
- حضرتك استاذ حازم ؟
- قالى ايوه يا فندم اتفضل
- انا اخدت نمره حضرتك من المكتب الرئيسي و قالولى ان حضرتك مسؤل البيع
- فعلا يا فندم و انا مدير المعرض فى دياموند موتورز اتفضل اامر
- الامر لله يا باشا انا بس عايز اعرف هى البومه ال2011 نزلت و لا لسه
- نزلت يا فندم و موجوده
- طيب ياباشا لو انا عايز اشترى حالا اجى الاقيها
- هى موجوده يا فندم بس للاسف المخزون اللى عندى حاليا فى المعرض محجوز و لكن حضرتك تدفع مقدم حجز و انا هابعت اجيب العربيه لحضرتك من الجمرك و فى خلال 5-7 ايام تكون مستلم
- طيب يا فندم كلام جميل انا بدور على سبورت هل الفئه ده موجوده و لا ايه
- ياباشا كل الفئات موجوده بس زي ما قلت لحضرتك تحجز عشان مثلا لو حضرتك عايز لون معين و ليكن فرانى و فى حد حاجز لون فيرانى اكيد هيكون هو اولى منك انه ياخدها
- يا فندم معنديش اى مشكله فى الحجز و لا الروتين خالص انا بس بتأكد ان العربيه موجوده و هاستلمها فى الميعاد اللى حضرتك بتقول عليه يعني بعد 5-7 ايام مش بعد شهر و لا اتنين و لا الكلام ده
- لالالا يا فندم الاستلام بعد الحجز ب 5-7 ايام مفيهاش نقاش و كمان حضرتك لو العربيه باسمك يبقى تجيلبلى صوره بطاقتك معاك عشان الافراج وورق المرور يكون باسمك على طول عشان التراخيص
- طيب يا باشا مفيش اى مشكله بكره او بعده هاكون عند حضرتك احجز بس هو مبلغ الحجز كام ؟
- المبلغ ياباشا 5000 جنيه و مش اقل من كده لو سمحت يعني لا 3000 و لا 4000
- يا فندم مفيش اى مشكله خلاص بس هى العربيه اصلا بقى سعرها دلوقتى كام ؟
- انى نوع بومه و لا قرش ؟
- لا ياباشا البومه كامله سبورت ؟ و هو القرش ده موديل 2011 و لا اقل
- البومه اسبورت ب 130000 و القرش اه 2011
- بكام ياباشا القرش ؟
- انهى فئه فيها ؟
- الهاي لاين منها
- 160000
- خلاص يا فندم تمام طيب فى عربيات موجوده فى المعرض اتفرج عليها
- طبعا ياباشا العربيات موجوده و تقدر تتفرج عليها مفيش اى مشكله
- خلاص يا فندم هاجي لحضرتك ان شاء الله
- ان شاء الله انت عارف العنوان اللى جنب داندى مول
- هو مش عارفه بالظبط بس عارف داندى مول طبعا
- تمام هو جنبه على طول
- خلاص تمام ياباشا كده تمام انا عارف المكان
- شكرا و السلام عليكم
- و عليكم السلام

طبعا شديت الترحال امبارح ورحت على التوكيل و معايا واحد صديقي و الخمس بكاوي طبعا و يالا بينا
وصلت و الحمد لله الساعه كده 2 الظهر و ماشاء شكل العربيات و كمها فى اول المعرض و بره يخض اى حد
قلت يا مسهل و دخلت سلامو عليكم الاستاذ حازم لو سمحت

جه استاذ حازم و قلتله انا فلان و كلمتك اول امبارح و كنت عايز احجز السبورت
قالى اه اهلا بس السبورت خلصان و الله و مش موجود
يعني ايه ياباشا مش موجود انت مش قلتلى فى التليفون ان كل الفئات موجوده و انا سألتك عن سعر الاسبورت
اه ياباشا انا قلتلك سعر بس هى مش موجوده خلصت و الله
مش فاهم يعني ايه تدينى سعر على حاجه مش عندك و كمان انت قايلى ان كله موجود و الاسبورت موجوده
يا فندم طب اعمل ايه كله محجوز و السبورت الجديد فى الدفعه الجديده فى شهر 9
قلتله يعني انا هستنى لشهر 9 عشان اخد عربيه المفروض انكم منزلنها و انتوا لسه مش علمتوا افتتاح رسمي و كمان مكلمك و قايلى انها موجوده
ياباشا ماحنا ماتكلمناش فى الوان افرض انت مثلا عايز لون و مش موجود عشان كده قلت استنى لما تيجي
قلتله ايه اللى انت بتقوله ده مش كلام منطقى تماما و اللى اعرفه انك لما تقول على حاجه موجوده تبقى بجد موجوده مش مجرد كلام
قالى خلاص انت عايز لون ايه ؟
قلتله فضي
قالى انا مش عندى فضي انا عندي ابيض و نبيتي
قلتله خلاص نبيتى و لا يهمك
قالى طب انا مش عندي الا ابيض
قلتله هو حضرتك عايز تجيب العيب منى و لا ايه مش فاهمك ؟
قالى لا مش الموضوع انا بس بوضح ليك انها مش موجوده و كل الاستوك اللى عندى محجوز
قلتله طب و الحل ايه دلوقتى يعني انت جبتنى من طنطا على الفاضي
قالى خلاص خد هاف اسبورت و هى هى الاسبورت و ب 122 ارخص ب 8000 من الاسبورت
قلتله طب و بالنسبه للاسبويلر ايه بقى "؟
قالى نركبه لحضرتك هنا فى التوكيل ب 1200 بالرش بكله
قلتله طيب و فتحه السقف ايه بقى ؟
قالى ده هى المشكله لكن الباقى واحد و برده اتنين اير باج
قلتله طيب و بالنسبه للسي دي
قالى حضرتك تركب سي دي جديد احسنلك و يكون ام بي ثري كمان او ممكن اللى بيشتغل على الولاعه
قلتله حضرتك معلش انا اسف انا راكب اسبورت 2006 واقفه بره اهى ينفع اركب بعدها هاف ؟
و كمان هدفع 1200 فى اسبويلر و 2000 فى كاسيت نضيف يعني 3200 يعني العربيه بقت ب 125
و الاسبورت ب 130 زياده فتحه سقف و طبعا عتب و كساحات الاكصدامين يبقى كأى حد عاقل بيدور على الكماليات ده يركب اسبورت مش هاف صح و لا ايه ؟

قالى و الله انا قلت لحضرتك و انا حر
قلتله شكرا ياباشا و اسف على ازعاجك
و طبعا مدى القفله اللى اتقفلتها جدا من الاسلوب و الرد و من الوكيل الجديد

و سبته و رحت اتفرج على العربيات اللى كانت فى المعرض
كان فى اتنين قرش وواحده بومه كلاسيك بجنط وواحده اوت لاندر

سبت البومه و القرش و اتفرجت على الاوت لاندر ووانا واقف لقيت واحد اعرفه شغال فى معرض عربيات مشهور هنا فى طنطا و جاى يستلم عربيات للمعرض
وقفتا و اتكلمت معاه و قلتله على اللى حصل
قالى انا اعرف حد عنده بومه سبورت و متهيألى لسه مش اتباعت فى معرض فى طنطا
قلتله خلاص اشتريها
المهم كلم المعرض بتاع الراجل و قالى ده اتباعت خلاص للاسف قلتله طب انا عايز اتفرج عليها ادينى عنوان المعرض
رجعت على طنطا و رحت على المعرض لقيت فعلا واحده نبيتي واقفه و سبورت

نزلت و دخلت المعرض و قلت اتفرج و يارتنى ما اتفرجت

العربيه خليجي تماما و اللى معاه بومه قبل كده هيعرف المعنى
طبعا مش بعيب فى الخليجي لكن الفروق بقى كالاتى
اولا الخامات بقت وحشه جدا لدرجه انى حسيت ان تابلوه عربيتي بيلمع اكتر
الفيبر اللى جوا العربيه بقى ضعيف جدا و انا ببص على التابلوه حسيت انه لو وقفت فى الشمس شويه هيشرخ و لا هيتكسر
السقف بقى خفيف جدا و تحس انه مش ملزوق كويس من جوه
الطااره الجديده الجزء الفضي اللى فيها ده بايخ جدا و شكله مش حلو
كمان المصيبه ان كل العربيات نازله فرش بيج و ابانوس طيب العربيات الفاتحه مش لايق عليها الكلام ده زي الفضي و الابيض
المقابض من جوه نيكل و القفل مش نيكل
فتحت الكابوت و اتفرجت حسيت ان خامه الخراطيم و الريداتير بقت اضعف
البلاستيك بقى نفسه شكله وحش و بقى فقير جدا

المهم لقيت واحد من المعرض بيقولى عجباك العربيه ده قلتله اه قالى بس ده متباعه
قلتله طيب مفيش واحده تانيه اسبورت برده ؟
قالى فى واحده بس لون شامبين مش نبيتي
قلتله شغال بكام ياباشا
قالى ب 135 قلتله ليه انا لسه جاي من التوكيل و قالى ب 130
و قالى مش اشتريت منه ليه
قلتله عشان خلصت
قالى بالظبط مفيش عربيات موجودده و سعرها هيغلى
قلتله اه يعني لو انا عايزها دلوقتى استلم حالا
قالى و ترخص الصبح كمان
قلتله يعني عشان اشترى عربيه يبقى ادفع 5000 زياده عن تمنها
قالى دور و انت تسمع الكلام

طلعت من المعرض و انا عمال اقول ده نصاب و حرامي
و دخلت اكتر من 6 معارض بعضها و كلهم على اسعار 135 و 134 و 133 و 137 و 138 اقل واحد كان 133 و تسليم كمان 15 يوم ( مش عارف هيجيبها منين )

و ده حكايه اليوم من التوكيل للمعارض و فى النهايه العربيه بقت زفت بمعنى الكلمه و الوكيل بقى الرواس التاني
لان نفس سعر العربيات و على فكره القرش الهاي لاين ب 160 نفس سعر الرواس اول ما نزل ال2009 منها

يعني اللى استنى استنى على الفاضي
و بكده اعتقد انه هيفشل لان الناس مش هتلاقى الجديد اللى فضلت سنه مستنياه عشانها
و كده حرام اوي على البومه بصراحه

طيب بعد اذنك
كنت عايز اعرف هل في اي اختلاف في اللانسر شارك 2011 عن اللانسر شارك 2008 و 2009 في شكل الجنوط مثلا او الكماليات متلا بقا فيها مرايات ضم و اشارات في المرايات الجانبية او جي بي اس
وكمان هل بتنزل بزينون اصلى وصب ووفر زي الكويتي ولا لا؟

**hamada_amg** · 17-07-2011 10:30 AM

المشاركة الأصلية كتبت بواسطة kholio

طيب بعد اذنك
كنت عايز اعرف هل في اي اختلاف في اللانسر شارك 2011 عن اللانسر شارك 2008 و 2009 في شكل الجنوط مثلا او الكماليات متلا بقا فيها مرايات ضم و اشارات في المرايات الجانبية او جي بي اس
وكمان هل بتنزل بزينون اصلى وصب ووفر زي الكويتي ولا لا؟

و الله ياباشا انا مش متأكد بس انا حاسس انها هى هى الل 2009 فرق الجنط بس و الله اعلم

**medociv** · 17-07-2011 11:04 AM

بسم الله الرحمن الرحيم
السلام عليكم ورحمة الله وبركاته
أ / جمادة
ازي حضرتك ؟ اتمنى ربنا يوفقك لكل خير وتلاقي طلبك ومش عارف انت كلمت المعرض اللي اديتهولك ولا لا؟ ربنا يوفقك
انا بس ليا ملحوظة زي مستفيت من كلام حضرتك ان النوكيل الجديد بيستهبل معاك في المواعيد وتوافر السيارة لكن ده ممكن يكون ظرف مؤقت عشان لسه بادي وجديد في مصر وطالعين من ثورة فالمواعيد متلخبطة والدنيا مدربكة والمفترض اننا نصبر شوية عليه
لكن اللي يخليه توكيل زبالة من وجهة نظري انه يغلي العربية جدا (انا بتكلم على البومة) او يطلبها بمواصفات اقل او يجيب عربيات بايظة او فيها عيوب او يخلي خدمة مابعد البيع زبالة.
اما موضوع ان حضرتك شايف ان الخامات بقت اقل فدي حضرتك اللي عارفها لانني انا اول مرة اركب فيها لانسر فمش عارف الفرق في الخامات بس ده يسأل فيها ميسوبيشي نفسها قبل التوكيل لانها المفروض انها مواصفات خليجي كويتي (احسن مواصفات بتنزل في الشرق الاوسط) والمفروض انها شركة ياباني لها سمعتها.
وانا للامانةمتعاملت كتير مع التوكيل الجديد بس حاسس انهم زوق ومحترمين ونامل انهم يكونو محترمين في خدمة ما بعد البيع
وتقبل مروري

**ososos** · 17-07-2011 11:44 AM

السلام عليكم

يا تري حد يعرف asx بكام و نازلة أتوماتيك و لا لأ ياريت حد يفيدنا و شكرا ليكم

**basemsaeed** · 17-07-2011 08:34 PM

المشاركة الأصلية كتبت بواسطة mostafa_nour

السلام عليكم ايها الاخوة الكرام

أولا أنا أعتذر عن مشاركاتى القليله فى هذا المنتدى العظيم .

بعد اذنكم انا عايز احكيلكم حكايتى مع العربية الشارك

بصراحة شديدة بعد ما قرأتة فى هذا المنتدى العظيم من الاخوة الاعضاء ومقدار المدح الذى يمدحون بة السيارة الشارك (وأنا معجب بيها من فتره والله ) فقد استقر رأيي عليها بعد طول بحث وسط الكورى واليابانى الاخر .

من مايو 2010 وانا نفسي اجيب شارك مانيوال , سألت عند الرواس قالولى موجود 2009 ب 122 ألف (وقتها) , قلتله طيب 2010 مش موجودة ؟, قاللى لأ , بينى وبينكم بالنسبالى دى أول عربية زيرو هجيبها فقلت انا مش عايز اجيب واحده مركونة سنتين فى الشمس , أنا هصبر شويه , وبالفعل فى 31 يوليو اللى فات كان نهاية تعاقد ميتسوبيشى مع الرواس , قلت كويس هييجى بقى وكيل جديد يحط أسعار معقولة , استنيت لغاية 13-9 لما أعلنوا أن الملا والخرافى هما اللى بقوا الوكيل الجديد لميتسوبيشى فى مصر , قلت خيييير , فضلت مستنى انى اسمع حاجه عنهم او اشوف اعلان او اى حاجه , أبدا . بعدين حصلت الثورة والدنيا اتقلبت , وبعدها بشهرين حصل زلزال اليابان وتسونامى والدنيا اتبهدلت فى اليابان , وبعدين مفيش شهر والخرافى توفاة الله , وأنا لسة صابر. لغاية لما لقيت من شهر ونص كدة هنا فى المنتدى أن التوكيل عامل مشكله مع الجمارك ومحصلش افراج جمركى وحاجات كده , بعدها بأسبوعين الموضوع اتحل وتم الافراج الجمركى , طلعت العربيات الموجودة بومة مش شارك , قلت ماشي شوية وهيجيبوا شارك .
ولما يجيبوا الشارك يجيبوها بنفس ال160 الف بتاعة الرواس ؟!؟!؟!؟!؟!؟!؟ , طب الرواس كان منزلها ب 158!!!
بعد اذن الاعضاء الكرام لو حد عندة معلومة عن الشارك المانيوال هتنزل بكام عشان اعرف استناها ولا اجيب حاجه تانيه , ياريت يفيدنا أفادنا وأفادكم الله
بينى وبينكم أنا معايا بيجو 505 بسم الله ماشاء الله لا قوة الا بالله ما بتشتكيش ودة برضه اللى خلانى مش مستعجل اوى على العربية الجديدة.
أظن أن ممكن يكون فى برضه أعضاء عندهم نفس المشكله.
اتمنى أن يكون حد عندة اجابة لهذة التساؤلات
ولو الشارك غالية او مش باين انها هتنزل يا ريت حد من الاخوة ينصحنى اجيب ايه

أعتذر للاطاله وتقبلوا تحياتى

و عليكم السلام و رحمة الله و بركاته

الحقيقة انا سالت على الشارك عند سمارت كار
قالي حتنزل في شهر 9,,تقريبا مع معرض اخبار اليوم
بس ان شاء الله انا احتمال انزل بكرة او بعده التوكيل عشان
اشوف الشارك 2011 و اسألهم على كذا حاجة هناك كده

فأول ما اروح ان شاء الله حسأل لحضرتك و اشوف الجديد
و اقوله ليكو هنا ان شاء الله

**Ralliart** · 17-07-2011 10:37 PM

المشاركة الأصلية كتبت بواسطة kholio

طيب بعد اذنك
كنت عايز اعرف هل في اي اختلاف في اللانسر شارك 2011 عن اللانسر شارك 2008 و 2009 في شكل الجنوط مثلا او الكماليات متلا بقا فيها مرايات ضم و اشارات في المرايات الجانبية او جي بي اس
وكمان هل بتنزل بزينون اصلى وصب ووفر زي الكويتي ولا لا؟

ااه في اختلاف بقت شبه اللانسر gt بالظبط الفوانيس شفافة والجنوط جامدة جداً جداً جداً
بس السعر محبط فعلاً

**hamada_amg** · 18-07-2011 04:16 AM

المشاركة الأصلية كتبت بواسطة medociv

بسم الله الرحمن الرحيم
السلام عليكم ورحمة الله وبركاته
أ / جمادة
ازي حضرتك ؟ اتمنى ربنا يوفقك لكل خير وتلاقي طلبك ومش عارف انت كلمت المعرض اللي اديتهولك ولا لا؟ ربنا يوفقك
انا بس ليا ملحوظة زي مستفيت من كلام حضرتك ان النوكيل الجديد بيستهبل معاك في المواعيد وتوافر السيارة لكن ده ممكن يكون ظرف مؤقت عشان لسه بادي وجديد في مصر وطالعين من ثورة فالمواعيد متلخبطة والدنيا مدربكة والمفترض اننا نصبر شوية عليه
لكن اللي يخليه توكيل زبالة من وجهة نظري انه يغلي العربية جدا (انا بتكلم على البومة) او يطلبها بمواصفات اقل او يجيب عربيات بايظة او فيها عيوب او يخلي خدمة مابعد البيع زبالة.
اما موضوع ان حضرتك شايف ان الخامات بقت اقل فدي حضرتك اللي عارفها لانني انا اول مرة اركب فيها لانسر فمش عارف الفرق في الخامات بس ده يسأل فيها ميسوبيشي نفسها قبل التوكيل لانها المفروض انها مواصفات خليجي كويتي (احسن مواصفات بتنزل في الشرق الاوسط) والمفروض انها شركة ياباني لها سمعتها.
وانا للامانةمتعاملت كتير مع التوكيل الجديد بس حاسس انهم زوق ومحترمين ونامل انهم يكونو محترمين في خدمة ما بعد البيع
وتقبل مروري

ياباشا تسلم ربنال يخليك على السؤال و انا فعلا رديت عليك فى رساله بس مش عارف وصلت و لا لا لان النت يومها كان بعافيه شويه

فعلا انا كلمت المعرض اللى حضرتك ادتنى نمرته و قالى برده انه مش عنده سبورت و هتجيله كمان 15 او 20 يوم

نيجي بقى لقصه الوكيل حضرتك الاول شوف هى العربيه اتأخرت ليه فى النزول من شهر 1 الى الان

اولا عشان الثوره و بعدها تأخير اجدراءات و بعدين نكتشف ان عليها قلق فى الجمارك

انت عارف العربيه الاسبورت ده واقفه بكام على الوكيل ؟
و فرق المكسب اد ايه ؟
نحسبها سوا كده بالبلدي و مش هاقولك نسأل فى الجمارك
دلوقتى العربيه ده بره فى الخليج لا تتعدى 45 الف ريال يعني بالمصري 67.5 و عندك 68.2 جمارك و ضرايب و كل الكلام الظريف ده
يبقى المجموع فى النهايه 113.5 مع العلم طبعا ان ده حسابات زبون عادي بيشترى من المعرض مش وكيل بياخد من المصنع على طول
يعنى العربيه تدخل ب 113 و هو يبعها ب 130 يعني فرق 17 الف جنيه على حسابنا

طيب ماهو الرواس كان بيعمل كده ايه اللى انت عملته جديد ؟
على الاقل اعمل و لو حتى فرق عبيط تضحك بيه على الناس و يبقى اسمه فرق
لكن و لا عمل اى حاجه و ده اولا

طيب قطع الغيار ايه بقى الكلام فيها ؟
لما يقولى اسبويلى ب 1200 جنيه بالرش بكله
و انا جايبه استعمال قبل كده و رشه و عامله اخو الاصلى ب 500 جنيه يبقى الكلام ايه ؟

طب القرش اللى سوقها واقف فى البلد ما تمشيها شويه و نزل سعرها صح و اعملها دعايا صح

نسيب بقى شغل البيع و نيجي نتكلم فى الاساس العربيه نفسها

حضرتك هات لانسر سبورت مصرى موديل 2009 و لانسر سبورت وكيل موديل 2011 و اتفرج على الاتنين

ماكنه و عفشه واحده و لا جديد و اثبتهالك بالعين و بالصور و بكل حاجه
ندخل على العربيه من جوه
خامه الابواب و الفرش و الفروشات و الطابلوه احسن بكتير فى 2009
نواكل العربيه كلها من جوه بتبرق المقبض و القفل للباب
اتفرج على 2011 المقبض نيكل و القفل مش نيكل
و النيكل اللى فيها مش بيلمع لا ده مطفى حتى لو لمعته باي حاجه

اتفرج على الفتيس الجديد و الجلد اللى عليه و اتفرج على القديم و الجلد و الشغل التقفيل بتاعه هتعرف كلامى
اتفرج على الطاره
على الطابلوه

ياراجل فى عربيه 2011 الولاعه مش بتنور و لا الطفايه ؟

ده اتعتراضى على الوكيل انه نزل معملش جديد
يعني لا قدم جديد و على سعره
و لا قدم قديم و خفض السعر
بالعكس نفس الكلام بل اسوأ و بسعر نفس السعر و بكره لما حد من الناس اللى اشترت العربيه تروح تعمل صيانه الالف هنتفرج و نشوف الكلام ايه و المصناعيات ايه و قطع الغيار ايه

**medociv** · 18-07-2011 12:13 PM

المشاركة الأصلية كتبت بواسطة hamada_amg

ياباشا تسلم ربنال يخليك على السؤال و انا فعلا رديت عليك فى رساله بس مش عارف وصلت و لا لا لان النت يومها كان بعافيه شويه

فعلا انا كلمت المعرض اللى حضرتك ادتنى نمرته و قالى برده انه مش عنده سبورت و هتجيله كمان 15 او 20 يوم

نيجي بقى لقصه الوكيل حضرتك الاول شوف هى العربيه اتأخرت ليه فى النزول من شهر 1 الى الان

اولا عشان الثوره و بعدها تأخير اجدراءات و بعدين نكتشف ان عليها قلق فى الجمارك

انت عارف العربيه الاسبورت ده واقفه بكام على الوكيل ؟
و فرق المكسب اد ايه ؟
نحسبها سوا كده بالبلدي و مش هاقولك نسأل فى الجمارك
دلوقتى العربيه ده بره فى الخليج لا تتعدى 45 الف ريال يعني بالمصري 67.5 و عندك 68.2 جمارك و ضرايب و كل الكلام الظريف ده
يبقى المجموع فى النهايه 113.5 مع العلم طبعا ان ده حسابات زبون عادي بيشترى من المعرض مش وكيل بياخد من المصنع على طول
يعنى العربيه تدخل ب 113 و هو يبعها ب 130 يعني فرق 17 الف جنيه على حسابنا

طيب ماهو الرواس كان بيعمل كده ايه اللى انت عملته جديد ؟
على الاقل اعمل و لو حتى فرق عبيط تضحك بيه على الناس و يبقى اسمه فرق
لكن و لا عمل اى حاجه و ده اولا

طيب قطع الغيار ايه بقى الكلام فيها ؟
لما يقولى اسبويلى ب 1200 جنيه بالرش بكله
و انا جايبه استعمال قبل كده و رشه و عامله اخو الاصلى ب 500 جنيه يبقى الكلام ايه ؟

طب القرش اللى سوقها واقف فى البلد ما تمشيها شويه و نزل سعرها صح و اعملها دعايا صح

نسيب بقى شغل البيع و نيجي نتكلم فى الاساس العربيه نفسها

حضرتك هات لانسر سبورت مصرى موديل 2009 و لانسر سبورت وكيل موديل 2011 و اتفرج على الاتنين

ماكنه و عفشه واحده و لا جديد و اثبتهالك بالعين و بالصور و بكل حاجه
ندخل على العربيه من جوه
خامه الابواب و الفرش و الفروشات و الطابلوه احسن بكتير فى 2009
نواكل العربيه كلها من جوه بتبرق المقبض و القفل للباب
اتفرج على 2011 المقبض نيكل و القفل مش نيكل
و النيكل اللى فيها مش بيلمع لا ده مطفى حتى لو لمعته باي حاجه

اتفرج على الفتيس الجديد و الجلد اللى عليه و اتفرج على القديم و الجلد و الشغل التقفيل بتاعه هتعرف كلامى
اتفرج على الطاره
على الطابلوه

ياراجل فى عربيه 2011 الولاعه مش بتنور و لا الطفايه ؟

ده اتعتراضى على الوكيل انه نزل معملش جديد
يعني لا قدم جديد و على سعره
و لا قدم قديم و خفض السعر
بالعكس نفس الكلام بل اسوأ و بسعر نفس السعر و بكره لما حد من الناس اللى اشترت العربيه تروح تعمل صيانه الالف هنتفرج و نشوف الكلام ايه و المصناعيات ايه و قطع الغيار ايه

الله يكرمك يا باشا
انا على فكرة اشتريت العربية2011 وهروح صيانة ال 1000 باذن الله وهقولكم ونامل انه يطلع توكيل محترم
-بالنسبة للسعر فاسمحلي اعدل على حضرتك : ال 1600 اوتو كلاسيك عادي ب 52 الف درهم (غير سعر العروض)
بيوصل في العروض ل 44 الف (اوقات معينة في السنة رمضان-الصيف....)
-السبورت اغلى طبعا اكيد اواخر الخمسيبنات مثلا 56-58 الف درهم مستريحة
56 * 1.58 = 88 ال جنيه * 1.66 = 146 الف جنيه تقريبا يبقى انت شاريها ارخص ولا لا؟ (ب 130 الف)
-في واحد زميل في المنتدى جاب 1600 اوتو كلاسيك في عرض ب 44 الف درهم ودفعوه 68 الف ج جمارك وقفت عليه العربية ب 128 الف جنيه !!!!!!!!!!!!!!!!!! ايه راي حضرتك بقى
-بالنسبة للسعر انا شايف انهم منزلين العربية بسعر مناسب لهو غالي ولهو رخيص الصراحة (الرواس بيبيع ال1600 اوتو كلاسيك ب 128 الف !!! شوف الافترا)
-بالنسبة للخامات انا معرفش لاني مش خبرة في البومة اول مرة اركب واسوق واتملك بومة فمش عارف بس الصراحة لاحظت بعض عيوب التقفيل البسيطة لكن زي ماقلتلك تدني مستوى الخامات المستخدمة يسال عنه ميتسوبيشي الام قبل التوكيل
-اخيرا انا شايف ان العربية جميلة الصراحة وسواقتها جميلة والعدادات الجديدة الزرقاء ده جميلة والفتيس رائع
وربنا يوفقك في العربية الجديدة
وتقبل مروري

الموضوع: وهم دياموند موتورز و نهايه البومه قربت فى مصر

LinkBack

أدوات الموضوع

عرض

-

-

-

-

المواضيع المتشابهه

ألف فوق ما لا نهايه = 0

شكرا دياموند

مش عارف أوصل لـ(دياموند موتورز)

صيانة ال 30000 للانسر شارك 2009 فى دياموند موتورز...الاستهبال على أصوله !!!

يعني ايه نهايه التصريح؟

الكلمات الدلالية لهذا الموضوع

المفضلات

المفضلات

ضوابط المشاركة