السلام عليكم اخوتى فى الله والله صعبانين عليا جدا كل مالكى هذة العربية الغير محترمة بالمرة ماتستغربوش من كلامى عليها لانى كنت حابيبها جدا و اخدت فيها صدمة عمرى الحكاية وما فيها انى كنت من المحظوظين اوائل الى ركبوا العربية فى مصر و كنت فرحان جدا بكل الاوبشن والشكل الجميل و الفرامل المانعة للانغلاق Abs و الثبات و قطع الغيار الرخيصة الصينى و بعد دة كلة حصل الى انتو شايفينوا
الف مبروك العربيه الجديدة ربنا يباركلك فيها يا رب
بس معلش انا مش فاهم نقطه حصل اللى انتو شايفينه؟؟؟؟!!!!
ايه اللى احنا شايفينه ؟؟!!!!!!
يا ريت توضح بس اكتر عشان تعم الفائدة
ياريت تحكى تجربتك مع السيارتين بهدوء لأننا مش فاهمين
انا اللى شايفه هو صورة تقريبا لحضرتك ساند على عربية اسبرنزا
مش حتغير الصورة للانسر بقي؟
الف مبرووك و عقبال المرسيدس ان شاء الله و ياريت تحكى عن تجربتك مع الاثنين
انا اسف انى اتاخرت عليكوا كنتوا عايزين تعرفوة اية المشكلة المشكلة انى كنت ماشى فى العجوزة على حوالى 60 او 80 يعنى مش سرعة عالية و عربية لانسر وقفت امامى على بعد يسمح انى افاديها دوست فرامل على http://www.el3mlak.net/up/thumbs/0092e3b8a8.jpgالاخر طبعا و كانت هى دية النتيجة
http://www.cars-club.com/up/8-2-1/carsclub_60233841.jpg
http://www.cars-club.com/up/8-2-1/carsclub_26684560.jpg
http://www.cars-club.com/up/8-2-1/carsclub_26684560.jpg
http://www.cars-club.com/up/8-2-1/carsclub_86136382.jpg
http://www.cars-club.com/up/8-2-1/carsclub_85649872.jpg
http://www.cars-club.com/up/8-2-1/carsclub_34257466.jpg
==============
تم تصغير مساحه الصور
مــشــرف القســم
شفتوا الى حصل من خبطة مادرش اقول انها جامدة و كانت النتايج هى:
1- الشبكة
2-السربنتينة
3-الكبوت
4- الرفرف
5-الاكصدام
6-كالون الكبوت
هوا بصراحه انا مش شايف الصور كويس بسبب حجمها الكبير يا ريت لو حد يتطوع و يرفعها بحجم اصغر
الصورتين الكويسين اللى هما متشال من العربيه الفوانيس و الاكصدام
يا ريت حضرتك بس تقولنا دي العربيه بعد ما انت صلحتها يعني؟؟و لا قبل؟؟؟ لأني مش شايف فيها اي حاجة سدر العربيه كله سليم و الكبوت سليم مفيهوش حاجة !!!
حتى اللى لمحته من الاكصدام في العربيه اللى في الصورة اللى فوق حاسس انه متحرك من مكانه بس و محتاج يتثبت تاني!!
معلش جايز بس الصور مش واضحه و عشان كدة انا مش شايف
عموما اولا و اخيرا الف مبروك العربيه الجديدة ربنا يباركلك فيها يا رب و يرزقك خيرها و يبعد عنك شرها
هيييييييييييييييييييييييي يييييييييييييييييييه
بيتهيألى كان فيه صور لعربية هنا بس عايزة شاشة 120 بوصة
شكرا لمشرف القسم دلوقت الصور عايزة شاشة 60 بوصة بس
مش عارف بردو يا ريت يا استاذ basom توضحلنا بالظبط انا شايف ان العربيه اللى فيها مش مستاهل كل دة انا طبعا معرفش الخبطه كانت ايه بالظبط و لا ايه ظروفها
بس تأثير العربيه الواضح انه في خلع الاكصدام من مكانه و كليبسات اللى ماسكاه فكت
مش شايف فوانيش فيها مشكله
الكبوت حاسس انه طبيعي بس القفل بتاعه فاكك
بجد انا مش عارف يا ريت بس تشرحلنا اكتر و لو فيه صور توضيحيه اكتر من دي يبقا جزاكم الله خيرا
طيب دي الاسبرنزا و ده اللى حصل لها طيب اللانسر حصل معها ايه؟
علشان نعرف انهى اللى استحملت الخبطة
الله الله
الصور كده 100%
بارك الله فى مشرف القسم
إيه المشكلة بقى؟
المشكلة فى الفرامل انها ضعيفة وللا المقدمة وللا تقصد إيه؟
أنا متهيالي الكبوت اتعوج شوية
على العموم ربنا يعوضك خير و تجيب عربية احسن من دي
و ربنا يعوض 15000 إلي اشتروا العربية دي و إلي ممكن تكون عندهم مشاكل
ربنا يعوض عليك قدر اخف من قدر ......ولاتحزن احتسب اجرك عند الله
ومبروكعلي الانسر عربية طبعا محترمة
بس انا عندي ملاحظة
انا شاري اسبرانزا ...ولها معايا سنة...
وعملت بها حادثة ...خبطني بوكس شرطة من خلف السيارة قوووووووي ...واستغربت لما وجدت ان الاصابات لمتكنقوية علي مقدار قوة الاصطادم من بووووووكس بوليس ..(((الحدثة في موضوع بالمنتدي هنا بالصور هنا اثناء الحدثة وبعد التصليح ))).حتي من اصلحو العربية وهمم ركز خاص مش التوكيل قالو السيارة البوودي قووووووووووووووووي ...انا مش بحاول امدح في العربية لاني امتلكها ...ان بنقل صورة ...والله وراء القصد
العربية لم تتعبني في شي يذكر
ماشية محترم اداء جيد مكانيكي وكهرباء .....مفيش عندي مشكلة في العربية ..حقيقية ...؟؟؟؟دا مش معناها انها خلاص شبح مرسيدس ولا بي ام لا طبعا هي عربية حلو اداء وشكل ورفاهية وقوة وثبات مقارنتا بسعرها وفئتها ...لمثيلاتها بالسوق
الحوادث اقدار صدقني اولا واخير كم من سيارة قوية دخلت في حدثة واتفشفشت الف حتة ..وكم من سيارةت تعبانة دخلت حوادث ايضا ممكن نفس قوة الحوادث المهلكة وخرجت سليمة .....بركة ربنا وتقدير المولي سبحانة وتعالي داخل في المعادلة الصعبة للامان مش جودة الانتاج وبس ....ودا مش معناة ان الاسبرانزا ماشية ببركها ...والله ان شايف العربية جيدة جدا ....وربنا يوفق الجميع
اقتباس:
المشاركة الأصلية كتبت بواسطة ابو سيف
المشكلة ان كل اصحاب العربية عايشين فى وهم ان هى فيها فرامل ABSلكن الحقيقة زى مانتوا شايفين بينى و بين العربية حوالى 200متر و فرملت وقفت فى شنطة العربية الى امامى و المشكلة بعد ماروحت التوكيل(المحترم) جربها معايا المهندس و قالى ماتنتزرش فرامل احسن من كدة لان المفاجئ بتاع الفرامل ضعيف يعنى انا بحكلكوا الكلام دة علشان تاخدوا بالكم و انتو سايقين ان يبقى فية مسافة كبيرة بين العربية الى ادمكم الله اما بلغت الله اما فشهد
على فكرة انا عندى الشبكة القديمة ملحومة لكن شغالة و السربنتينا القديمة لو حد عايز يشوفهم اهلا و سهلا
الله يسامح صناعها بقي يعني خلاصة كلام حضرتك ان فراملها تعبانة
Ibiiiiiiiiiiiiiiiiiiiiiiiiiiiiiiiiizzzzzzzzzzzzzzz zzzzzzzzzzaaaaaaaaaaaaa For Ever
انا اضم صوتي لصوت صاحب السياره يعني فعلا بشهادة اصحاب السيارات ان ال abs ده وهم مش حقيقة
وانا مثلا حقولكم حاجة
انا كنت عايز اجيب جين 2 والموظف اللي فالتوكيل بيدردش معايا على العربيه قالي كان فيه فموديل 2007 مشاكل بالفرامل ولكن موديل 2008 خلاص بقى حلو
طلعت من التوكيل قابلت احد ملاك الجين 2 قالي فيه عيب فالفرامل وهيغيرولي الماستر على حسابهم عشان العربية لسه ف الضمان ( طب وبعد ما تطلع من الضمان ؟؟؟)
رحت مركز الصيانه قابلت 2 اتكلم معاهم من ملاك العربيه قالولي موضوع ال abs كلام على ورق دي تكنولوجيا عايزه عربيات متصنعة بجد لكن لما تحط الفرامل دي على العربيات دي حتكون النتيجة انك جبت لنفسك الازيه
وفيه واحد هنا من ملاك جين 2 ف المنتدى بتاع بروتون قال العربيه تقريبا مفيهاش فرامل
انا استنتج من الكلام ده ان الشعب المصري بيجري ورا شكل ومنظر وكماليات وهو للاسف ميعرفش ان مصر هي الدوله الوحيده اللي بتشتري العربيات دي
اسف للاطالة وطبعا منتظر الغضب الاتي من اصحاب السيارات الصيني والجين 2
طيب ياباشااااااااااااا كلامك صح ...بس الشعب المصري مش بتاع شكل ومنظر ...نهائي ...احنا غلابة ...احنا بتوع الرخيص .والرخيص هو الاساس عندنا وياسلام لوكان معاة منظروشكل يبقا الف شكر يعني ملناش نفس نتمنظر شوية....؟؟؟..تقدر حرتضك تقولي نركب اية ؟؟؟؟ مرسيدس ؟؟؟بي ام...كرولا ياباني هوندا ياباني ...مازدا؟؟؟؟؟؟كامري ؟؟؟؟؟؟كابرس ؟؟؟؟؟؟ ياباشاااا احنا شعب تعبان 60 و70 الف مش فلوس في الزمن دا بس ثروة ومبلغ ضخم عند المواطن المصري ...نعمل اية يعني ...الدولة مش عاوزة تشيل الجمارك علي العربيات والشركات المجمع ةداخل مصر مش عاوزة تعمل جودة محترمة وتكون شركات محترمة ...والناس معندهاش فلوس الا لشراء الرخيص ...نريدووووو حل ؟؟؟؟
؟؟ الكلام دا انا شايفة مش مظبوط لان والله لسا النهاردة حاصل معايا حركة وجربت فيها الفرملة كان ورايا امتحان وفاضل علية ربع ساعة كدا وكنت بوصل بابايا والطرق بعيد ففتحت وجريت بالعربية وكان الطريق زحمة شوية وانا كنت عمال بخرم وبمشى من بين العربيات لحد لما الطؤق اتتح مشيت على 80 تقريبا فجأة لاقيت واحدة بتعدى الطريق بسرعة ومبصتش حواليها المهم وانا داخل بسرعة عليا اتصدمت انا رحت يمين راحت معايا رحت شمال راحت معايا وانا متكة فرملة وعمال بعمل كدا والله كنت حاسس ان العربية هتلف منى او هلبس فيها وهموتها والله لحد لم الحمد للة العربية فاقت التوقعات ووقفت فى اخر لحظة ووقفت البت قالتلى مش عارفة اقولك اية والناس والله قعدوا يشتموها وبعدين يا باشا انت بتتكلم فى لانسر يعنى ولا اى بى اس ولا اى حاجة انا مش بقول ان الاسبرانزا احسن من الانسر او الانسر احلى من الاسبرانزا انا بتكلم فى الفرامل الى كل الناس بتكرها وبتشتكى منها فى الانسر خلى بالك انت بقا :)
الحوادث ببتوقف علي أيه خبط في أيه (من وجهة نظر الشكل الهندسي)
مش نوع السيارة فقط
يعني مثلا البيضة ضعيفة طبعا، إنما للعلم عند نقطة معينه فيها قويه جداجدا
تجربة: 127 خبطت عربية تانيه بهدلتها و هي نفس العربية خبطت بني آدم و اتدمرت ( و البني آدم سليم - الحمد لله)
الاسبيرانزا حلوة جدا في فئتها بسعرها بس مشكلة التجميع المصري (بختل يا ابو بخيت) مفيش ثبات في الجودة و ده العادي مش الإستثناء
انا معايا لانسر فيها abs اول ما جبتها كانت الفرامل وحشه جدا وبتصفر وضعيفه طحن المهم فى صيانه ال20 الف قولتلهم على العيب دة قالولى التيل عاوز يتغير المهم غيروا التيل وفضل العيب زى ما هو فى الاخر اكتشفت ان العيب كان ان فيه رفه قويه فى الفردة اليمين قدام المهم عملت ظبط زوايه وترصيص وبقت الفرامل تمام ولسه من شهر مغير الكاوتشات وجبت بريدجستون يابانى والفرامل بقت احسن كتير
واضح يا رامي باشا انك قاسي قوي علي العربية لان صعبة قوي انك تحتاج ظبط زوايا و تغيير للكاوتش في 20000اقتباس:
المشاركة الأصلية كتبت بواسطة ramylancer
نفهم من كده ان كل واحد و استخدامه للعربية و مقدار محافظته عليها انا معايا اللانسر من بداية 2007 و عامل بيها 20000 و الكاوتش سليم و ده بشهادة بتوع بريدجستون لاني كنت عايز اعمل تبديل للكاوتش فقالولي خليك قدام شوية و في التوكيل مافيش الا تغيير الزيت وتربيط العفشة و دمتم
محمد فهمي
انا لما غيرت التيل عند 20 الف ولقيت نفس العيب وبعدين اكتشفت ان العيب فى الفردة اليمين ظبطت زوايا وترصيص وبقت كويسه انما انا غيرت الكاوتشات عند 60 الف لقيت الفرامل اتحسنت بقالها شهر . هو انا هدفع 2100 فى كاوتشات كل 20 الف دة انا اقضيها بتوك توك اريح
مش عارف ياباشا انت بتكلم في ايه انت محسسني انك بتكلم علي BMW مش اسبرانزااااااقتباس:
المشاركة الأصلية كتبت بواسطة sahtot
وبعدين مين قالك ان لانسر مفيش فيها abs ?!!
فيها ABS+EBD:superman:
ياجماعة اي سيارة ممكن تعمل حادثة المهم اننا نسوق بالعقل وعلي العموم انا معايا سبرنزا هتشباك 1300 والحمد لله مافيش اي مشاكل وربنا يحفظها
بأمانه العربيه مشكلتها انها ورق ورق انا مكملتش معايا 5 شهور واتخبطت فى الرفرف خبطه مش جامده اوى دمرت الرفرف والاكصدام طبعا زباله لحمته اكتر من مره وبعدين مشكله قطع غيارها مش موجوده الا فى التوكيل انا جايب فانوس امامى ب760جنيه م التوكيل وتخيلوا سألت بره على كشاف الاوبترا طلع ب200جنيه شفتوا بقى الفرق,,,,ده غير ان الفرامل فعلا من كويسه مبتوقفش بسرعه وتيل الفرامل ناشف والطنبوره بتاعه العجل الامامى مبريه غير انها متضضمنش خااااااااااااالص فى السرعات العاليه انا مره خدنا بيها ملف على 140 العربيه بقت تلف فى الطريق وطلعت على الجزيره وكانت حتتقلب وخبطت فى حجره كسرت الجنت يعنى العربيه عايزه سواقه برااااااااااحه ومشاوير قصيره يعنى استعمال خفيف م الاخر
+1111111111 كلامك مظبوط 100 % العريبة فعلا لازم تعمل معاك كدة فى الملف لآنها 90% منها فيهم عيب العجلة اللى ورا بتبقى قافلة حوالى 3 ونص سم ده على قياسات الزاوايا ودة رقم كارثة وحضرتك او اى حد ياريت يركز فى العربيات اللى ماشة على الطريق جنبة بعد ال 80 على العجلة اليمين ورااا و قولولى لقيتوا إيه ؟؟؟اقتباس:
المشاركة الأصلية كتبت بواسطة eagle1001z
بجد هى عربية مقلب فعلا وكل الناس اللى ركبوها بيقولو انها مش حلوة فى حاجات كتير جدا لكن هى شكل فقط
يا جماعه فكره ال ABS مش انك توقف العربيه تماما عند الفرمله و لكن انك تبطأ العربيه قدر المستطاع مع القدره في التحكم التام في المناوره لتفادي الاصطدام في اقل مسافه ممكنه من غير ما العربيه تزحف منك فياريت محدش يظلم العربيه علشان كده في احد الردود الزميل اللي حاول يفادي السيده و مخبطهاش علشان هو عرف يناور بالعربيه اثناء الضغط علي الفرامل اما لو مكانش فيه abs كانت العربيه زحفت منه و معرفش يناور بالعربيه بس دي الفكره
اللهم وليس الله امااقتباس:
الله اما بلغت الله اما فشهد
يا عم العربيه مفهاش حاجه
بس انت تقصد ايه يعني ان فراملها وحشه مثلا؟؟؟؟؟؟؟؟؟ ولا ايه مش فاهم؟
من الواضح انك اشتريت الموديلات الاولية لاسبيرانزا ومعروف للكل ان بها مشاكل كتير لكن موديلات 2009 معقولة جدا ومفهياش مشاكل كتيرة..معلش ابو الفتوح كان لسة بيجرب فى الاول