كام سؤال عالـ سريع كده بخصوص إلنترا 2010 اوتو

**HOSSAM99** · 18-07-2011 02:15 AM

المشاركة الأصلية كتبت بواسطة mohamed2015

يا جماعة عدد الكيلومترات حسب الأستخدام أنا عربيتى ألنترا 2011 شاريها يوم 2-5-2011 و لحد اليوم عاملة معايا 6600 كم بس انا بسافر كتير جدا كل واحد و أستخدامة

حضرتك كده إستخدامك مش كتير أخرك في السنه هاتعمل 32 ألف كم و لو أكتر هايبقي 40 ألف كم

و ده معدل أعلي من الطبيعي لكن مناسب للي ظروفه ظروف سفر

أما 70 ألف كيلو في السنه يعني العربيه داخله في 200 كم يوميا يعني العربيه مبتستريحش يعني أكثر من 150 كم اللي بيحددهم أي مكتب إيجار للعربيه لما بتتأجر

**احمد المصرى** · 18-07-2011 10:02 AM

المشاركة الأصلية كتبت بواسطة mohamed2015

يا جماعة عدد الكيلومترات حسب الأستخدام أنا عربيتى ألنترا 2011 شاريها يوم 2-5-2011 و لحد اليوم عاملة معايا 6600 كم بس انا بسافر كتير جدا كل واحد و أستخدامة

ماشى يا باشا يبق كدا انت بتعمل فى الشهر حوالى 3 الاف كيلو يبق حضرتك تعمل فى سنتين حوالى 72 الف كيلو ودا رقم طبيعى بالنسبه ليك علشان مشاويرك كتير ولكن لو فكرت تبيع العربيه اكيد ال هيشترى هيحط فى باله رقم الكيلو متر وناس تقبل وفى ناس تقلق وخلى بالك اننا مش عارفين ال بيبيع دا عامل اذاى

**virus2007** · 18-07-2011 11:18 PM

المشاركة الأصلية كتبت بواسطة koko616

سلام عليكم

انا معروض عليا النترا 2010 اوتوماتيك مرشوشة من ادام بس عشان خبطة و هي واقفة في الاشارة

العربية عاملة 69 الف كيلو

تكييف و سنتر

و على 82 الف و قابلة للتفاوض ... عايز اعرف رأيكوا كده السعر كويس و لا لا ؟؟؟؟؟

و كمان عايز اسئلكوا عن العربية نفسها

الالنترا 2010 سحبها كويس ؟؟؟ ثابتة على السرعات العالية و لا لا ؟؟؟

انتوا عارفين بقى انا شاب و كده

ابعد عنها للاسباب التالية:

1- العربية شكلها مغيرة ربع امامى نتيجة حادث واكيد اثرت على الماتور ...

2- العربية بتترش من ادام فقط فى حالة الحوادث ولو هى حادث خفيف يبقى حتغير اكصدام بس من غير ميرش الكبوت !!

3- لو عربية 2010 اتوماتك وحالتها كويسة يبقى سعرها حيبقى من 85 ل 95 حسب لو خليجى او لا عدد كيلو مترات مناسب او لا كاملة ولا مش كاملة يبقى صعب تقل عن 85 الا لو فيها حاجة فعلا

عربيات 2007 الاتوماتك التاتش بتوصل 83 و 84 لو فبريكة وحالتها كويسة وكاملة

احسب بقى الفرق بنفسك :)

دى اسبابى
------

بالنسبة للعربية نفسها كالنترا بعيدا عن العربية دى

الانترا عربية جميلة ناعمة دركسون ممتاز من وجهة نظرى حتحس وانتا راكب انك فى عربية فخمة نتيجة الصالون والخامات الكويسة شكلها شبابى ولما بتتظبط بتبقى تحفة .. كويسة ثابتة على الطريق وبتاخد بيها ملفات على سرعات ... انا باخد ملفات على 120 مستريح

والعربية بتمشى لحد 160 كويس وفراملها قوية

كخلاصة عربية بالنسبة لسعرها هى عربية كويسه جدا ينقصها عوامل الامان زى الاير باج احد عيوبها بردوا صاجها خفيف شوية وبحس انها بتتجرح بسهولة وبيبان عليها التجريح

غير كدة مفهاش اى شكوى من اى حد ... وقطع غيارها متواجدة فى كل مكان وبسعر كويس

تحياتى ليك واتمنى اكون افدتك :)