عايز اهاجر لاستراليا او كندا وعايز الماشوره من اصحاب الخبره
اعمل ايه ايه الطرق والخطوات المتبعه لبدايه الطريق ده
ايه الطلبات التى من اللازم توافرها فى المهاجر
عايز اهاجر لاستراليا او كندا وعايز الماشوره من اصحاب الخبره
اعمل ايه ايه الطرق والخطوات المتبعه لبدايه الطريق ده
ايه الطلبات التى من اللازم توافرها فى المهاجر
وانا معاااااااااك ياريت اللى يعرف يقول التكلفه كلها من الف للياء
لسه كنت بتناقض مع واحد قريبى مقدم فى الموضوع دا
اللى فهمته
ان كندا افضل بسبب :عدم وجود تفرقه فى المعامله بسبب الدين او العرق
افضل مستوى تعليمى
كندا بتطلب كل 6 شهور تقريبا عدد من الوظائف عشان الهجره ليها
غالبا اطباء -بعض تخصصات الهندسه - معلمى رقص -قائدى معدات ثقيله
بيكون عندك فى البنك حوالى 20 الف دولار رصيد
بتمتحن اختبارات فى الانجلش والفرنساوى - بعد ما تنجح فيها
يعملوا استعلام (امنى) يعنى ملكش سجل جنائى او قضايا مخله بالشرف عنك فى بلدك واى بلد تانى أقمت فيه لمده 6 اشهر او أكثر
بعد كدا يعملوا كشف طبى عليك
ومبروك :d
دا اللى قدرت افهمه من حوارى القصير فى الموضوع دا
اللى فهمته كمان انك بعد ما تسافر باذن الله انك لو متزوج وعندك اولاد
لو مقدرتش تعيش هناك بترفع دعوى وينظر فيها وبيتحكم ليك انك تاخد فلوس حوالى 3000 دولار ليك و 3000 لزوجتك
وتقريبا 600 لكل طفل
والله انا نفسى كمان بس لازم يكون عندك رصيد محترم فى البنك وده مش موجود مع الاسف
وعندك كمان شهادة الايليتس فى الانجليزى وتخصص عملى يكون محتاجينه وده بيعلنوا عنه فى السفاره تقريبا
هى كندا احسن بس اصعب
واستراليا فيها ميزة انت بتعمل معادلة لتخصصك هنا وبتمتحن فى السفارة وتسافر على مؤهلك غير كندا المعادلة فيها ممكن تاخد اربع سنين
وانا كمان --- عايز امشي ---- ان كان ع الرصيد الحمد لله بس مرشد سياحي هايعمل ايه هناك؟
حد يفدني؟
وانا كماان عاوز اسيب البلد انا زهقت وطهقت من الحال بتاع البلد
عايز تعرف ايه بالظيط يا باشا ؟؟
و عايز تسافر هجرة و شغل, ولا دراسة الأول و بعدها تقدم على هجرة !!؟؟؟
و يا ريت لو انت مخلص دراسة تقوللي متخرج من انهي كلية؟؟ و اخبار الانجليزي (و/أو) الفرنساوي ايه؟؟
متابع باهتمام
السلام عليكم و رحمة الله و بركاته
هييييييييييييييييييييييه
استعنا عالشقى بالله.
بسم الله الرحمن الرحيم
أولا, أنا أعرف فى هجرة كندا لأنى مهاجر كندا, لكن استراليا, ماعرفش فيها حاجة.
هجرة كندا بتكون حالات فردية, يعنى احنا الاتنين ممكن نقدم و أنت تهاجر و أنا لأ.
التعامل بيكون مع الحكومة الكندية نفسها مش مع أى مكاتب محامين هجرة, لأنك مش عويل عشان تدخل محامى هجرة فى النص ياخد مكن 3500 دولار كندى (اضرب فى 6.2 جنيه), دول يجيبوا عربية محترمة فى كندا .
الموقع الحكومى بتاع الهجرة أهوه :
Welcome to Citizenship and Immigration Canada
و الدليل (الكتيب) ده حوالى 48 صفحة, فيه كوووووووووووول كبيرة و صغيرة عن الليلة دى هو بصيغة الPDF و اللى يستكتر الكتيب ده عشان هو 48 صفحة بالانجليزى, يبقى من الأول خليه فى مصر أم الدنيا, الكتيب ده يفضل أنك تقرأه عالكمبيوتر و أنت متصل بالنت, عشان فيه لينكات هتحتاج تفتحها و أنت بتقرأ, أنا فاكر أن أختى لما لمحتلى أنى ممكن أقدم فى الهجرة و أقبل و كنت أيامها فى السعودية و شغال فى الحكومة و ميت فل و 14, أكلت الكتيب ده بايدى و سنانى و خلصته فى يوم و تانى يوم كنت مالى الApplication و عامل الشيك بتاع رسوم التقديم و حاططهم فى الظرف و مطيره و أنا فى قمة السعادة.
http://www.cic.gc.ca/english/pdf/kits/guides/EG7.pdf
بس الأمانة تقتضى أنى أقول, أنى الشهر اللى أنا قضيته هناك السنة اللى فاتت لما كنت بعمل landing, عرفنى أن أى مجهود هتبذله عشان تروح و تبدأ حياتك تانى من الأول هناك و لو تطلب الأمر أنك تدرس كلية تاااااااااااااانى من الأول و جديد و الكلام ده شامل كووووووووووووول التخصصات بما فيهم الأطباء, فهو مجهود فى محله تماما و على رأى الكنديين, It does worth .
انا فى كلية تجارة و اللغة ان شاء الله مظبطها ينفع معايا حوار كندا ولا لا
مش عارف ليه حسيت اني مخنوق وانا بقرا في الموقع--- محدش يضحك عليا
يا جماعة بجد انا مش طايق نفسي
من زمان جدااااااااا وانا عايز اروح كندا
ونفسي ادرس هناك
وبعد ما حبيب قلبي ((5800)) اتسرق منى قرفت اوى من البلد ونفسي امشى منها باى حال
انا اولى تجارة انجلش
ومستوى الانجلش بتاعى كويس وممكن اطوره اكتر عن طريق الكورسات
بس ايه اخبار التكلفة كاملة انا بتكلم بجد
وشكرا على الموضوع
السلام عليكم و رحمة الله و بركاته
يا باشا, محدش يقدر يضحك عليك و لا حاجة, بس أنت حظك أفضل من ناس كتير,’ أنت عالأقل اتخنقت و أنت بتقرأ الموضوع ده , لكن أنا كنت مخنوق على طول.
كل حاجة عن الهجرة بتاع كندا مكتوبة فى الكتيب ده و على فكرة, ده الكتيب الرسمى بتاع وزارة الهجرة و الجنسية الكندية, يعنى تاخد الكلام اللى فيه ككلام مصدق أكتر من أى مصدر تانى و أنا متأكد أن اللى هيكلف نفسه و يقرأ الكتيب ده مش هيحتاج يسأل عن أى حاجة فى الهجرة .
اللستة بتاع الوظايف اللى هما عاوزينها فى خلال ال12 شهر اللى جايين هى :
0631 Restaurant and Food Service Managers
0811 Primary Production Managers (Except Agriculture)
1122 Professional Occupations in Business Services to Management
1233 Insurance Adjusters and Claims Examiners
2121 Biologists and Related Scientists
2151 Architects
3111 Specialist Physicians
3112 General Practitioners and Family Physicians
3113 Dentists
3131 Pharmacists
3142 Physiotherapists
3152 Registered Nurses
3215 Medical Radiation Technologists
3222 Dental Hygienists & Dental Therapists
3233 Licensed Practical Nurses
4151 Psychologists
4152 Social Workers
6241 Chefs
6242 Cooks
7215 Contractors and Supervisors, Carpentry Trades
7216 Contractors and Supervisors, Mechanic Trades
7241 Electricians (Except Industrial & Power System)
7242 Industrial Electricians
7251 Plumbers
7265 Welders & Related Machine Operators
7312 Heavy-Duty Equipment Mechanics
7371 Crane Operators
7372 Drillers & Blasters - Surface Mining, Quarrying & Construction
8222 Supervisors, Oil and Gas Drilling and Service
أنا مش عارف الدراسة هناك نظامها ايه, بس أنا متهيألى أنه ممكن يكون صعب أن تلاقى جامعة كندية تقبل بطالب من دول العالم التالت كطالب هناك الا اذا كان فيه مواصفات خارقة, و غير كده, الصعوبة فى التأشيرة من السفارة, يعنى الموضوع شائك شوية.
شكرا لتشجيع حضرتك
للاسف كدا كدا مش هينفع ادرس هناك عشان بابا وماما رافضين الفكرة تماما مش بسبب الفلوس
الحمد لله الموضوع ده كويس جدا بس المشكلة ماما تقولى الغربة وحشة وبابا يقولى صعب يقبلوك هناك
ان شاء الله اخلص دراسة وانا بحب شغل ال management جداااا
وافكر فى حكاية السفر والشغل
متشكر ليك جداا
كل واحد بيسأل عن الهجرة لكندا و كمان للي ماشي في موضوع الهجرة لكندا أو على وشك الأنتهاء منها يقدر يتفضل و يطلَع على الموضوع اللي في الرابط التالي (……۞ موسوعــة السفـر الى كنــــــدا معلومـــات شاملــــة استفسارات السفر ۞……۞), بجد هتستفيد بس اقرأ الموضوع بتأني و صبر, هتلاقي اجابة على كل سؤال في ذهنك.
http://dvd4arab.maktoob.com/showthread.php?t=1976542
هو إيه الفرق بين الهجرة و السفر للعمل؟؟؟؟؟؟؟؟؟؟؟
اشمعنى كندا واستراليا بالذات ؟
MASERATI جاااااااااااااب من الآخر... كلامه سليم, و فعلاً اوعى تستعين بمحامي و الكلام ده مهما حصل...
تقدر و بكل بساطه, لكن بشوية مجهود تعمل الفايل بتاعك و تقدمه عاااااااااادي جداااا, و ان شاء الله يتقبل,
و ماتستعجلش لان الموضوع ممكن ياخد سنتين, او 3 سنين مثلاً... و بعض ناس خدت الموافقه بعد 4 و 5 سنين (بعض)
المهم ان الوظيفة بتاعتك طبقاً للتعديل الجديد اللي عملوه من شهر 6-2010 تكون موجوده في ليستة
الوظائف اللي بينزلوها كل سنة... و في بعض الحاجات اللي تقدر تجمع بيها نقط قدر المستطاع,
و طبعاً انت لازم تجمع 67 نقطة على الأقل, علشان الملف بتاعك يت النظر فيه لو مستوفي كل الاوراق...
مثلاً, لو متجوز تاخد نقط زيادة عن الأعزب, عندك حد من قرايبك هناك, معاك ماجيستير او دكتوراه, عدد سنين الخبرة,
سافرت كندا قبل كده, درست هناك, بتتكلم اللغتتين الاساسيتين (انجليزي و فرنساوي) و درجة اتقانك ليهم... كده
لازم تعرف وظيفتك مطلوبة اكتر فين بالظبط, و تدرس كندا مقاطعة مقاطعة, و تعرف كل حاجه عنهم,
من الجو للاجور لامكانية العمل في مجالك لحجم الجالية المصرية (كتييير في كندا عموماً على فكره), للمواصلات,
للضرائب, للاسعار, لامكانية معادلة شهادتك لو هتشتغل شغل Regulated اذا كان نوع وظيفتك بيتطلب كده... و هكذا
المهم اللي عايز يسافر يعرف هو عايز ايه بالظيط و هدفه ايه, و يعرف هو موقفه ايه من طلبات الهجره
و يقدر يدعم نفسه علشان يكون Qualified و يجيب الحد الادنى للنقاط المطلوبة او اعلى...
أنا عايش في كندا و معايا الجنسية الكندية يا باشا لو إنت عاوز تسأل في حاجة
اللغة الرسمية الإنجليزية
بدل مهاجر البرازيل مثلا واتعلم برتغالي
معظم الشعوب اللي كانت محتلة من انجلترا بتطلع على دول زي دول
زي ماتونس والمغرب الجزاير ولبنان بيهاجروا فرنسا
كمان أنهي دول بالضبط اللي حتضمهم في نصف دول العالم اللي حضرتك بتتكلم عليهم
ابورقية بيتكلم على الاستثمار في الدول دي, و بالتالي الاستثمار يعتبر صعب جداا لان السوق تقريباً مقفول
و القيود اللي عليه تكاد تكون تعجيزية إلا إذا كنت مليونير جاهز و ساعتها بردو مش هتفكر تستثمر في البلاد دي...
كندا بتعتمد بشكل اساسي جدااا على التصدير لسوق امريكا, و على الضرائب و ده اساس الاقتصاد الكندي اصلاً,
و بالتالي كندا (كالعادة) مرتبطة بامريكا و اقتصادها بشكل كلي و يعتبر هو المؤشر العام لمستوى الاقتصاد الكندي...
في دول افضل كتيييير من حيث الاستثمار, و بتشجعه جداا و بتسهل الامور عليك كمستثمر مهما كانت امكانياتك...
لكن كندا و استراليا يعتبروا دول تعيش فيها كما لو انها بلدك الأم, و تشتغل عادي و تمارس حياتك
بشكل طبيعي لكن ماتفكرش في الاستثمار لان مش اي حد يقدر يستثمر في اسواق كندا و امريكا و اظن استراليا...
اظن دي وجهة نظر خالد بك ابورقية :))
بالظبط يا باشمهندس غازي كل اللي قلته صح
اضف الى ذلك ان الضريبة في كندا تصاعدية يعني عمرك ما حتتغنى رجال اعمال بتوصل الضريبة عليهم ل65% هو في كده ؟
كندا واستراليا بلاد تعيش فيها كويس بس عمرك ما حتكبر ماديا
اعرف واحد في السويد بيشتغل كل شهر لحد مت يعمل مبلغ معين وبعدين يوقف شغل علشان ما يدخلش في شريحة ضرايب اكبر فيخسر مايكسبش بألرغم من ان دخله زاد
ولي صديق معاه الجنسية الاسترالي وحاليا شغال في السعودية علشان يعمل فلوس! !
الدولتين دول ما فيهومش شريحة تحت خط الفقر انت شايف ان دي حاجة كويسة ؟
لا طبعا الحياة ماتكشيش من غير طبقة بسيطة بتقدم خدمات بسعر بسيط هو عربيتك لما تبوظ بتوديها التوكيل والا الميكانيكي لو كنت ماشفر؟
ليا صديق رحمة الله عليه كان عنده هاوس في هولندا مرة في عاصفة شجرة وقعت على السقف دمرت ربع البيت دفع دم قلبه واللي عمله في سنين علشان يصلح البيت علشان مفيش بنا على قد حاله ولا نقاش ولا سباك كلها كيانات كبيرة حتمص دمك
احنا في مصر شوية بنحب نقلد بعض انما بص على العالم فيه اماكن كتير احسن في نواحي كتير
السلام عليكم و رحمة الله و بركاته
يا أستاذ عمرو ابراهيم, أنا كان ليا سؤال و أنا آسف جدا لو كان تدخل فى خصوصياتك, سيادتك كاتب (No car ), هو سيادتك ما اشتريتش عربية فى كندا, أصل كندا من ضمن مزاياها هى و دول العالم المتقدم, أن الواحد يركب فيها عربيات عمره ماهيقدر يركبها فى مصر, يا سلام كده عالPorsche Cayenne ب20000 دولار ولا Cadillac STS ب 12000 دولار و لا BMW 750 ب22000 دولار, حاجات تشرح القلب الحزين, ده أنا من ضمن أسبابى أنى أهاجر, أنى أركب عربيات لما أقول يابس و من ضمن أسباب أنى مافكرتش أهاجر استراليا -غير أنهم عنصريين للملونين- أن الدركسيون عندهم عاليمين, يعنى تبقى العربية بتراب الفلوس و ماقدرش أسوقها عشان الدركسيون عاليمين, حاجة تنرفز الصراحة.
السلام عليكم و رحمة الله و بركاته
كلام سيادتك سليم 100 فى ال100, بارك الله فيك.
أنا بس كنت عاوز أعلق على نقطتين:
أن فعلا زمان كانت الملفات بتاع الهجرة بتاخد بال3 و 5 سنين و ممكن 7 لو كنت مقدم فى الهند مثلا, الكلام ده كان قبل 28-2-2008 أيام ماكانوا بياخدوا أى حد مكمل ال67 نقطة بصرف النظر عن وظيفته ايه, لكن كل اللى قدموا بعد 28-2-2008 زى حالاتى اتطبق عليهم قانون جديد و التزموا معاهم بلستة وظايف كان فيها بتاع 37 وظيفة و أصبحوا بياخدوا اللى فى لستة الوظايف اللى هما عاملينها و أصبح الموضوع بياخد مابين ال12 الى 18 شهر لو مالكش ورق اتعطل فى البريد زى ماكان بيحصل معايا و أنا كنت مقدم من السعودية على مكتب الهجرة و الجنسية الكندية اللى فى لندن, كان الجواب ييجى من لندن للسعودية فى 5 أيام و يقعد يلف جوه السعودية بتاع شهر, التقديم كله دلوقتى على عنوان موحد فى كندا (الحمد لله).
هما جم فى 6-2010 و عملوا لستة وظايف جديدة تشتغل لحد 6-2011 اللى فات (مدة 12 شهر) و جم فى 7-2011 الجارى و عملوا اللستة اللى سارية دلوقتى بدأت من شهر 7 -2011الجارى الى شهر 7 -2012 و هى لستة الوظايف -اللى أنا كتبتها قبل كده فى مشاركة فاتت- و ده فيها للأسف 29 وظيفة بس و مش هايخدوا فيها كوووووووووولها الا 10000 واحد فقط من كووووووول المتقدمين من جميع أنحاء العالم و مش هيزيد فى أى وظيفة منهم عن 500 متقدم, يعنى مع الوقت, الموضوع بيزداد ضيقا و اللى ناوى على الليلة دى, ياريت يلحق و يقدم.
على فكرة, كلمة واحد دى, ممكن يكون معناها, شخص واحد فقط أعزب زى حالاتى و ممكن يكون شخص متزوج و عنده أطفال كتير, فى الحالتين بيتقال عليهم one applicant لأن سواء كده أو كده, بيكون فيه ملف واحد فى ادارة الهجرة سواء لده أو لدول.
جزاكم الله كل خير و بالتوفيق ان شاء الله.
يا سلام بقى لو تقدم على الجنسية فى أى دولة أوربية أو كندا أو أستراليا و تاخدها و بعد كده تدور على شغل فى الخليج :)
هتاخد من ضعفين ل 3 أضعاف مرتبك و أنت بالجنسية المصرية أو أى جنسية عربية لنفس الوظيفة.
أعتقد الفرق في المرتب بيكون عشان الجامعة اللي اتاخد منها الشهادة سواء (BA, BSc, MA, MSc, PhD) جامعة في بلد غربية مشهود ليها بالامتياز ولخريجيها بالكفاءة، الجنسية نفسها ليس لها علاقة بالموضوع
ولا أنا عندي فكرة كويسة زيادة عن اللزوم عن الخلايجة؟!
ومشاركة حضرتك فكرتني بحاجة: ممكن تاخد الشهادة من هناك، يعني كندا أو غيرها، وبعدها تختار تدور على شغل هناك بشهادتك اللي من عندهم وبرضه تقدم على هجرة أو تختار تروح الخليج وتشتغل بمرتب عالي
يعني أنهي دول حتضيفهم في لستة دول العالم المتقدمة النظيفة
أنا بصراحة شايف إنهم لا يزيدوا على كام دولة حضرتك شايف انهم دول كتير
كمان بالنسبة لردك الأخير معلش كنت بتكلم على الهجرة مش على الإستثمار عشان الموضوع عن الهجرة
وايا كان ناس كتيرة متفرقش معاها التحويش لو عايشة في دولة محترمة لو عايشة كويس
فـبالنسبة للهجرة أو المعيشة في دولة أخرى لغرض الحياه هناك مفيش طبعا أحسن من الدول زي ما قلت اللي حتعرف تتعامل مع الناس فيها..نفس اللغة
يعني بما إن الشعب المصري كله زي ماقلنا بيدرس انجليزي طول عمره أسهل حاجة يروح دولة زي
انجلترا امريكا كندا أو أستراليا إلخ...
مش موضوع انهم بيقلدوا بعض
لأ أسمحلى..........أنت واخد فكرة كويسة زيادة عن اللزوم :)
يعنى لو أنت بشهادتك بجنسيتك رحت تقدم على شغل و أتوافق عليك بيكون مرتبك على سبيل المثال 10 ألاف فى الشهر
لو أنت برضه مش حد تانى بنفس الشهادة....و معاك جنسية أنجليزية و قدمت على أساس أنك مواطن إنجليزى و أتوافق عليك هيكون مرتبك من 20 و أنت طالع.
و لو كنت هندى أو باكستانى هتلاقى شغل بالعبيط بسبب الإستعمار اللى هنا :ma:
مين يقول أنى أدخل إدارة IT فى بنك من أكبر البنوك فى بلد عربى.....و أحس أنى فى الهند ؟؟؟؟
اللهم إلا واحد مواطن صغير فى السن و متعين بنسبة 99% بسبب قوانين التوطين اللى معظم الدول الخليجية بتتبعها دلوقتى.
الوظايف هنا مرتباتها حسب الجنسية :)
هندى باكستانى.....مرتبات قليلة ( بس بالنسبة لهم مع فرق العملة مرتبات عالية )
عرب مرتبات معتدلة.........ما عدا اللبنانيين...مرتبات أعلى شوية
أجانب أو مواطنين مرتبات خيالية.
إلا طبعاً فى بعض الحالات الشاذة.
و عذراً لصاحب الموضوع على الخروج عن هدف الموضوع............بس الواحد مبقوق :)
و فى الأخر هى أرزاق.
اللي عاوز يهاجر او يعرف معلومات وتجارب عن الهجرة وخاصة كندا
ممكن يشوف الموقع ده
http://www.egyptiantalks.org
ده منتدي محاورات المصريين وفيه اقسام مخصوصة للهجرة وفيه اعضاء من نايل موتورز موجودين هناك
بالتوفيق للي مهاجر والتوفيق للي لازق زي حالاتي
ما هي دي المشكلة
المشكلة ان اللي في مصر وعاوز يعيش في بلد تانية ما يعرفش غير حاجة من تلاتة
1- ياخد فيزا سياحة ويروح البلد يحاول يظبط اوضاعه سواء جواز او دراسة او شغل
1- يجيله عقد عمل زي نظام الخليج
3- يعمل هجرة
وهنا في مصر منعرفش الطريق الرابع وهو الاسهل والارخص وانجح والجامع لكل المزايا
وهي فيزا المستثمر
دي بتديك اقامة دايمة في الدولة اللي انت عاوزها معزز مكرم من غير ولا مليم وفي اسرع وقت
والاقامة بتجيلك لحد عندك في البيت في مصر زي دول امريكا اللاتينية او بتاخدها في المطار زي الولايات المتحدة واعتقد وكندا
وكل دولة بتطلب رقم معين يكون في حسابك علشان تاخد فيزا المستثمر من اول اربعين الف زي كوستاريكا لحد مليون يورو زي الاتحاد الوروبي وخمسة مليون دولار زي سنغافورة و800 الف كندا مليون ونص استراليا ونيوزيلاندا
العيشة النضيفة اللي بتقول عليها في كندا واستراليا واوروبا بس موجوده في كتير من دول العالم بس احنا مش شايفين غير دول
الاوروبيين نفسهم بيفتحوا بقهم من النضافة والنظأم والحضارة عندي هنا في ماليزيا وسنغافورة وهونج كونك ودبي وسول
المهم بقه انت لو حترح كندا حتعرف تعيش الحياة اللي في دماغك وبعد قد ايه وحتدفع كام ؟
لو الحلم الامريكي اللي هو هاوس وعربيتين ومكتب واستثمار انت عاوز ملايين
لو في اسيا عاوز بتاع مليون
لو في امريكا الاتينية عاوز اقل من مليون لو في افريقيا عاوز اقل من ميت الف
مش مهم النضافة فين المهم حياتي انا في الدولة اللي رايحها والا حسيب مصر ليه لو حعيش نفس اللايف ستايل؟
يعني لو قلتلك ان بميت الف دولا في امريكا مش حتعرف تجيب استوديو في منطقة زنوج فبنفس المبلغ تقدر في البرازيل تجيب مزرعة فاكهة مثمر وليها جانب على المحيط وفيها هاوس وعندك جيش من العمال
بالله عليك تهاجر امريكا والا البرازيل لو راس مالك 100 دولار يعني 600الف مصري يعني تمن شقتك وعربيتك في مصر
وبنفس المبلغ ده ممكن تفتح شركة في تايلند واقامة مدى الحياة وتعيش سلطان زمانك وتجيب العربية اللي نفسك فيها واحسن من امريكا بالرغم من ان امريكا ارخص عربيات مستعملة في العالم انما حتدفع الفرق بنزين غالي نار ومخالفات غالية بينما هنا في اسيا مفيش الكلام ده
لو حد بيفكر يهاجر اسيا او جنوب افريقيا او البرازيل يقولي وحثبتله انها اسهل وحتعيش حياة ميحلمش بيها المواطن الكندي نفسه مش المهاجر ، والدليل كمية الانجليز المهاجرين لماليزيا بينما مفيش ماليزي بيهاجر ابدا
تفتكر يبقى اللايف استايل في ماليزيا احسن واللا انجلترا؟
ماليزيا أحسن
وتبت إلى الله يا حاج خالد ...خلاص حرّمت هههههههههه
بس فيه مشكلتين في موضوع فيزا المستثمر:
١. منين أجيب ٦٠٠ ألف جنيه مصري؟
٢. منين أجيب خبرة في البيزنس عشان فلوسي ماتروحش؟
كام واحد نفسه يهاجر معاه الفلوس دي كلها؟ وكام من اللي معاهم يقبل يخاطر بيها في بلد عمره ما شافها؟
يارب كلامي مايكونش تقيل عليك بس هي دي الحقيقة