الموضوع: نموذج ثوار البالون -تورة ثواة ياعنى

المشاركة الأصلية كتبت بواسطة misoalex

طيب تمام الفيديو اللى انت حطيته يا استاز وائل وضح ان و الواد بيجرى كان فى ايده حاجه ورماها

يعنى هو رمى الحاجه اللى اخدها
واخد كذا ضربه من الظابط بالبتاعه اللى فى ايده دى

كان باين فى الفيديو انه خطف حاجه من الظابط ليها نفس شكل المسدس .. يبقى المسدس بالتأكيد و لا انتا عاوز الفيديو يبقى مصورلك رقم مسلسل الطبنجه علشان تصدق
و بعد كده مين قال انه رماها ... انا عيدت الفيديو كذا مره هما الاتنين دخلو فى الزحمه و البلطجى لسه فى ايديه الطبنجه و الظابط اصلا ماحصلهوش علشان يضربه كذا ضربه زى ما بتقول ... هو كان رافع العصايه علشان يضربه اول لما يطوله بس هو ماطلهوش اصلا

المشاركة الأصلية كتبت بواسطة misoalex

الظابط بقى كمل ودخل وسط الناس ومصمم يضربه عشان يموته

تخيل انت موقف الناس حيبقى ايه ؟؟؟؟؟؟؟؟؟؟؟؟؟

اكيد اكيد حتشوف المنظر ده حتنزل ضرب فى الظابط بدون تفاهم

وبعدين تكسير فى عضم الجمجمه رغم الخوزه اللى هو لابسها دى مش غريبه شويه
ولا هو اللى بيضربو قلعوه الخوزه والهدوم عشان يضربوه

طبيعي لما الاتنين يدخلو وسط الزحمه مش حيبقى باين الطبنجه المخطوفه و هى فى ايد البلطجى
اذا كنا احنا ياللى شوفنا الفيديو مااخدناش بالنا منها الا لما اتعرضت بالتصوير البطئ
و مع الشحن و الاحداث اللى كانت بتحصل طبيعي ان الثوار يضربو الظابط ده ... لأنهم استحاله يميزو البلطجى ده وسطهم اصلا ... و طبيعي كمان لما يبقى واحده ضد 10 بس انهم يقلعوه اي حاجه بتحميه علشان يعرفو ياخدو راحتهم فى الضرب و بالتالى قلعوه الخوذه ولو كانو كمان عاوزين يقلعوه خالص حيقدرو

المشاركة الأصلية كتبت بواسطة misoalex

وبعدين انا لا اثق فى كلمه بيقولها التلفزيون المصرى بتاتا

المره دى التلفزيون ماقلشى ده بيعرض تسجيل
و مافيش داعى نكابر فى الغلط و بالفعل كان فيه بلطجيه هما اللى اشعلو الاحداث و انساق وراهم بعض الثوار

المشاركة الأصلية كتبت بواسطة khaled_sabry

كان باين فى الفيديو انه خطف حاجه من الظابط ليها نفس شكل المسدس .. يبقى المسدس بالتأكيد و لا انتا عاوز الفيديو يبقى مصورلك رقم مسلسل الطبنجه علشان تصدق
و بعد كده مين قال انه رماها ... انا عيدت الفيديو كذا مره هما الاتنين دخلو فى الزحمه و البلطجى لسه فى ايديه الطبنجه و الظابط اصلا ماحصلهوش علشان يضربه كذا ضربه زى ما بتقول ... هو كان رافع العصايه علشان يضربه اول لما يطوله بس هو ماطلهوش اصلا

يا استاذ خالد اللي مش عايز يشوف حاجة مش هايشوفها حتي لو حطينا مليون فيديو
في الاول ماشفناش البلطجي بيخطف حاجة و بعدين...اه صحيح هو خطفها بس رماها (مع انه ما رمهاش و لو كان رماها كان الظابط وقف عشان يجيبها من الارض) و خلاص بقي خطف الطبنجة مسألة فرعية و الاهم ازاي الظابط ابن التيييييت مصر يضرب الواد الغلبان عشان يموته...مضربهوش لما كان واقف وسط الامن المركزي و قرر يضربه عشان يموته وسط المتظاهرين...و كأن الظابط مختل عقليا

المشاركة الأصلية كتبت بواسطة khaled_sabry

طبيعي لما الاتنين يدخلو وسط الزحمه مش حيبقى باين الطبنجه المخطوفه و هى فى ايد البلطجى

لأ باين و صدقني معظم اللي واقفين عارفين انه خطف الطبنجة من الظابط و برده هايضربوا الظابط لان غالبيتهم من عينة الواد اللي خطف الطبنجة و الدليل ان ماحدش وقفه أو سمعنا صوت حد بيستنكر اللي حصل في الفيديو

المشاركة الأصلية كتبت بواسطة khaled_sabry

و مع الشحن و الاحداث اللى كانت بتحصل طبيعي ان الثوار يضربو الظابط ده ... لأنهم استحاله يميزو البلطجى ده وسطهم اصلا ...

أنا مش مقتنع اننا نبرر الافعال الاجرامية بحجة الشحن ضد الشرطة...يعني لو كان خطف المسدس اثناء الاشتباك كان ممكن الواحد يقول خناقة و كل واحد بيعمل اللي يقدر عليه...لكن الفيديو موضح ان الظابط كان بيتكلم معاهم و بيحاول يتفاهم معاهم...بصراحة حركة واطية و مش عارف ازاي اي حد من الثوار الشرفاء يوافق علي مثل هذه الافعال الاجرامية...يا تري البلطجي اللي خطف الطبنجة هايعمل بها ايه؟ هاتتنقل من واحد لواحد و تتباع و ممكن تقع في ايد مجرم او قاطع طريق يثبت اي واحد فينا و ممكن لا قدر الله تستخدم في قتل ارواح بريئة...المشكلة ساعتها الناس اللي بتبرر موقف البلطجي هايقولوا...فييييييييييين الشرطة!!!!

المشاركة الأصلية كتبت بواسطة khaled_sabry

المره دى التلفزيون ماقلشى ده بيعرض تسجيل

كنت متأكد لما حطيت الفيديو ان في ناس هاتعترض عشان من التلفيزيو ن المصري...ده فيديو مش خبر ...و كأن الفيديو جرافيك و خدع سينمائية.

المشاركة الأصلية كتبت بواسطة khaled_sabry

و مافيش داعى نكابر فى الغلط و بالفعل كان فيه بلطجيه هما اللى اشعلو الاحداث و انساق وراهم بعض الثوار

المشكلة في المكابرة حتي في الغلط....ممكن نختلف في رأينا في الاعتصامات و في المرشحين للانتخابات و في حاجات كتير لكن في حاجات المفروض الناس ما تختلفش عليها...الواحد والله بيزعل لما يلاقي ناس هو متأكد قد ايه هما محترمين و بيحبوا البلد بس المشكلة في المكابرة حتي في الغلط