عايز اهاجر لاستراليا او كندا وعايز الماشوره من اصحاب الخبره

**Ahmed Selim** · 20-07-2011 01:13 PM

يا سلام بقى لو تقدم على الجنسية فى أى دولة أوربية أو كندا أو أستراليا و تاخدها و بعد كده تدور على شغل فى الخليج :)

هتاخد من ضعفين ل 3 أضعاف مرتبك و أنت بالجنسية المصرية أو أى جنسية عربية لنفس الوظيفة.

**رزق** · 20-07-2011 01:55 PM

المشاركة الأصلية كتبت بواسطة رزق

ظني عشان دول نظيفة ومتقدمة والهجرة فيهم مفتوحة كتيير عن اوروبا

المشاركة الأصلية كتبت بواسطة abou_ruqi

دي حاجات موجودة في نص دول العالم
لكن هل في فرص استثمار مثلا موجودة في الدولتين دول ؟

المشاركة الأصلية كتبت بواسطة رزق

كمان أنهي دول بالضبط اللي حتضمهم في نصف دول العالم اللي حضرتك بتتكلم عليهم

المشاركة الأصلية كتبت بواسطة abou_ruqi

يعني ايه حتضمهم؟

يعني أنهي دول حتضيفهم في لستة دول العالم المتقدمة النظيفة
أنا بصراحة شايف إنهم لا يزيدوا على كام دولة حضرتك شايف انهم دول كتير

كمان بالنسبة لردك الأخير معلش كنت بتكلم على الهجرة مش على الإستثمار عشان الموضوع عن الهجرة
وايا كان ناس كتيرة متفرقش معاها التحويش لو عايشة في دولة محترمة لو عايشة كويس

فـبالنسبة للهجرة أو المعيشة في دولة أخرى لغرض الحياه هناك مفيش طبعا أحسن من الدول زي ما قلت اللي حتعرف تتعامل مع الناس فيها..نفس اللغة
يعني بما إن الشعب المصري كله زي ماقلنا بيدرس انجليزي طول عمره أسهل حاجة يروح دولة زي
انجلترا امريكا كندا أو أستراليا إلخ...
مش موضوع انهم بيقلدوا بعض

**amribrahim** · 20-07-2011 02:06 PM

المشاركة الأصلية كتبت بواسطة maserati

السلام عليكم و رحمة الله و بركاته

يا أستاذ عمرو ابراهيم, أنا كان ليا سؤال و أنا آسف جدا لو كان تدخل فى خصوصياتك, سيادتك كاتب (no car ), هو سيادتك ما اشتريتش عربية فى كندا, أصل كندا من ضمن مزاياها هى و دول العالم المتقدم, أن الواحد يركب فيها عربيات عمره ماهيقدر يركبها فى مصر, يا سلام كده عالporsche cayenne ب20000 دولار ولا cadillac sts ب 12000 دولار و لا bmw 750 ب22000 دولار, حاجات تشرح القلب الحزين, ده أنا من ضمن أسبابى أنى أهاجر, أنى أركب عربيات لما أقول يابس و من ضمن أسباب أنى مافكرتش أهاجر استراليا -غير أنهم عنصريين للملونين- أن الدركسيون عندهم عاليمين, يعنى تبقى العربية بتراب الفلوس و ماقدرش أسوقها عشان الدركسيون عاليمين, حاجة تنرفز الصراحة.

باشا إيه الأسعار ديه الكاديلاك مش ب-12 ديه بحوالي 50,000 و بورش مش أقل من 60 مش أوي كدة يعني الكروز مثلاً من 16 لغاية 24

**Ahmed Selim** · 20-07-2011 02:20 PM

المشاركة الأصلية كتبت بواسطة Honda4ever

أعتقد الفرق في المرتب بيكون عشان الجامعة اللي اتاخد منها الشهادة سواء (BA, BSc, MA, MSc, PhD) جامعة في بلد غربية مشهود ليها بالامتياز ولخريجيها بالكفاءة، الجنسية نفسها ليس لها علاقة بالموضوع
ولا أنا عندي فكرة كويسة زيادة عن اللزوم عن الخلايجة؟!

ومشاركة حضرتك فكرتني بحاجة: ممكن تاخد الشهادة من هناك، يعني كندا أو غيرها، وبعدها تختار تدور على شغل هناك بشهادتك اللي من عندهم وبرضه تقدم على هجرة أو تختار تروح الخليج وتشتغل بمرتب عالي

لأ أسمحلى..........أنت واخد فكرة كويسة زيادة عن اللزوم :)

يعنى لو أنت بشهادتك بجنسيتك رحت تقدم على شغل و أتوافق عليك بيكون مرتبك على سبيل المثال 10 ألاف فى الشهر
لو أنت برضه مش حد تانى بنفس الشهادة....و معاك جنسية أنجليزية و قدمت على أساس أنك مواطن إنجليزى و أتوافق عليك هيكون مرتبك من 20 و أنت طالع.

و لو كنت هندى أو باكستانى هتلاقى شغل بالعبيط بسبب الإستعمار اللى هنا

مين يقول أنى أدخل إدارة IT فى بنك من أكبر البنوك فى بلد عربى.....و أحس أنى فى الهند ؟؟؟؟

اللهم إلا واحد مواطن صغير فى السن و متعين بنسبة 99% بسبب قوانين التوطين اللى معظم الدول الخليجية بتتبعها دلوقتى.

الوظايف هنا مرتباتها حسب الجنسية :)

هندى باكستانى.....مرتبات قليلة ( بس بالنسبة لهم مع فرق العملة مرتبات عالية )
عرب مرتبات معتدلة.........ما عدا اللبنانيين...مرتبات أعلى شوية
أجانب أو مواطنين مرتبات خيالية.

إلا طبعاً فى بعض الحالات الشاذة.

و عذراً لصاحب الموضوع على الخروج عن هدف الموضوع............بس الواحد مبقوق :)

و فى الأخر هى أرزاق.

**aif** · 20-07-2011 03:18 PM

اللي عاوز يهاجر او يعرف معلومات وتجارب عن الهجرة وخاصة كندا
ممكن يشوف الموقع ده

http://www.egyptiantalks.org

ده منتدي محاورات المصريين وفيه اقسام مخصوصة للهجرة وفيه اعضاء من نايل موتورز موجودين هناك
بالتوفيق للي مهاجر والتوفيق للي لازق زي حالاتي

**Khaled Online** · 20-07-2011 04:54 PM

المشاركة الأصلية كتبت بواسطة abou_ruqi

ما هي دي المشكلة
المشكلة ان اللي في مصر وعاوز يعيش في بلد تانية ما يعرفش غير حاجة من تلاتة

1- ياخد فيزا سياحة ويروح البلد يحاول يظبط اوضاعه سواء جواز او دراسة او شغل
1- يجيله عقد عمل زي نظام الخليج
3- يعمل هجرة

وهنا في مصر منعرفش الطريق الرابع وهو الاسهل والارخص وانجح والجامع لكل المزايا
وهي فيزا المستثمر
دي بتديك اقامة دايمة في الدولة اللي انت عاوزها معزز مكرم من غير ولا مليم وفي اسرع وقت
والاقامة بتجيلك لحد عندك في البيت في مصر زي دول امريكا اللاتينية او بتاخدها في المطار زي الولايات المتحدة واعتقد وكندا

وكل دولة بتطلب رقم معين يكون في حسابك علشان تاخد فيزا المستثمر من اول اربعين الف زي كوستاريكا لحد مليون يورو زي الاتحاد الوروبي وخمسة مليون دولار زي سنغافورة و800 الف كندا مليون ونص استراليا ونيوزيلاندا

العيشة النضيفة اللي بتقول عليها في كندا واستراليا واوروبا بس موجوده في كتير من دول العالم بس احنا مش شايفين غير دول
الاوروبيين نفسهم بيفتحوا بقهم من النضافة والنظأم والحضارة عندي هنا في ماليزيا وسنغافورة وهونج كونك ودبي وسول

لو حد بيفكر يهاجر اسيا او جنوب افريقيا او البرازيل يقولي وحثبتله انها اسهل وحتعيش حياة ميحلمش بيها المواطن الكندي نفسه مش المهاجر ،

تفتكر يبقى اللايف استايل في ماليزيا احسن واللا انجلترا؟

ماليزيا أحسن
وتبت إلى الله يا حاج خالد ...خلاص حرّمت هههههههههه

بس فيه مشكلتين في موضوع فيزا المستثمر:
١. منين أجيب ٦٠٠ ألف جنيه مصري؟
٢. منين أجيب خبرة في البيزنس عشان فلوسي ماتروحش؟

كام واحد نفسه يهاجر معاه الفلوس دي كلها؟ وكام من اللي معاهم يقبل يخاطر بيها في بلد عمره ما شافها؟
يارب كلامي مايكونش تقيل عليك بس هي دي الحقيقة

**abou_ruqi** · 20-07-2011 04:59 PM

المشاركة الأصلية كتبت بواسطة honda4ever

ماليزيا أحسن
وتبت إلى الله يا حاج خالد ...خلاص حرّمت هههههههههه

بس فيه مشكلتين في موضوع فيزا المستثمر:
١. منين أجيب ٦٠٠ ألف جنيه مصري؟
٢. منين أجيب خبرة في البيزنس عشان فلوسي ماتروحش؟

كام واحد نفسه يهاجر معاه الفلوس دي كلها؟ وكام من اللي معاهم يقبل يخاطر بيها في بلد عمره ما شافها؟
يارب كلامي مايكونش تقيل عليك بس هي دي الحقيقة

والله العظيم ما قصدي اطلع ماليزيا احسن
انا قصدي ان ارض الله واسعة مش كندا و استراليا بس مضيقهاش على نفسك و دور كويس
ولو لقيت كندا احسن باكيدج , اتكل على الله ودوس

-

-

الموضوع: عايز اهاجر لاستراليا او كندا وعايز الماشوره من اصحاب الخبره

LinkBack

أدوات الموضوع

عرض

-

-

-

-

-

المواضيع المتشابهه

خلااااااص...جبت اخري عايز اهاجر

الى اصحاب الخبره

انا عايز اهاجر

خــــــــــــلأاص زهقت وعايز اهاجر هلم هدومي سلام سلام :@

عايز اشتري نيو سيراتو خليجي اطلب الماشوره

الكلمات الدلالية لهذا الموضوع

المفضلات

المفضلات

ضوابط المشاركة