الجنط اتكسر...ايه العمل؟

**ahmed18** · 23-04-2008 07:58 AM

اصدقائي الكرام انا عضو في المنتدى من فتره لاباس بها.كنت متابع جيد لمنتداكم الجميل منذ البدايه واستفدت منكم كتير...لكن مش عارف يمكن لظروف شغلي خارج مصر او يمكن لم يكن متوفر لي مااقدمه من مشاركات فعاله فاعزروني لاني خجلان ان اول مشاركه عباره عن طلب خدمه.
طولت عليكم معلش..ندخل في الموضوع.انا سيارتي تيدا 2007 سيدان سايبها في مصر وسافرت, طلبها خالي واخذ السياره وفي طريق الاسماعيليه كانت هناك حفره لم ينتبه لها واتكسر الجنط..هو طبعا غير الكاوتش الاسبير وكلمني في التليفون يعمل ايه
في ناس بتقول الحمه واخليه وفي الخلف واطلع السليم في الامام, وهل ده مازال امان ومش هاياثر على اداء السياره؟....ولا اشتري واحد جديد وخلاص وهل ممكن اشتري جنط واحد بس زي الاصلي اللي اشتريت بيه العربيه من الاول؟
ياريت تساعدوني واعتذاري مره اخرى لعدم وجود اي مشاركه فعاله في المنتدى من قبل

اخوكم احمد

**د-احمد عبد اللطيف** · 23-04-2008 08:31 AM

الامان يحتم عليك شراء جنط جديد
و اعتقد ان من الممكن شراء جنط واحد من التوكيل

**tutankhamoun** · 23-04-2008 08:44 AM

ما يتفعش اطلاق و بتاتا تلحم الجنط
لازم تغيروه و تشتري واحد جديد ................. أوعى تلحمه ........... أوعى تلحمه
حياة من في السيارة ستكون في خطر شديد و أيضا حياة من حولك و أنت تقود السيارة
و لازم و حتما و لابد أن تشتري جنط جديد
و ربنا يصبرك
و تحيا الطرق المهلبية في جمهورية المهلبية و البالوظة

**Islam_galal** · 23-04-2008 09:30 AM

اللحام ده للعربيات موديلات ستينات و سبعينات
انما الزيرو حرام ، لازم تغيره

**AlmAhAtmA** · 23-04-2008 09:56 AM

قدر الله و ما شاء فعل
نفس الموقف حصل معايا

و سالت علي الجنط في التوكيل قالوا لي ب 2500 جنيه
ان شاء الله ححاول ادخلوا في التامين

بس للامانه انا ماشي من غير استبن و نفسيا قلقان جدا

نفسي اعرف هوه ممكن اجيب جنط حديد عادي

**ahmed18** · 23-04-2008 10:18 AM

شكرا لكم اخواني الكرام على ردودكم وانا فعلا مش هالحم الجنط وشيء يحزن مستوى الطرق في مصر.
صديقي المهاتما ماطالما غالي كده ماتيجي نغير الاربعه بجنوط جديده مختلفه خالص احسن

**Karim_Monir** · 23-04-2008 10:53 AM

هاني باشا نور المنتدي تاني
حمد الله على السلامة يا عريس
اتاري المنتدي مليان رز بلبن ومسكرات لدرجة اني افتكرت المالكي فتح فرع هنا
الف مبروك يا شقيق
------------
ابعت خاللك احمد سعيد وشوف مقاس الجنط كان واشتري واحد جديد
لو جنط حديد سهلة لو جنط اسبور تدور في التوكيل او برة عند بتوع قطع الغيار
انسي فكرة اللحام دي تماما دي مش تاكسي موديل 60 اخرة 40 كم في الساعة
هاني جبنت كومبيرسور الهواء ولا لاء وماشي مسلمها وخلاص

**TAG_Turbo0** · 23-04-2008 04:20 PM

تجيب واحد جيد طبعا مينفعش موضوع اللحام ده خالص
وفى حل تانى لو فعلا ان الجنط قى التوكيل 2500
ممكن تجيب طقم كامل استيراد نفس مقاس الجنط بتاعك فى حجات لقطة كتير عند بتوع الاستيراد وحالتهم فوق الممتاذة ومش هيعدوا 1000 جنية
أو انك تجيب طقم اندونسي او ماليزى بنفس 25000

**ahmed18** · 23-04-2008 04:51 PM

انسي فكرة اللحام دي تماما دي مش تاكسي موديل 60 اخرة 40 كم في الساعة
----------------------------------------------
فعلاا عندك حق ياستاذ كريم, وعايز اقولك انا ماشكتش لحظه انك هاترد عليا لانك انسان خدوم ومحترم انت وكل اعضاء المنتدى وده انا لاحظته من مشاركاتك, ونفسي اتعرف عليك اوي في يوم من الايام
=====
اما لو الاستبن مختلف يبقى تجيب واحد جديد طبعا
----------------------------
عزيزي ابو حمزه هو فعلا مختلف وجزاك الله خيرا للمساعده.
=====
أو انك تجيب طقم اندونسي او ماليزى بنفس 25000
----------------------------
اقول حاجه ياتربو هو ده القرار الاخير اللي فكرت فيه وربنا يسهل وعارف انا بحبك ليه لان والدي واعمامي منوفيين زيك
=====
والله انتو ناس حلوه اوي وجدعان خالص وزي الفل واحسن منتدى مغرم بيه ربنا يبعد عنكم شر اي حادث

اخوكم احمد

-

الموضوع: الجنط اتكسر...ايه العمل؟

LinkBack

أدوات الموضوع

عرض

-

-

-

-

المواضيع المتشابهه

العمل ثم العمل ثم العمل - منقول للافاده..

مناقشة..السول الجنط 16 أسرع من الجنط ال18..السيراتو معانا بردو

الجنط الاسبور اتكسر و الحمد لله

الجنط اتكسر والكاوتش اتقطع...... اصلحه ولا اجيب جديد

الجنط اتعوج و انا في اسكندريه ما العمل?

الكلمات الدلالية لهذا الموضوع

المفضلات

المفضلات

ضوابط المشاركة