عايز اهاجر لاستراليا او كندا وعايز الماشوره من اصحاب الخبره

**shaddadfalcon1** · 20-07-2011 09:45 PM

المشاركة الأصلية كتبت بواسطة ghazy12

اللي يسافر دول زي كندا او استراليا او نيوزيلاندا او انجلترا او امريكا... مايفكرش انه يحوش إلا الطبيعي !!!

يعني كانك في مصر عادي, و بتحوش مثلاً مبلغ بسيط من مرتبك, لان الباقي كله رايح مصاريف على بيتك و حياتك...

و ده اللي كنت بقوله في المشاركة اللي فاتت... تهاجر الدول دي, يبقى تتعامل معاها كما لو انها بلدك الأم,
و هو ده مفهوم الهجرة الحقيقي, لانك بتهاجر مش علشان ترجع تاني, و إلا ماكونش هاجرت من الاساس !!!

عايز تعيش حياة نظيفة و راقية و تعلم ولادك احسن تعليم و ليك حقوق و صلاحيات ابناء البلد كااااملة,
زي التأمين الصحي, و التعليم المجاني على اعلى مستوى, لكن تنسى تحوش مبالغ كبيره... كندا استراليا و هكذا

عايز بس تحوش فلوس كتير و تكون في بلد نظيفة بردو بس مالكش فيها اي حقوق غير الهواء اللي بتتنفسه... الخليــج

و بالمناسبة... في كندا تحديداً... مافيش حد هيضايقك لاي سبب سواء دينك او شكلك او اسمك او غيره اطلاقاً
و بردو فيها جوامع, و الجالية المصرية هناااك ما شاء الله كبيييييرة جداااااااا و المسلمين في كندا كتييير بردو...

ده رأي الشخصي المتواضع... تحيــاتي للجميـع

انا قعدت 3 اسابيع في تورنتو وبصراحه حبيتها جدا بس موضوع الجوامع ده كان قليل جدا يعني تروحه بالعربيه ومشوار محترم

**shaddadfalcon1** · 20-07-2011 09:47 PM

المشاركة الأصلية كتبت بواسطة abou_ruqi

انت دلوقتي حطيت رجلك على اول سلمة في سلم الهجرة بتاعي، اهلا بيك كمان 12 شهر في اسيا

لاان شاء الله عمري مااهاجر واسيب اهلي ولو سافتر يبقي سنتين بالكتيير اعملي قرشين ده لو معرفتش اعملهم في بلدي

انا ولادي خلاص 3 سنين وكلها سنه ولا اتنين وهدخل في حضانات ومدارس يعني لازم استقرار ومش ناوي اربيهم بره مصر وبعيد عن اهلهم

SS · 20-07-2011 10:43 PM

المشاركة الأصلية كتبت بواسطة abou_ruqi

ما هي دي المشكلة

لو حد بيفكر يهاجر اسيا او جنوب افريقيا او البرازيل يقولي وحثبتله انها اسهل وحتعيش حياة ميحلمش بيها المواطن الكندي نفسه مش المهاجر ، والدليل كمية الانجليز المهاجرين لماليزيا بينما مفيش ماليزي بيهاجر ابدا

تفتكر يبقى اللايف استايل في ماليزيا احسن واللا انجلترا؟

طيب ما تعمل يا باشا موضوع منفصل..... و لو حتى بشكل مختصر او حتى تقول الخطوط العريضة ...و تكسب فينا ثواب

**MASERATI** · 20-07-2011 10:58 PM

المشاركة الأصلية كتبت بواسطة amribrahim

باشا إيه الأسعار ديه الكاديلاك مش ب-12 ديه بحوالي 50,000 و بورش مش أقل من 60 مش أوي كدة يعني الكروز مثلاً من 16 لغاية 24

السلام عليكم و رحمة الله و بركاته

أكيد سيادتك بتتكلم عالزيرو, أنا قصدى المستعمل طبعا لأن العربيات و بالذات الفاخرة بتنزل كتير فى السعر بعد الاستعمال.

و ممكن تجيبها من أميركا مستعملة بس تدفع ضرايب عشان تدخلها كندا (17% + 1000 دولار) للعربية الغير أميركية الصنع أو (11%+1000 دولار) للعربية الأميركية الصنع, ألا لو الMAZDA 6 أمريكية الصنع, تتعامل معاملة العربية الأميركية و لا الغير أميركية, أصل التكت بتاعها بيكون مكتوب عليه Made in USA.

و طبعا سيادتك عارف الموقع المحترم بتاع العربيات المستعملة بتاع أميركا WWW.AUTOTRADER.COM

و كمان فيه موقع محترم أوى اسمه WWW.AUCTIONEXPORT.COM, ده مزاد فيه العربيات بتتباع أرخص من السوق بتاع 25% و مسموح لها تترخص فى كندا, بس لازم يكون معاك Used cars dealer licence عشان تقدر تخش المزاد ده, أنا ناوى أذاكرها و أمتحنها و آخد الLicence ان شاء الله.

لكن, الزيرو, أنا لا أفكر فيه اطلااااااااااااااااقا, ممكن لما ربنا يفتح عليا أوى, أفكر فى Certified pre-owned car, لكن جديد زيرو !!!!, لاااااااااااااااااا.

بس أما أجيلك -ان شاء الله- يا كندا.

**eng/muhamad** · 20-07-2011 11:07 PM

فى دبى ممكن تاخد رخصة منطقة حرة بحوالى 70 ألف جم بس المشكلة هتروح تعمل أيه ؟؟؟؟؟

ده انت وقعتلى من السماء
انا بحب البيزنس جدا و عندى مشاريع و افكار كتير فى دماغى
و بقرا كتير فى مجال اداره المشروعات
انا مهندس بس نفسى اشتغل فى البيزنس بس مش عاوز اشتغل فى مصر جو الروتين و الرشاوى و الحاجات دى بيخنقنى و كمان السوق بعد الثوره مفيش حد يعرف له اول من اخر
ياريت حضرتك تقولى تفاصل رخصة المنطقه الحره دى
يعنى باخد اقامه و بيكون من حقى ايه و مش من حقى ايه ياريت كل التفاصيل

**amribrahim** · 20-07-2011 11:28 PM

نسيت أقول حاجة هجرة حاجة و سفر للخليج حاجة تانية خالص ... ماينفعش حد يخلط الاتنين ببعض .. عاوز تعمل فلوس خليج عاوز حياه و لايف ستايل أحسن و كدة يبقى أمريكا أو كندا .. طبعاً العلاج و التعليم و كل المميزات ديه كلها ليها تمن .. يعني أنا عارف ناس في سعودية مبلطين بالبلدي عشان الفلوس و التحويش بس عيالهم داخلين مدارس أهلية يعني مش لغات كمان .. لكن في كندا إنت تعلم ولادك ببلاش و اسمو خريج كندا ديه لواحدها ليها تمن لما ابنك أو بنتك يقولو أنا اتعلمت في مدارس في كندا و دخلت جامعة في كندا دة كله ليه تمن

**رزق** · 21-07-2011 12:00 AM

المشاركة الأصلية كتبت بواسطة abou_ruqi

لا يا رزق انت مش بس ماقريتش عن امريكا اللاتينية انت كمان مقريتش عن اسيا لان للاسف فكرتك عنها مش صحيحة
بص في مصطلح اسمه مدن كوزموبوليتان
ودول اللي هما زي دبي وسنغافوره وكوالالمبور وهونجكونج ونيونيورك وبانجوك
دول مراكز التجارة في العالم المدن دي فيها حاجات مشتركة اللي اسمها كوزموبوليتان
دي بلاد تعدد اجناس بشر اتجمعوا من كل بلاد العالم في مكان واحد يجمعهم البيزنس
فعلشان كده لتا في دبي حتسمع عربي ولا في كوالا حتسمع ماليزي ولا في هونج كونج حتسمع صيني
هو الانجليزي
هنا حتى الماليزيين لما بيتكلموا مع بعض بيتكلموا انجليزي
الغة مش عائق في اسيا خالص ، ممكن في اوروبا تقابل ناس ما بتتكلمش انجليزي ، بس في اسيا صعب

ما أنت لازم تحدد فين في اسيا
يعني الهند والصين استحالة حد يروح هناك دالي فيها بيطفشوا منها
اليابان وقلنا اللغة

روسيا ممكن لكنها مش أحسن حالا من مصر بكتير

ياريت إنت تقولنا إيه نظام اسيا عامة يمكن تعرف تقنع الناس بيها بدل كندا وأستراليا

**wesam_salom** · 21-07-2011 01:18 AM

ممكن بعد اذنك يا ابو رقيه تعمل لنا موضوع عن اسيا من خبرتك هناك
لان الموضوع ده شاغلنى من فتره قضيتها فى الامارات واتعرفت على واحد عنده مكتب خدم فى اندونيسيا
وعرض عليا الشغل هناك بس انا طبعا كنت مش فاهم اى حاجه ومقابلتوش بعدها

**blazer** · 21-07-2011 03:12 AM

المشاركة الأصلية كتبت بواسطة mr_vampire

بعد اذن صاحب الموضوع.

عملت ايه ياباشا في موضوع المحاضر والليلة ده. عايزين نطمن عليك اولا و نطمن حال البلد اتعدل ولا لسة زي ماهي.

شكرا لحضرتك على الاهتمام
النتيجه = صفر للاسف
محصلش اى حاجه ابدا ولا كانى رحت عملت شكوى ولا اى حاجه
كان المحضر دا متعملش من الاصل
يلا انا فوضت امرى لله
لما الاقى حد يساعدنى ابقى امشى تانى فى الموضوع
انما غير كدا
انا مضمنش يحصل لى ايه تانى فى البلد دى