جين 2 نعم ام لا

**maxayma** · 17-07-2011 08:10 PM

المشاركة الأصلية كتبت بواسطة ahmed.ali

يا سيدي البرشطه مضمونه وفطار رمضان بتاع التوكيل محجوزلك مكان فيه
بس لو ايفو يبقي لازم تعلي المبلغ و لو تيدا برضوا لازم تعلي المبلغ
ميزه من مميزات الجين2 الرهيبه هي السعر لو معاك اكتر يبقي مع احترامي اجيب bmw مستعمله و استمتع بالي هتدهوني الجين2 ببرستيج اعلي

انا الحمد لله مقتنع جدا بالعربيه و اتمني انك تختار عربيه و تحبها زي ما احنا بنحب عربيتنا
بس اعمل حسابك في باكويين لما تشتري الجين2 عشان فرش الـcps يا كبير و اه بقي لو باكوين ونص كمان و تديها dvd, parking camera و برضوا هتبقي ضمن الـ 100,000 الف بتوعك

شكرا لذوقك انا فعلا هزود لان الايفو 113 (اول فئة اوتو) او تيدا 115 الف (بيقولوا عليها فول و الاعلى اسمها فول اوبشنز بلس)

اكيد البى ام حاجة تانية بس موضوع مستعمل ده انا رفضه تماما بصراحة دى غير انى هتبقى عندى سعتها مشكل اكبر من مشكلة الجين و هى مصاريف تشغيل البى ام

**SonaSteel** · 17-07-2011 09:17 PM

المشاركة الأصلية كتبت بواسطة AutoTycoon

اصل حضرتك بتقول التيدا اول عربية عملت الرقم ده
و انا اعرف ان الإلانترا و الفيرنا بيعملوه عادي يعني ... بيعملوا 350 كم في الصفيحة كمان

حضرتك متحيز جداً لنيسان على فكرة ..

استحاااااااااااااالة االالنترا والفيرنا بالذات تعدي 280 اصلا في الصفيحة
انا عايزك تلف في منتدي هيونداي وطلعلي مشاركة فيها الرقم 350 كم /الصفيحة
انا مش متحيز لنيسان ... انا كل كلامي بتجارب الناس و بمعلومات بحاول اجمعها من خبرات الناس من كل منتدي ومن ملاك العربيات المختلفة مش نيسان بس
انا اصحابي معاهم فيرنا والنترا وماتريكس واوبيترا اوتو ومانيوال وجولف وشارك
ولا واحده ولاااا واحده تكسر ال300 كم/الصفيحة وعلي الطوالي .... وديه بشهاده منهم
ولو دخلت علي اي منتدي واعمل موضوع ... مين اللي عدي 300 كم /الصفيحة وعربيته 1600 !!!!
وفي الاول وفي الاخر الاستهلاك نفسه من رجل سواق لرجل واحد تاني
انا ساعات بمون ب30 لتر ...ساعات تقعد معايا 6 اياام وساعات 10 ايام ونفس المشاوير
يعني بحرق علي الغيارات او سواقة هادية
وبالنسبة للبوجيهات اكييييد هاتفرق .. يا اما مكانوش حطوها ... حتي لو فرق بسيط بس هاتفرق
زي سينسور الاكسجين للصني 2011 هو مفرقش جامد ... بس اسمه فرق.
وكمان دليل ان التوكيل والمصنع بيحاول يطور من العربية للاحسن كاداء مش شكل وخلاص .
والمقارنة فعلا ممكن تنتهي لاي من الطرفين حسب ظروف كل واحد
اولا الراحة النفسية للعربية ولو هايلف بيها وعلي قطع غيارها بس مستريح معاها
عكس واحد تاني (زي) وكانت الجين تو قدامي وكانت قبل الصني علي طول ... بس مضمنتش ال التوكيل ولا محلات قطع الغيار ... لقيت المحلات تتعد علي الصوابع ... وديه ليا انا مش ميزة بعد ما كان معايا البولو وتقريبا نفس ظروف الجين تو
بس عااامة مفيش عربية 1600 تفرق عن التانية الا حاجات بسيطة جاد تكاد لا تذكر.
اسف .. طولت عليكم
اقعدو بالعافية

**alaa7sh** · 17-07-2011 09:59 PM

المشاركة الأصلية كتبت بواسطة tamerosman

مكتوب فى كتالوج الجين ان لمبة الاحتياطى بتنور لما رصيد التنك يوصل 8 لتر و انا لما اللمبة بتنور عندى بمون بنزين 92 بحوالى 70 الى 75 جنيه يبقى سعة التنك من غير الاحتياطى حوالى 38 لتر و بالاحتياطى حوالى 45 لتر و ده ميعتبرش تنك صغير

بالنسبة للمقارنة بين التيدا و الجين 2 :

التيدا الاتومامتيك فول اوبشر معدية 120 الف جنيه يعنى اغلى من الجين 2 بحوالى 30 الف جنيه اى بنسبة 30% زيادة فى السعر عن الجين 2

يبقى مفيش وجه للمقارنة و لو هاشترى عربية فوق 120 الف هيكون فى اختيارات كتيرة جدا و الى عايز يقارن عربية بالجين 2 اتوماتيك يبقى يبص على الصنى - سكالا - اوبترا مانيوال - النترا شكل 2011 مانيوال اقل فئة

لو حضرتك هاتدفع 30 الف زيادة فى التيدا علشان توفر بنزين يبقى احسبها كده :تجيب جين 2 ب 90 الف بس و 30 الف جنيه يتعملو شهادة فى البنك 10 سنين ب 10% ييعماو 250 جنيه فى الشهر و يبقى تجيب الجين 2 و تحط بنزين ببلاش و ترجع لك فلوسك بعد 10 سنين

تصدق بعد المشاركة دي ... أنا لو كنت هجيب الجين 2 بنسبة 95%. دلوقتي هجيبها بنسبة مليون %

**maxayma** · 17-07-2011 10:48 PM

المشاركة الأصلية كتبت بواسطة alaa7sh

هو مش الـ cps ده اللي عملوه في أوروبا بخصوص الاقتصاد في استهلاك الوقود؟
والا المعلومات عندي دخلت في بعضها

بس يا باشا انا هرد عليك ال cps دا الماتور الكامبرو الجديد او بمعنى اصح تعديل على الكامبرو الموجود حاليا اسمة كامبرو cps و الهورس باور بتاعة اعتقد اعلى شوية من الكامبرو اللى موجود دلوقتى فى الجين و البيرسونا و برة مصر نزلت الجين 2 2011 نفس الشكل بس اسمها جين 2 cps بس مانزلتش مصر علشان موضوع نسبة الانطغاط بتاعة الموتور لازم يتحطلها بنزين 95

الموضوع بقى موضوع الفرش ابتاعها نزل جلد احمر فى اسود بما فيه جلد الابواب و الطارة كمان هنا فى محل بيركب الفرش دا فى الجين 2 بيكون زيه زى الفابريكة اللى بيزل مع الجين 2 cps فبيتقال عليه فرش cps اضافة اخيرة كمان السقف بتاعها كان بيكون اسود و فى ناس هنا بتعلمها برده بس بأ ستيكر اسود

**maxayma** · 17-07-2011 11:12 PM

المشاركة الأصلية كتبت بواسطة tamerosman

مكتوب فى كتالوج الجين ان لمبة الاحتياطى بتنور لما رصيد التنك يوصل 8 لتر و انا لما اللمبة بتنور عندى بمون بنزين 92 بحوالى 70 الى 75 جنيه يبقى سعة التنك من غير الاحتياطى حوالى 38 لتر و بالاحتياطى حوالى 45 لتر و ده ميعتبرش تنك صغير

بالنسبة للمقارنة بين التيدا و الجين 2 :

التيدا الاتومامتيك فول اوبشر معدية 120 الف جنيه يعنى اغلى من الجين 2 بحوالى 30 الف جنيه اى بنسبة 30% زيادة فى السعر عن الجين 2

يبقى مفيش وجه للمقارنة و لو هاشترى عربية فوق 120 الف هيكون فى اختيارات كتيرة جدا و الى عايز يقارن عربية بالجين 2 اتوماتيك يبقى يبص على الصنى - سكالا - اوبترا مانيوال - النترا شكل 2011 مانيوال اقل فئة

لو حضرتك هاتدفع 30 الف زيادة فى التيدا علشان توفر بنزين يبقى احسبها كده :تجيب جين 2 ب 90 الف بس و 30 الف جنيه يتعملو شهادة فى البنك 10 سنين ب 10% ييعماو 250 جنيه فى الشهر و يبقى تجيب الجين 2 و تحط بنزين ببلاش و ترجع لك فلوسك بعد 10 سنين

وجهة نظر تحترم طبعا بس انا بالرغم ان موضوع البنزين دا اكتر حاجة مقلاقنى الا ان برده فى اسباب تانية تخلينى ابعد عنها مع انى فعلا معجب بيها بس بحاول افكر بموصوعية شوية زى ما قولت مثلا يعنى موضوع مشاكل التقفيل و الاصوات اللى التوكيل فى الغالب مش بيعرف يحلها من مرة واحدة دى بالنسبالى عيب خطير برده على الاقل من وجهة نظرى لانى بصراحة بحب اشترى دماغى (فى حياتى عموما) يعنى اكيد لو جبت الجين بس لا قدر الله المشاكل ابديت و الاصوات اياها بداءت العزف و التوكيل معرفش يحلها او يعمل حلها ساعتها ممكن اكره العربية و اكره نفسى (بس مش هاكره المنتدى و لا رجالة قسم برتون مهما حصل) بس بحد هكون متكدر

و زى ما قولت و كررت هنا ان ممكن الناس غيرى زى ما بقرأ هنا ممكن تشوف ان العيوب دى تهون فى مقابل عربية بتجرى و بثبات زى الجين بمعنى اصح دى قصاد دى لاكن انا بصراحة مش هبصليها كده لانى مش بتاع جرى و لا ناوى

على فكرة انا لو هاشترى تيدا هجيب ال 115 (فل اوبشنز) الف مش اللى 128 الف (بيسموها فل اوبشنز بلس)

**إبراهيم المصرى** · 18-07-2011 01:50 AM

المشاركة الأصلية كتبت بواسطة tamerosman

من الاخر لو حضرتك بتنظر للموضوع من الناحية الاقتصادية فقط و مايهمكش متعة القيادة و الاحساس الممتع بتاع سواقة الجين 2 يبقى خليك فى النسيان صنى لانها افضل اختيار بنفس السعر و فى كما رينو سكالا نازلة ب 95 الف بكماليات اكتر من الجين 2

فعلا خليك فى النيسان صنى

**AutoTycoon** · 18-07-2011 03:39 AM

المشاركة الأصلية كتبت بواسطة sonasteel

استحاااااااااااااالة االالنترا والفيرنا بالذات تعدي 280 اصلا في الصفيحة

استحالة؟
متأكد؟
طب لو قلتلك ان انا شخصياً بجيب ال350 في الصفيحة عادي جدا بالفيرنا واصحابي معاهم النترا اوتو 320 كم في الصفيحة و تيدا اوتو زيها زي النترا

يبقى منين استحالة
و منين حضرتك مش متحيز لما في آخر الكلام بتقول انها بتفرق من سواق للتاني و في اول الكلام بتقول اسحالة

انا آسف اني ضيعت وقتك و وقتي

**tutankhamoun** · 18-07-2011 05:28 AM

الجين 2 ........... اللي الناس كلها بتقول أستهلاكها عالي (علشان فاهمين العربية غلط - أغلبهم مش كلهم )
بتعمل أرقام حلوة لو أنت عاوز تعمل أرقام حلوة .

قلت قبل كدا الأستهلاك له عوامل بتأثر عليه
و قلت قبل كدا أزاي تقدر توصل للأستهلاك الكويس .........
350 كم لكل 20 لتر سهلة الوصول لو أنت سواقتك هادية ...... و خلي بالك من كلمة هادي .....

يعني تطلع بالعربية واحدة واحد واحدة ......... سايق في طريق طوالي ........... مش كل شوية بتقف ....... و مهتم بعربيتك و صيانتها ...........

أنا مجرب عربيتين ..... مش عربية عربية واحدة
2007 مانوال ............. 2010 أوتوماتيك ........... يعني كلامي عن تجربة طويلة
أنا سواقتي هادية جدا ........... و العربية بتعمل معايا أرقام حلوة في الأستهلاك .

و أي عربية 1600 ممكن تعمل أستهلاك كويس جدا مع السواقة الهادية مش الجين 2 بس .

كان فيه تجربة عملها جيرمي كلاركسون في توب جير
كان بيجرب عربية تويوتا 1300 سي سي ........... و عربية تانية بي أم بموتور كبير بس مش فاكر هو كان 3000 و لا 2000 سي سي
و فضلوا ماشيين على التراك بسرعة ثابتة و هي على ما أعتقد 80 كم - س لغاية ما تانك البنزين خلص في الأثنين

البي أم عملت تقريبا أقل بقليل أستهلاك من التويوتا

فالسرعة بتفرق جامد و الطرق الطوالي بتفرق جامد .

مفيش حاجة مستحيلة

إنما سواقتنا هنا في مصر ........ هي اللي زبالة ......... تسارع بدون داعي ......... نسابق بعض على الطريق ........ نبقى شايفين الأشارة حمرا أو الاشارة واقفة .......... و برضه نعمل تسارع ملوش أي لزمة و بعدين تقف برضه في الأخر .
نهتم كمان بضغط الكاوتش و نوعية البنزين ........

بأختصار
سواقة هادية - أهتمام بالصيانة = أستهلاك ممتاز

**maxayma** · 18-07-2011 07:36 AM

المشاركة الأصلية كتبت بواسطة tutankhamoun

الجين 2 ........... اللي الناس كلها بتقول أستهلاكها عالي (علشان فاهمين العربية غلط - أغلبهم مش كلهم )
بتعمل أرقام حلوة لو أنت عاوز تعمل أرقام حلوة .

قلت قبل كدا الأستهلاك له عوامل بتأثر عليه
و قلت قبل كدا أزاي تقدر توصل للأستهلاك الكويس .........
350 كم لكل 20 لتر سهلة الوصول لو أنت سواقتك هادية ...... و خلي بالك من كلمة هادي .....

يعني تطلع بالعربية واحدة واحد واحدة ......... سايق في طريق طوالي ........... مش كل شوية بتقف ....... و مهتم بعربيتك و صيانتها ...........

أنا مجرب عربيتين ..... مش عربية عربية واحدة
2007 مانوال ............. 2010 أوتوماتيك ........... يعني كلامي عن تجربة طويلة
أنا سواقتي هادية جدا ........... و العربية بتعمل معايا أرقام حلوة في الأستهلاك .

و أي عربية 1600 ممكن تعمل أستهلاك كويس جدا مع السواقة الهادية مش الجين 2 بس .

كان فيه تجربة عملها جيرمي كلاركسون في توب جير
كان بيجرب عربية تويوتا 1300 سي سي ........... و عربية تانية بي أم بموتور كبير بس مش فاكر هو كان 3000 و لا 2000 سي سي
و فضلوا ماشيين على التراك بسرعة ثابتة و هي على ما أعتقد 80 كم - س لغاية ما تانك البنزين خلص في الأثنين

البي أم عملت تقريبا أقل بقليل أستهلاك من التويوتا

فالسرعة بتفرق جامد و الطرق الطوالي بتفرق جامد .

مفيش حاجة مستحيلة

إنما سواقتنا هنا في مصر ........ هي اللي زبالة ......... تسارع بدون داعي ......... نسابق بعض على الطريق ........ نبقى شايفين الأشارة حمرا أو الاشارة واقفة .......... و برضه نعمل تسارع ملوش أي لزمة و بعدين تقف برضه في الأخر .
نهتم كمان بضغط الكاوتش و نوعية البنزين ........

بأختصار
سواقة هادية - أهتمام بالصيانة = أستهلاك ممتاز

استاذ توت شكرا تانى لحضرتك و الكلام طبعا سليم هى الفكرة اكيد بردوا طريقة سواقة و فعلا للاسف الناس دلوقتى و اخدة السواقة عافية زى ما كان مرة زميل هنا فى المنتدى بيقول "كل واحد بيهموا يكسب ارض حتى لو كام سم قبل العربية التانية"

انا على فكرة قريت كل مواضيع حضرتك بخصوص الاستهلاك و فعلا اكيد مع السواقة الهادية بيكون قليل حضرتك يعنى مجرب و مش فى عربية و احدة زى ما بتقول

انا شايف انك مادام سواقتك هادية زى ما بتقول يبقى زى ما انا ناوى اعمل بس فى الحالة دى اى تبقى ميزة الجين مادام مافيش جرى و تسارع و ثبات على سرعات عالية مادام كله هادى و ياترى ايه خلاصة خبراتك مع التوكيل و المشاكل اللى قابلتك و ياريت برده تشرحلى موضوع الفرامل لانها مقلاقانى انا مش بقول انها وحشة بس اسمع انها نظامها مختلف شوية

لانى بصراحة ابديت اقتنع و اتمسك بالجين 2 دا انا بقالى اكتر من سنة بقرى عليها هنا بس للاسف عمرى ما حربت اسوقها على حظى لغوا التيست طريف و ما عرفش حد جايبها يدينى لفة بس و الله انا كنت مبسوط قوى لما ركبتها و كانت و قفة فى المصرية