انا يارجالة عاوز اعرف المواتير اللي بتتسقط للهوندا و اشد موتور من العزم و التسارع
و اية الموديل الاكثر ثباتا واكثر جمالا وذلك في موديلات التسعينات
و شكراااااا
عرض للطباعة
انا يارجالة عاوز اعرف المواتير اللي بتتسقط للهوندا و اشد موتور من العزم و التسارع
و اية الموديل الاكثر ثباتا واكثر جمالا وذلك في موديلات التسعينات
و شكراااااا
مواتير الهوندا في منها كامه واحدة وفي توين كام أشهرهم بالنسبة لموضوع الجرى والتوافر هو الـ B16A أو كما يطلق عليه SiR وده منه 160 و 170 حصان في بفتيس أوتو وفي مانيوال طبعاً في حاجات كثير أقوى بس على حسب ميزانيتك
الموديلات من أول 1992 الى 1995 الجيل الخامس وفي من 1996 الى 2000 الجيل السادس الاثنين حلوين والسعر على حسب الفئة
طبعا زى ماقال محمد نبيل باشا
بالنسبة بقى للمواتير انت عايز مايفك 2400 سى سى طبعا المحرك دة قوى جدا ومش هيقدر يضاهية فى القوة غير محرك ال h22a ودة مش هيركب على سيفيك بيركب على بيريليود او انتجرا او اكورد لكن سيفيك هيحتاج تعديل كتير وهيكون قوى على الشاسية والمحرك دة قوتة 211 حصان 2200 سى سى بس صاااااااااااااااروخ
وبالنسبة للبومة مش هتستحمل المايفك 2400 سى سى عشان تبقى عارف اخرك فيها مايفك 1600 او 1800 سى سى, غير كدة العربية هتخلص بدرى بدرى
موضوع العربية مقدرش أنصحك دى حاجه ترجع ليك بالنسبة ليا طبعاً هوندا ههههه متحيز غير انى مش بحب البومة بحب الكريستالة في الانسر
نرجع لموضوعنا طلما الميزانية مفتوحة عندك الاختيارات دى من المواتير
لو في اللذيذ يبقى زى ماقولنا B16A
لو عاوز عزم عالى يبقى خليك في مواتير 1.8 سواء GS-R أو تايب أر بس مش عالى قوى عشان مواتير الهوندا معروفة بالعزم المتوسط بس بيقوم بالواجب وزيادة بتطلع من 180 الى 200 حصان بس التايب أر نادر شوية
وفي برضه Frankenstein ومشهور بـ LS/VTEC ده بيبقى بلوكه ماتور 1800 من غير Vtec على وش ماتور 1600 بـ Vtec بس لازم يتعمل زى الكتاب مابيقول وصنايعى محترف
في كمان H22A عزم جامد بس محتاج تعديلات قواعد مخصوص ليه هو الماتور مش غالى بس تسقيطة مكلف وبتستغنى عن التكييف و الباور وقطع غياره نفس المشكلة
في مواتير ثانية بس مش هتلقيها هنا لازم تيجى بالطلب هيا وقواعدها وباقى الحاجه اللازمة للتسقيط زى K20A
لو معاك ميزانيه مفتوحه شوف موضوع تحويل لانسر ل evo
العربيه تستحمل عادى في ناس كثير مسقطة الماتور ده في البومة وكان ليه صديق مسقطة قبل ما يتقلب بيها على طريق الغردقة بس مش عيب منه انما هو نام وهو سايق.
هو ماتور كامه واحدة بتاع لانسر Ralliart وميتسوبيشى جرانديز واوت لاندر وهو 160 حصان وعزم 219 نيوتن/متر
واللى يثبت معه من الهوندا ماتور انتجرا GSR وممكن يطلع كمان انما التايب أر هيبقى تقيل عليه