استلمت اللوجان 2012 وعندى حل لموضوع نور الصالون

**tekoooooo** · 02-07-2011 04:09 PM

اولا الحمد لله رب العالمين استلمت اللوجان أول امبارح من سمير ريان ودفعت 71000 عشان بيقولوا موديل 2012
بس لسه لم اتسلم الافراج الجمركى بعد قالولى بعد اسبوع ومثبت فيه انها موديل 2012

ثانيا - بعد استلام السيارة بحمد الله عملت ذى ما اصدقائنا فى المنتدى نصحونا فولت بنزين 92 ب100جنية
وضبط الكاوتش نيتروجين امامى 29 وخلفى 32 وركبت افزان بلاستك للطاسات

ثالثا - وانا ماشى بالعربية لقيت نفس موضوع نور الصالون مش بيطفى الا يدوى كمان لمبة تحذير الابواب شغالة عالطول
خفت جدا وقلت من اولها كده هنحجز صيانة وعطله حمدت ربنا وقلت قدر الله وماشاء فعل ابقى اتأكد من الموضوع ده يوم اجازتى ولوا معرفتش حل ليه ابقى اروح التوكيل فى صيانة ال5000 واقولهم عليه

يوم الاجازة صليت الجمعة ودعيت ان يكون الموضوع بسيط واعرف احله من غير توكيل ولا غيره وقد كان
رحت للعربية بحثت عن الازار اللى بتكون فى الابواب عشان تطفى النور لما تقفل الباب المهم لقيتها فوق العتب بتاع العريبة زرار اسود عامل زى بتاع الثلاجة

دورت العربية وقفلت كل الابواب كويس واللمبه لسه منورة لفيت على باب باب من بره وبقيت اضغت عليه من عند الحته اللى عندها الزار لحد ما لقيت المشكله فى باب السائق

روحت جبت دبل فيس تخين شوية وفكيته من جنب واحد ولزقتة فى الباب قصاد الزرار بالظبط وقفلت الباب والحمد لله اللمبة طفت قولت اجرب طلعت بالعربية ومشيت فى حته مطباط والحمد لله كله تمام

اسف على الاطاله ويارب تجربتى تفيد الكل لانى استفدت من اعضاء المنتدى المحترمين

بس عندى استفسارين لما بقفل اللوك البيبان بتفتح بردو من جوه وبنتى بتبقا قعده جنبى مع مامتها وبتفتح الباب وانا ماشى رغم انى قافل اللوك - واللوك مش بيقفل لوحده بعد سرعة معينة زى العربيات الثانية ليه

فيه سخونيه خفيفه جايه من عند الدواسات من تحت مش عارف ليه

**Xlance2010** · 02-07-2011 04:16 PM

اولا الف مبروك على العربية وربنا يرزقك خيرها ويكفيك شرها ويبارك لك فيما عندك ولان عندى نفس العيب سأجرب فورا الحل اللى حضرتك جربته ونشوف ممكن يكون الموضوع بسيط وتتحل بنفس طريقتك
ثانيا نشكرك لتفاعلك مع الموضوع وبحثك عن حل للمشكلة بنفسك
ثالثا فعلا السخونة من عند الدواسات فى كل العربيات اللوجان وتقدر حضرتك فى صيانة الخمسة الاف تسجل شكواك هذه وسيقومون باضافة عازل حرارى اسفل الدواسات
رابعا بخصوص اللوك ياريت حضرتك تتأكد من اغلاق الابواب جيدا وجرب مرة اخرى فاللوك فعلا فى حالة تشغيله يمنع فتح الابواب الخلفية من الداخل وليس الباب بجوار السائق
وتقبل تحياتى
المدون / طارق الجيزاوى

**MOUSTAFA_SAAD** · 02-07-2011 05:19 PM

ربنا يبارك لك فيها و يديك خيرها ويكفيك شرها

موضوع اللوك ده طبيعى جدا
لو عاوز تقفل من جوه على الاطفال فيه زرار امان من الباب من ناحية الرفرف الخلفى حركه وحتلاقى الباب مش بيفتح من جوه حتى لو اللوك مفتوح

**tekoooooo** · 02-07-2011 05:28 PM

شكرا يا مصطفى على الرد وانا ملاحظ انك من انشط رجال المنتدى
بس موضوع اللوك بتاع الاطفال ده فى البابين الخلفيين وانا مراتى وبنتى بيقعدوا جنبى مش عارف اعمل ايه
اقعدهم ورا وخلاص ولا فيه حل تانى

سؤال رفيع هيا الكتالوجات بتاعت العربية مفيش منها باللغة العربية
لانى استلمت واحد انجليزى وواحد روسى

**MOUSTAFA_SAAD** · 02-07-2011 05:34 PM

تحت امرك ياباشا احنا كلنا بنحاول نساعد بعض
الكتالوج بتاع العربيه مفيهوش عربى بس فيه لغات تانيه زى الرومانى والفرنساوى والانجليزى شوف اللى يعجبك ايه ودوس فيه
الكتاب التانى ده بتاع الضمان مش كتالوج وبرده فيه كل اللغات اللى فاتت

نصيحه خلى مراتك وبنتك على الكنبه اللى ورا اامن علشان خاطر البنت مش حتبقى ثابته كويسه على الكرسى غير الانسان البالغ واى فرمله لاقدرالله ممكن تزعلها

**ch_mahm2024** · 02-07-2011 10:26 PM

لن ازيد على الاخوة الاعزاء لانهم استوفو
ولكن اعقب على انه اللوك لا يقفل عند سرعة معينة ولكن اظن انه عند الضغط على زرار اللوك والتعليق عليه 5 ثوانى تقريبا وتسير ستغلق السيارة بعد سرعة 70 ك/س

**haytham1542** · 02-07-2011 10:47 PM

المشاركة الأصلية كتبت بواسطة ch_mahm2024

لن ازيد على الاخوة الاعزاء لانهم استوفو
ولكن اعقب على انه اللوك لا يقفل عند سرعة معينة ولكن اظن انه عند الضغط على زرار اللوك والتعليق عليه 5 ثوانى تقريبا وتسير ستغلق السيارة بعد سرعة 70 ك/س

جربته و لم تنفع

**lion98** · 02-07-2011 10:51 PM

أخي الفاضل ..تعرضت للموضوع ده من حوالي اسبوعين و فضلت ألف و أدور على كل حاجة لحد ما ربنا سبحانه و تعالى ألهمني الحل و لقيته سهل جدا . بص يا باشا في القايم هتلاقي صباع لونه فضي بيدخل في القفل بتاع الباب .. شوفه لو كان سايب و بيلف معاك حوالين داير حاول تحركه لغاية ما تشوف نقطة لونها أحمر (غالبا و يمكن لون تاني حسب لون العربية) خلي وضعها لفوق و بعدين بأي مفك صليبة أربط الصامولة اللي في الطرف و جربها و إن شاء الله تنفع

**tekoooooo** · 03-07-2011 03:01 PM

المشاركة الأصلية كتبت بواسطة lion98

أخي الفاضل ..تعرضت للموضوع ده من حوالي اسبوعين و فضلت ألف و أدور على كل حاجة لحد ما ربنا سبحانه و تعالى ألهمني الحل و لقيته سهل جدا . بص يا باشا في القايم هتلاقي صباع لونه فضي بيدخل في القفل بتاع الباب .. شوفه لو كان سايب و بيلف معاك حوالين داير حاول تحركه لغاية ما تشوف نقطة لونها أحمر (غالبا و يمكن لون تاني حسب لون العربية) خلي وضعها لفوق و بعدين بأي مفك صليبة أربط الصامولة اللي في الطرف و جربها و إن شاء الله تنفع

معلش ياباشا اخوك فهمه على قده
ممكن تشرح تانى بطريقة اوضح ولك جزيل الشكر

**Xlance2010** · 04-07-2011 08:48 PM

الشكر كل الشكر للسادة الافاضل فقد نجحت التجربة والحمد لله واتحلت المشكلة اللى كانت تاعبانى من ساعة ما اشتريت اللوجان وهى نور الصالون حيث قمت اليوم بتجربة وضع شريط دبل فيس امام زر تشغيل نور الصالون اسفل باب السائق والباب المجاور والحمد لله نجحت التجربة فجزاكم الله خيرا ولكم ارق تحياتى

الموضوع: استلمت اللوجان 2012 وعندى حل لموضوع نور الصالون

LinkBack

أدوات الموضوع

عرض

-

-

-

-

المواضيع المتشابهه

استلمت وعندى مشكلة

الحمد لله استلمت اللوجان 2012 بلاك لاين 30102011

استلمت لوجى وعندى سؤال

استلمت نيسان صنى 2010 امبارح وعندى شوية اسئلة

الحمد لله استلمت ورخصت وعندى كام سؤال

الكلمات الدلالية لهذا الموضوع

المفضلات

المفضلات

ضوابط المشاركة