اقتباس:
و الله اللى انا مقتنع بيه ماحدش عرف فيكم يثنيني عنه
على العموم ياريت كل واحد عاوز يسافر يجاوب على الاسأله دى بينه و بين نفسه
انا لما اسافر هل ده فيه منفعه للبلد و لا منفعه ليا ؟؟
فيه منفعة لولادي اولا ثم منفعة ليا ثانيا ثم منفعة لمصر ثالثا
لما اقعد فى مصر هل ده فيه منفعه للبلد و لا منفعه ليا ؟؟؟
قعدت فيها 38 سنة منهم 15 سنة شغل في هيئة اجنبية داخل مصر ومعتقدش مصر استفادت مني غير يوم لما نزلت ثورة 25 يناير
انهو ابدى ... مصلحة البلد و لا مصلحتى ؟؟؟ - و لو حتجاوب بمصلحتك امال ازاى بتقول روحى فداها ؟؟
حب الوطن من الإيمان ولا يمكن أحب بلد أكتر من مصر و دائما وابدا تنمية الفرد من تنمية الجماعة , علشان كده مصلحتي و مصلحة مصر مرتبطتين , ثم اني هاجرت من دار إيمان إلى دار إيمان (من الناحية الفقهية) والعمل لمصلحة دولة إسلامية فيه الخير لكل المسلمين في كل مكان , لو مكنتش ماليزيا الدولة المسلمة ا لوحيدة ا لقوية اقتصاديا وتمتلك إرادتها مكنتش هددت بإعلان الحرب على صربيا وبسبب الإعلان ده الأمم ا لمتحدة اتدخلت وحصل الإتفاق في النهاية , يعني تقوية دولة زي ماليزيا أثبت بالدليل و البرهان انه حقن دماء مسلمين وحافظ على ما تبقى من ارضهم في قارة تانية خالص و بعيدة جدا اسمها اوروبا
هل انا عندى اسواء ظروف معيشيه فى مصر .. يعنى مافيش حد مر بالظروف بتاعتى دى و ماسفرشى ؟؟؟
لم أكن أمر بأسواء ظروف معيشية في مصر وطبعا في زيي ملايين و في أسواء مني ملايين
و السؤال الاخير - هل انتا تقبل انك تتعامل بنفس معاملتك للسودانيين اللى فى مصر ؟
أنا معترض على التقليل من شأن السودانيين , والأنسان عنصري بطبعه , إنما صدق أو لا تصدق أنت حر ,أنا كنت في مصر مواطن درجة تانية , وفي ماليزيا مواطن درجة أولى و بتمتع بحقوق غير متاحة لبعض الماليزيين أنفسهم
في إيه تاني أسئلة عندك ؟؟