البورصه مش بنسمع عنها وهيه بتخسر انما لما تكسب مليارات محدش بيقول حاجه
ايه يعنى خسرت مليارات لما المظاهرات تنفض حتعوضهم فى اسبوع
عرض للطباعة
تلخيص للمقال الطويل همى كلمتين=الفساد كان مستشري وضارب بجذوره في كل أركان الدولة
نقوم أحنا خاربينه زيادة ونقول بكمالة الخراب ماجتش على الكام يوم ولا الكام شهر دول
حارب الفساد بالتوازي مع بناء الدولة مش لازم نجيب ضلفها يعني علشان حجة نبنيها من أول وجديد في عشرات السنين ده كده أسمه خراب مستعجل
الكلام مافيش أسهل منه
بس الحل الأمثل نسيبه للمتخصصين ألي عارفين يعني أيه برصة بتقع يعني مؤشر هام جدا لأقتصاد دولة
والأختلاف في الأراء لايفسد للود قضية
بعد أذنك برضه .....أسأل البرادعي فين الحل
مش دي تصريحاته برضه
أيه علاقة ألي بيقوله بمشاكل البلد
وكأن حل المشاكل ألي البلد فيها في الدستور
لو قلبه على البلد بصحيح كان كتب في المقال توصيات بحق وحقيقي ينصح بها أولي الأمر المسؤلين عن البلد في الفترة الأنتقالية مش نظام تجريح في قواتنا المسلحة وبس
وكل همه يمسك البلد ويعمل دستور
بيفرض نفسه على الشعب ألي ماوكلوش لسلطة يبقى يستحق النقد ولا نسيبه يقول زي ماهو عايزه وكأنه مفوض من الشعب
هذه رؤيته و من حقك تقتنع بيها أو متقتنعش.
اقتباس:
لو قلبه على البلد بصحيح كان كتب في المقال توصيات بحق وحقيقي ينصح بها أولي الأمر المسؤلين عن البلد في الفترة الأنتقالية مش نظام تجريح في قواتنا المسلحة وبس
وكل همه يمسك البلد ويعمل دستور
بيفرض نفسه على الشعب ألي ماوكلوش لسلطة يبقى يستحق النقد ولا نسيبه يقول زي ماهو عايزه وكأنه مفوض من الشعب
لم أرى أى تجريح فى المجلس العسكرى .. ده اللى بنسميه النقد البناء .. و ده من حقه و حق أى حد ما دام المجلس يحكم البلد.
و البرادعى يستحق النقد .. و واجب كمان علينا ننقده فى حالة إنه هيترشح للرئاسة .. بس النقد يكون بحق.
هو الرادعى اكلم على الدستور
طب ايه فايدته من غير انتخابات
ولا حاجة
حبر موجود
ليه
علشان مش هيعرف يأثر على حرية الانتخابات
وعارف ان فرصه ضئيلة
لكن الدستور هيقعد يعمل مظاهرات علشان يأثر على من يكتبه
لكل منتقدى البرادعى ماذا انتم فاعلون لو الرجل اعد برنامجا واصبح رئيسا للجمهورية
ماذا انتم فاعلون
هل ستقتنعون وتعملون تحت رايته
ام ستكنون له العداوة ماحييتم
اتمنى الرد
وهو رجال الدين ينفعو رجال دولة موءهلاتة رجل دين
احنا عاوزين رجل دولة يعرف ربنا
وهو البرادعى مثلا مثلا يعنى لو بقى رئيس هيمنع الناس انها تصلى ولا هيمنع الناس انها تمارس شعائرها الدينة بكل حرية ولا حتى هو نفسة هيخرج عن تعاليم الاسلام فى الحكم على الاشياء
والكلمة دى انا قولتها قبل كدة للاخ اوتيفا لما قال ان الديموقراطية فى امريكا اباحت زواج المثليين
يعنى يا تبقى غزوة صناديق يا زواج مثلييين
الدين يا سيدى الفاضل مش لازم واحد يبقى لابس جلبية ومربى دقنة
دا مرة قبل الاستفتاء جالنا واحد وعاوز يمضينا على ورقة بعدم المساس بالمادة التانية من الدستور
رد عالية واحد وقالة مالوش لزمة النت بتعملة دة المصرى لو حتى بيبع مخدرات ولا واحدة رقاصة سالتها هتقولك لا طبعا مش هنوافق على المساس بالمادة الثانية للدستور
جهة تضع الدستور...بس كده...مفيش اشتراك لكل أطياف الشعب...يعني دستور متفصل علي مزاجه
هو ده بقي الرد...يبقي مش واحد يمسك ويقرر وضع دستور ويخصص وضعه لجهة معينة يقلبها كيف يشاء بدون مشاركة شعب مصر...
وبدل كل شوية يقول رايه الدستور اولا..اللي هو اصلا نزل استفتاء للناس وقالوا الانتخابات اولا
يبطل بقي اثارة الفتن لو كان فعلا عايز مصلحة البلد و ياخد براي الاغلبية ويصمت فالصمت من ذهب اذا كان في موضعه...ماحنا عارفين رايه من الاول مش محتاج يعني يقوله كل شوية ويحض عليه...بكده هو ديكتاتور
اذا وضع دستور ديمقراطي علي اساس صحيح مش جهة واحدة اللي تحطه وعلي اساس هذا الدستور انتخب البرادعي رئيسا بنفس نزاهة ورقي الاستفتاء السابق...هنقوله اهلا وسهلا بيك
تمشي علي الدستور وتعمل لمصلحة البلد وتقدمها ورفعتها وعدم زلتها واعلاء راسها فوق الدول واعتبارها اعلي من اعلي قوة سياسية في العالم...اذا مرحبا
محصلش...يبقي تاخد فترتك الانتخابية ومع الف سلامة في الانتخابات اللي بعدها
احنا عاوزين رجل دولة يعرف ربنا !!!!!!!!!!!
http://www.youtube.com/watch?v=OTk7LiBEFaI&feature=related
انا شايف الناس اللى بتهاجم البرادعى واخدة موقف منه وخلاص
انا قولت نعم وهو حر فى راية وما قالش حاجة غلط فى كلامه ولما قال جهة يعنى ما يقصدش جهة معينة يقصد طريقة اختيار الجمعية التاسيسية
وبرضه ما قالش نحط الدستور الاول هو قال خارطة طريق بمواعيد محددة
ونفسى البرادعى يبقى رئيس الجمهورية القادم على الاقل شاف البنى ادمين بتتعامل ازاى
لو مش معيار بالنسبالك ممكن يكون معيار لناس كتير...أعتقد من حقهم...وأكيد مش ده هيكون المعيار الوحيد وحتي لو المعيار الوحيد فدي برده حاجة ترجعلهم
عن نفسي...اذا شفت حد قريب ليا او صديق بيعمل اللي هو عمله هحتقره جدا وهتوصل للمقاطعة
قال رسول الله (ص): "لأن يطعن في رأس أحدكم بمخيط من حديد خير له من أن يمس امرأة لا تحل له"
ده ما عملهاش مع الرجالة سلم عليهم بس!!!!!!!
علمانية فجة
علي فكرة انا كنت بقول لا ومع ذلك لا أرضي ان بعد اجماع الشعب كل شوية واحد يطلع يقول الدستور اولا...امال الاستفتاء اتعمل ليه...مادام هو راجل مالوش زي كده ما كنا ناخد رايه بقي من الاول ويمشيها هو بقي من غير استفتاء ولا انتخابات ولا غيره...هو ده موضع الانتقاد
تاني حاجة مفيش مرشح رئاسة محنك يقول الكلام اللي قاله بدون تفسير زي ما حضرتك فسرت غير لما يكون مقصود...هو هيوجع دماغه ويعمل استفتاء او انتخاب لاعضاء اللجنة اللي هتعمل الدستور...اذا كان هو مش مقتنع بالاستفتاء الاولاني
وبعدين ازاي هو مقالش الدستور اولا...هو قال لما قال لا في الاستفتاء بس مقالوش واضح هنا
مهندس otefa
ممكن أختلف مع حضرتك في نقطتين:
- البرادعي مش المرشح الوحيد اللي عاداته كده..ممكن عمرو موسى و أيمن نور و ما إلى ذلك يكونوا زيه و غالبا هم كده
- للأسف في يعض من الشعب المصري شايف ان ده شئ عادي ...يعني أنا ابقى راجع من السفر و اخد بنت خالتي بالحضن ههههههه
خلينا نتفق أصلا إن الهجوم على لبرادعي من الزاوية ديه مش حجة...طب ما هو عمرو موسى ممكن يكون زيىه
فاهمني؟
يا استاذ اوتيفا يمس مش معناها يلمس
http://www.bayan-alquran.net/forums/...n/smiles/3.gif"قالت انى يكون لي غلام ولم يمسسني بشر ولم اك بغيا"
انا كمان لو سلمت على واحدة مش هبوسها لكن انا شايف معيار الكفاءة اهم وهو الاولى ان نناقشه
انا لو هنتخب البرادعى يعنى هبايعه على السمع والطاعة.... لا... لو غلط انا هراقبه وهقول انه غلطان،
على أى حال الحمد لله ان قدامنا دلقوتى اكتر من بديل كويس ممكن نختار حد منهم وربنا يقدم اللى فيه الخير
حكاية يعرف ربنا
أولا: لا يعلمها الا الله
ثانيا ليست المعيار
واتفضل الحديث ده
((يا أبا ذر! إني أراك ضعيفاً, وﺇني أحب لك ما أحب لنفسي؛ لا تَأمَّرنَّ على اثْنينِ))
ابا ذر رضى الله عنه نحسبه بيعرف ربنا ولا نزكيه ولا نزكى على الله احد
ومع ذلك الرسول نصحه الا يتولى امر المسلمين
وزى ما قولت قبل كده انا حتى الان مقتنع بالبرادعى وربنا يوفقنا للى فيه الخير وكمويس ان فى فرصة حقيقية ربنا يكرمنا وتكتمل ونقدر نختار بجد
وبعدين الدولة هتبقى اسلامية ازاى لو الناس مش مسلمين بجد، إعطاء صبغة ظاهرية للدولة لن يغير من الأمر شيئا وانا فى رايي هذا لا اطعن فى اى مرشح ونحسبهم جميعا على خير وناس أفاضل ما عدا الفلول ولاد الفلول واذناب النظام السابق وطبعا انتوا عارفينهم وانا مش طايقهم مش طايق فكرة انهم يستخفوا بينا وعايزين يترشحوا على اى حال هى دى الديمقراطية ولازم نرضى بيها
انا اللي كتبت الحديث مش اوتيفا
المعيار عندي الدين أولا وبعدين الكفاءة والسياسة وووو
شوف تفسير الحديث والرد علي حضرتك:
شرح حديث "لأن يطعن في رأس أحدكم بمخيط.." - إسلام ويب - مركز الفتوى
http://www.islamweb.net/fatwa/index.php?page=showfatwa&Option=FatwaId⟨=A&Id=3045
انا اسف ما خدتش بالى انه حضرتك ولكن ايه رايك فى الحديث ده
وفي صحيح البخاري عن أنس بن مالك رضي الله عنه قال "كانت الأمة من إماء أهل المدينة لتأخذ بيد رسول الله فتنطلق به حيث شاءت فيقضي لها حاجتها".
انا حاسس ان ده بيقوى اعتقادى فى البرادعى لانه لن ياخذ من موقعه وسيلة لفرض فهمه للدين على الاخرين ..اتمنى هذا والله أعلم
على أى حال المناقشة دى مفيدة جدا وانا شاكر لتوضيح حضرتك
مداخلتى السابقة لا تعنى ان حضرتك او من تؤيده تحاول فرض فهمك للدين على الاخرين ، ولكن تعنى ان البرادعى لن يصبغ الدولة بصبغة معينة تخضع لفهمه لعدد من الامور، وفى النهاية حرية الراى والعقيدة نتمنى ان تكون مكفولة للجميع وان يكون الرد\ على الراى بالراى
كما اتمنى ان يكون اختيار البرادعى يعنى ان احتمالات العودة للوضع القديم 0% يعنى بعد ماكنا ماشيين فى الاتجاه الغلط يدوب دلوقتى بنحط القطار فى الاتجاه السليم ولسه لم ننطلق اتمنى ان ننطلقى الاتجاه السليم هذه المرة وربنا يكتب اللى فيه الخير
انا مستغرب ان الناس بتحكم على مرشحين الرئاسة بالطريقة دى
ده موظف بيحكم فى ظل مؤسسات وليس خليفة المسلمين
على اى حال كل واحد حر فى راايه
لا متستغربش يا أبو كمال
أنت مصدق أن الفساد ألي أحنا فيه كان بسبب الدستور والقوانين ........تبقى غلطان
الفساد في البني أدمين ألي كانو ماسكين البلد ومكتفينها بأخلاقهم(علمانيين) تفتكر لو ضميرهم صاحي كانو عملو كده في البلد..........لا طبعا وهو ده مربط الفرس
وبعدين أحنا مابنقولش نجيب رجال دين يحكمونا ده مش موجود في النظام الأسلامي أساسا
ناس على قدر من الدين والعلم هو ده طلبنا
شكرا علي التوضيح...أنا لا أحاول فعلا ان افرض فهمي للدين لان انا مين اصلا عشان يعمل كده
انا بحاول اقرا عشان افهم واحلل الناس عشان اقدر احكم عقلي مين بس اكون سعيد انه بيحكم بلدي
طبعا حرية الراي والعقيدة للجميع وده يقر به الاسلام...الفكرة اننا دولة اسلامية يعني مينفعش مثلا تعمل حاجة من الثوابت انها حرام مثلا زي شرب الخمر في الشارع وتقولي حرية...بكده دي مش حرية ده تجريح للمجتمع
مش يكون المرشح بتاعي بيقبل السيدات كده عادي ويكون هو واجهتي قدام العالم لانه بيمثلني
او اي مرشح تاني يروح مثلا بلد اوروبية ويقدموله خمر ويشرب ويكون عادي
اللي عايز يعمل حاجة يعملها في بيته وساعتها هو حر والحساب عند ربه
انا المعيار عندى صاحب الكفاءة اولى يتقدم وما تنساش ان الرسول فى الهجرة لم يجد غضاضة فى الاستعانة بكافر
وبصراحة انا رايي ان رئيس الدولة موظف عام ماليش دعوة بمعتقداته وحياته الشخصية وما ينفعش احكم عليه من الزاوية دى
وبعدين لو احان دولة اسلامية ما تقلقش
لو طقيت فى دماغ حد يبيح شرب الخمر فى الشارع في مؤسسات هتناقش الكلام ده وهتمنعه لو بيتعارض مع الشرع ومع مصلحة المجتمع رئيس الجمهورية موظف عام مش هو اخر العقلاء فى البلد دى
ممكن اقول راى صادم والله اعلم وربنا يسامحنى لو غلطان
لو لاقيت مسيحي اكثر كفاءة من كل المتقدمين سوف اختاره وننعم بدولة لكل مواطنيه وزى ما قولت لو شط فى مؤسسات مش هو الامر الناهى
أسمحلي أقولك أنك مخدوع في الغرب
أقرأ التاريخ
تابع الأحداث الحالية
الغرب في أنحدار وعلى رأسهم أمريكا 14 تريليون دولار ديون ومشاكل مع صندوق النقد الدولي ورافض يقرضهم لتجاوزهم الحدود
أقتصادهم بيتعرض لأزمات عاصفة ويدرسون تطبيق النظام الأقتصادي الأسلامي في بلادهم لملاحظتهم بأنه أقل الأقتصادات ألي تضررت في الأزمة الأخيرة
الغرب أباحو الفساد في مجتمعاتهم وحضارتهم مهددة بقوة للأضمحلال والأحلال.........الأسلام متوقع يبقى دين الأغلبية ويحكم أوروبا وأمريكا في أقل من 30 سنة