الموضوع: مشكلة كمبيوتر الشاهين 2006

معايا نفس العربية موديل نفس السنة و لم أكشف على الكمبيوتر سوى مرة واحدة فقط, فى ال10 ألاف الأولى, و بقالى لحد 43 ألف كيلو مروحتش التوكيل و لا عملت أى حاجة فى الكمبيوتر, و مفيش أى مشكلة ملحوظة.
التقطيع حصل مرة واحدة بس لما كنت مسافر بره مصر لفترة طويلة و رجعت دورت السيارة لقيتها بتقطع, و كانت مفاجأه سيئة لأنها عمرها ما عملتها معايا, مشيت شوية لقيت التقطيع راح, و غالبا السبب كان اما ان البوجيهات خدت رطوبة أو ان الرشاش اتسد, و مع تسيير العربية سخنت و تبددت الرطوبة على البوجيه أو تم تنظيف الرشاش نتيجة لدفع البنزين, المهم أن التقطيع لم يحدث من ساعتها, لكن غيرت البوجيهات بعدها(كان بقالها فترة).
عموما الكمبيوتر صعب انو يتسبب فى التقطيع, الكمبيوتر أعطاله فجائية و توقف السيارة تماما, غالبا البوجيهات خدت رطوبة أو فيه انسداد فى الرشاش بسبب البنزين المتسخ, حاول تغير البوجيهات لأن ده مؤشر انو عمرها انتهى أو اكشف على الرشاشات.
و أنت عندك لمبة الانجيكشن, حرك المفتاح ناحية الوضع Mar من غير ما تدور و استنى على لمبة الانجيكشن لما تطفى, لو طفت يبقى غالبا الكمبيوتر سليم.

المشاركة الأصلية كتبت بواسطة eldeplomasy

معايا شاهين 2006 انجكشن وكل 3 او 4 شهور الاقي العربية بدأت تقطع وتستهلك بنزين زيادة ولما بروح الشركة واخليهم يغيروا سوف وير للكمبيوتر بترجع تمام وصوت الموتور بيتضبط واستهلاك البنزين بيبقى كويس

فسؤالي هو كل العربيات كده ولا دي عربيتي أنا بس لان بحس ان محدش كل 3 شهور او 4 بالكتير بيروح يضبط كمبيوتر زيي


ارجو الافادة من كل واحد صادفته المشكلة دي او مشكلة مشابها لها وشكرا

هو أكيد ده مش طبيعي ، يعني في مشكلة في الكارت ده ١٠٠٪

أستاذ فادي : المقصود مش عطل تام في ال-ECU لدرجة انها تموت خالص ، أحياناً في اعطال بتخلي الكارت شغال بس مش مظبوط أو مش بالكفاءة إلي إتصمم عليها

المشاركة الأصلية كتبت بواسطة eldeplomasy

معايا شاهين 2006 انجكشن وكل 3 او 4 شهور الاقي العربية بدأت تقطع وتستهلك بنزين زيادة ولما بروح الشركة واخليهم يغيروا سوف وير للكمبيوتر بترجع تمام وصوت الموتور بيتضبط واستهلاك البنزين بيبقى كويس

يا حلاوه يا ولاد هى الشاهين بقى فيها كمبيوتر
:D

المشاركة الأصلية كتبت بواسطة a0abde01

يا حلاوه يا ولاد هى الشاهين بقى فيها كمبيوتر
:D

و بكرة يبقى فيها انترنت :D :D :D

البوجيهات لسه مغيرها قريب والرشاشات سليمه ولكن انا افتكرت اني لاحظت الموضوع ده بعد غسيل الموتور في محطات الخدمه

واللى اكتشفته وانا بغسل العربية من تحت امبارح كان في واحد معاه شاهين 2008 بيغسل اكتشفت انهم مش بيغطو الكمبيوتر ولا البوجيهات وبيغسل بالميه والجاز وميه وبصابون من غير تغطيه ولما سألته قالي انا معرفش انه لازم يتغطي وفعلا تذكرت انها كل مرة كنت بغسل فيها الموتور بتطلع العربية متلخبطه وتقطع وتفضل تقطع لحد ما اروح الشركة واغير السوفت وير ولما سألتهم في الشركة قالي اوعى تغسل الموتور بره نهائي يا تغسله هنا او تخلي اي ميكانيكي ينفخلك الموتور بالهوا وينظف كل الاجزاء بالهواء فقط غير كده متعملش ولا تغسل

طيب بالنسبه للكارته دي تتكلف كام واغيرها فين؟؟؟

يعنى هل ممكن يكون الغسيل هو السبب؟؟؟


وهل يمكن يكون بوظ حاجه ولا إيه؟؟؟