مين بيعالج شروخ الزجاج ؟

**وائل عطية** · 05-05-2008 08:36 AM

امبارح وأنا ماشي على الدائري لقيت فجأة زلطة من الحجم الكبير طايرة وخبطت البربريز بتاعي في الكورنر اليمين لتحت
الخبطة كانت جامدة وأثرت في الزجاج من الخارج عبراة عن نقرة صغيرة وشروخ صغيرة حوليها بطول حوالي 3 سم . ومفيش من الداخل حاجة.
ياريت لو حد يعرف مكان ممكن يعالج الموضوع دا قبل ماينتشر أو يسيب أثر

**ahmedfd** · 05-05-2008 08:52 AM

في محل إسمه دكتور خالد و ليه كذا فرع بيعمل الموضوع ده بس أعتقد لازم تعملوا خلال فترة صغيرة بعد الشرخ اسبوع مثلاً علشان يقبل العلاج.
هو الفرع اللي أعرفه في شارع الميرغني جنب كويك و قبل أبوشقرة بس معرفش الحقيقة مدى فعالية الموضوع.

**boty50** · 05-05-2008 10:43 AM

عزيزي

أولا ليس لدي فكرة عن تصليحة بمصر ، ولكن
تصليح الشروخ ممكن حاليا وأنصحك بتصليحة بأسرع وقت
حتي لايدخل ماء او تراب بين الشقوق

حدث معي من صخرة بالطريق وبيسموها عين الثور
بالزجاج الأمامي وذهبت لأصلاحها بمحل هنا بالكويت
مقابل مايوازي 50 جنية مصري وكان عندة جهاز مخصوص
وممكن يعالج الشروج المستعرضة وبطول لغاية 20 سم

يبدأ بعمل ثقب بشنيور بسن مخصوص للزجاج ثم يضغط بماكينة
خاصة سائل اللحام داخل الشقوق ثم يعرضها لأشعة فوق بنفسجية
لتشبيت وتجفيف اللحام

هي عموما بتسيب اثر صعب ملاحظتة الا لو دققت جيدا"

ولو تقدر تشتري من موقع امازون امريكا ، ففية موجود
عدة خاصة لمعالجة الشروج بسعر رخيص حوالي 15 دولار
لعدة مرات ولعدة شروخ

انا شخصيا اشتريت واحدة ولم استعملها ، يعني سايبها للطوارئ

**Karim_Monir** · 05-05-2008 11:24 AM

وائل اقرب واحد ليك بنزينة موبيل اللي في اول طريق مصر الاسماعيلية عندهم الجهاز ولسه شايف اعلانة امبارح وانا بمون
وكمان الثلاثي اللي في شارع جمال عبد الناصر بتاع الزجاج جاب واحد وحاطط اليافطة
معلش قدر الله وما شاء فعل
ولو جيت جمال ابقي عدي على اخوك تشرب حاجة ساقعة من ام خمسة جنية
نيييييييههههههههههههههههه هههههههههههه

**وائل عطية** · 05-05-2008 12:28 PM

المشاركة الأصلية كتبت بواسطة karim_monir

وائل اقرب واحد ليك بنزينة موبيل اللي في اول طريق مصر الاسماعيلية عندهم الجهاز ولسه شايف اعلانة امبارح وانا بمون
وكمان الثلاثي اللي في شارع جمال عبد الناصر بتاع الزجاج جاب واحد وحاطط اليافطة
معلش قدر الله وما شاء فعل
ولو جيت جمال ابقي عدي على اخوك تشرب حاجة ساقعة من ام خمسة جنية
نيييييييههههههههههههههههه هههههههههههه

إنت لسه مصمم على الحاجة الساقعة أم 5 جنيه ياكريم ؟ :D:D
ياعم كفاية صاروخ
أنا عارف الثلاثي اللي في جمال عبد الناصر وطبعاً بنزينة موبيل
بس الحقيقة كنت ناوي أروح عند دكتور خالد اللي في الميرغني ..بس لو مفيش فرق يبقى مفيش داعي للمشوار وأروح عند الثلاثي أو موبيل إيه رأيك

**Karim_Monir** · 05-05-2008 02:48 PM

خلاص سك يا ابو غنيمة عالساقع وهاتلي ايرل جراي
اي يا عم وائل انا ماجربتش الاتنين بصراحة بس تقريبا هيا كلها نفس الفكرة نفس المادة ومكنة الكبس ورا قدام وتسخين
اهم حاجة تكون حطيت سليوتيب على الشرخ عشان مايدخلش فيه هوا او مية او تراب ويفتح بعد كدة
نهارك زبادي خلالالالالاط
:D:D:D:D:D:D