الموضوع: تركيب عازل حرارى للعربية فيات تيبو

الحمد لله .انا ركبت امبارح عازل حرارى لعربيتى .وكنت عايزة اعمل الموضوع ده من فترة .
والحمد لله ربنا وفقنى واتعمل امبارح .
نوع العازل ده اسمه suntik نوع امريكى عن طريق زميلنا الاستاذ زلبانى .وبجد ربنا يبارك له ويوفقه فى الخير دايما .
من اوائل ملاحظاتى فى موضوع العازل ده واللى خلانى اصلا افكر اعمله ان وجود ودخول الشمس فى العربية من غير احساس ان الشمس بتلسعك .
واحساس بالتكييف الحمد لله عالى فى وقت الظهر .المشكلة فى التكييف عندنا عامة يبقى كويس بس قوة الشمس مش بتحسسك بقوته خاصة وقت الظهيرة .
بالاضافة الى ان الحمد لله الرؤية واضحة والعازل مش هيضايق فى حاجة خالص فى الرؤية سواء بالنهار او بالليل .
وانا ما كنتش عايزة العربية تبان انها غامقة او متفيمة علشان ما يحصلش اى مشاكل فى المرور مثلا .
لكن العربية مش هتحس خالص انها متفيمة او غامقة والحمد لله .
وبصراحة الفنى اللى عمل العربية عملها بحرفية شديدة ربنا يبارك له .
واخيرا شكرا جزيلا للاستاذ زلبانى على ذوقه الكبير .بارك الله فيه وجزاه خيرا ان شاء الله .
واليكم بعض الصور اثناء التركيب .