عايز اغير جنوط الابيزا ؟ يا تري اجيب مقاس كام ؟

**El.Hossieny** · 05-05-2008 10:52 AM

لو سمحت يا رجالة انا عندي في الابيزا ال 94 جنط 14 مقاس 185/65 ..و عايز اركب جنط اكبر شوية ... يا تري اجيب كام .. و الكاوتش اجيبو برضو مقاس كام و انهي نوع احسن و يعيش .. ؟؟

**mohamed_rhem** · 05-05-2008 11:00 AM

شوف يا جميل
ده مسأله ميزانيه يعني حتجيب جنوط اسبور ولا لاء؟
الكاوتش الجديد في انواع كتير منه في فئه عاليه زي ميشلان وجودير وبردجستون
في فئه اقل زي جي تي وبريللي
ده يرجع للامكانياتك وشكل النقشه اللي حتعجبك
http://www.egytyres.com/tyres_result...l.asp?id=Civic
دح موقع متخصص في الكاوتش
جتلاقي طلبك إن شاء الله
علي الاقل تعرف شكل النقشات وتعرف السعر تقريبي
بس نصيحه
مش مستحب تكبر الجنط دون الرجوع لكتالوج السياره لانه ممكن يأثر علي الموتور وعلي العفشه
مع العلم انك لو كبرت الجنط قرائه الكيلومتر حتختلف حتقل عن السرعه الحقيقيه من 5 الي 7 كم بالتقريب
هذا والله اعلم

**SEATLOVER** · 05-05-2008 12:58 PM

ازيك يا احمد عامل اية
اية ياعم انت بتبيع الابيزا ولا بتركب جنوط حيرتنا :d

**El.Hossieny** · 05-05-2008 01:20 PM

Seatlover باشا ....انا لسة مش هبيعها دلوقتي .... فقولت ادلع نفسي بقي ....ههههههههههه .... صباح الفل

**mohamed ibiza** · 05-05-2008 04:56 PM

جنطها 195\55 جانط 15 و هات فرد بيريللي او بريد جستون و لو عايز توفر هات هانكوك و متجنطهاش اكتر من كده عشان متحكش مع التحميل

Ibiiiiiiiiiiiiiiiiiiiiiiiiiiiiiiiiiiiiiiiiizzzzzzz zzzzzzzzzaaaaaaaaaaaaaaaaa For Ever

**El.Hossieny** · 05-05-2008 05:09 PM

الله ينور عليك يا محمد ... يا تري اجيب الليلة دي كلها بقي منين ؟؟ عايز حد كويس اجيب من عندة الكاوتش و الجنط

**mohamed ibiza** · 05-05-2008 09:01 PM

والله انا بخلي الراجل اللي بيصلحلي الكاوتش يجيبلي الفرد بس عموما هقولك فكرة حلوة انا لسه جايب بطارية للمرسيدس 90 لمبير و اتلسعت في 800 جنيه جبتها من عند مرجو في القصر العيني راجل محترم اوي اوي و عنده بطاريات و فرد لو ملكش نفس تتلسع زيي و في نفس الوقت تجيب فرد بريد جيستون او بيريللي فرد نضيفة و بتعيش هاتها من مرجو بالتقسيط و لو نفسك تتلسع زيي كده لاني مش فاضي للمشاوير هاتها من عنده برضه انا علرفت موضوع التقسيط بعد ما اشتريت و دفعت و خلصت بس الراجل كويس اوي اما الجنوط بصراحة مش هفتي فيها لاني مش مجنط الابيزا اصلا ولا حتي حاطط طاسات هههه بس الراجل اللي بيجيبلي الفرد جنبي هنا في الهرم قالي لما تنوي قولي و انا اجيباك طقم سبور و جابلي جنط حديد للابيزا قبل كده لان في جنط من بتوعها اتعوج بعد 14 سنة حرت و اي سؤال انا موجود......:)

Ibiiiiiiiiiiiiiiiiiiiiiiiiiiiiiiiiiiiizzzzzzzzzzzz zzzzzaaaaaaaaaaaaaaaaaaa For Ever