الموضوع: عمر سليمان: كان هناك قتلى بين المتظاهرين بسبب التزاحم

المشاركة الأصلية كتبت بواسطة blazer

أجبر على التنحى بسبب الضغط الشعبى
ولكن القوات المسلحه لم تكن لتطلب منه التنحى الا لعلمها ان المظاهرات ذاهبه فى طريق الازدياد وان دا الطريق الوحيد ان الطاوله متتقلبش عليهم هما كمان
الفضل الوحيد لكل اللى وصلنا ليه لحد دلوقتى هو توفيق ونصر الله للشعب المصرى فقط لا غير

والجيش من الشعب المصري وأكبر دليل على مدى وطنيته هو مايحدث في ليبيا وحدث بالسابق في العراق
وأرادة الله فوق الجميع طبعا
ولو فرضا أن الجيش عارف أن التطور هايكون مش في صالح مصر فده في حد ذاته ذكاء ووطنية منهم تستحق الأحترام لرجال قواتنا المسلحة

المشاركة الأصلية كتبت بواسطة otefa

والجيش من الشعب المصري وأكبر دليل على مدى وطنيته هو مايحدث في ليبيا وحدث بالسابق في العراق
وأرادة الله فوق الجميع طبعا
ولو فرضا أن الجيش عارف أن التطور هايكون مش في صالح مصر فده في حد ذاته ذكاء ووطنية منهم تستحق الأحترام لرجال قواتنا المسلحة

ياباشا انا لا اقصد بكلمه الجيش الجنود او العساكر او الضباط حتى رتبه عميد
انما اقصد بيه المجلس العسكرى الموقر
المجلس العسكرى يعتبر دلوقتى منصب سياسى 100%
وكلنا عارفين ان حتى لو كان صدرت اوامر بضرب المتظاهرين كان ايه اللى هيحصل وان 90% مكنش هينفذ الاوامر لأن كل بلد وليه ظروفه وكانت هتتقلب عليهم
وعشان هما عارفين كدا
حصل اللى حصل

وأنا يابيه عارف الجيش كويس قوي والله ومن قرب وأتجندت كمان فيه من زمان وماعنديش أي شك في وطنيته
ولكن في حاجة أسمها نفذ الأوامر أولا وبعدين أتظلم شوف لو 1/2 الجيش نفذ كان أيه هايحصل ........هاتقولي أنقسام في الجيش وحرب أهلية أحد الأحتمالات أوكي
طيب ماهو ده في حد ذاته أثبات على مدى كفاءة فكر القادة بتوع الجيش ولا أيه جنبو البلد مزيد من الدم والضياع والأنقسام........أعط كل ذي حق حقه
حكاية المجلس حاجة والجيش حاجة .........مش صحيحة بالمرة
أفكرك بثورة 1952 الظباط الأحرار قعدو فترة قد أيه علشان يقدرو يأهلو نفسهم لعمل أنقلاب عسكري
فالصورة مختلفة تماما عن 52
الثورة ثورة شعب دعمها الجيش
أنما أنقسام داخل الجيش مستبعدة تماما
وبعدين همى لو في نيتهم العنف مع الثوار ماكنوش هايقولو للجيش الحقيقة الأفلام كثيرة