زيت الموتور 2107 ...كام لتر

**abokoko** · 18-07-2011 12:09 AM

لاحظت ان عبوة ال 4 لتر - بما فيها غيار الفلتر --بتكون اكبر من احتياج العربية
للاسف لايوجد معى كتالوج العربية

ومقياس الزيت اعلى من ال maxبحوالى 3 مللى تقريبا
هل ده متكرر مع حضراتكم

غالبا المرة القادمة سوف احتفظ ب نص كيلو او اقل قليلا واشوف المقياس

السؤال
غيار الزيت ل 2107 كام لتر بالضبط
4لتر ؟
3.5 لتر ؟
3.75 لتر ؟

**mohamed2002** · 18-07-2011 03:15 AM

انا بغير الفلتر وبحط الجركن كله

**abokoko** · 18-07-2011 04:18 PM

المشاركة الأصلية كتبت بواسطة mohamed2002

انا بغير الفلتر وبحط الجركن كله

جربت تقيس مستوى الزيت بعد الغيار
----

انا عندى
زيت+فلتر --والمستوى بيبقي اعلى من max

**mirra** · 18-07-2011 05:08 PM

انا نفس الحكاية باحط الجركن كلة زائد تغيير الفلتر و فعلا بيكون الزيت اعلى من الماكس شوية بس الميكانيكى فهمنى ان دة العادى و الطبيعى.ياريت اهل الخبرة يفيدونا اكتر.

**a7madramadan** · 18-07-2011 06:50 PM

فالتوكيل بيقولي فاضل شوية زيت صغيرين خالص تاخدهم ولا هتسيبهم باسيبهم وبيوروني ان الزيت في المستوى المظبوط و بامشي

الزيت الباقي مايعملش كوباية صغيرة مش عارف اقيسهم الصراحة بعيني قد ايه لو روحت للتوكيل قريب هأقولكم بيسيب من الجركن قد ايه

**abokoko** · 18-07-2011 08:36 PM

المشاركة الأصلية كتبت بواسطة thediesel

فالتوكيل بيقولي فاضل شوية زيت صغيرين خالص تاخدهم ولا هتسيبهم باسيبهم وبيوروني ان الزيت في المستوى المظبوط و بامشي

الزيت الباقي مايعملش كوباية صغيرة مش عارف اقيسهم الصراحة بعيني قد ايه لو روحت للتوكيل قريب هأقولكم بيسيب من الجركن قد ايه

منتظرين رد حضرتك للافادة

المشاركة الأصلية كتبت بواسطة mirra

انا نفس الحكاية باحط الجركن كلة زائد تغيير الفلتر و فعلا بيكون الزيت اعلى من الماكس شوية بس الميكانيكى فهمنى ان دة العادى و الطبيعى.ياريت اهل الخبرة يفيدونا اكتر.

الحمد لله مش انا لوحدى

**a7madramadan** · 20-07-2011 01:55 AM

يــا أستاذ mirra فالتوكيل بأغير الزيت والفلتر سوا بيسيب شوي زيت صغيرين .. الميكانيكي بتاع حضرتك مستسهل شوية و بيقول هيتحرقوا و هيتطايروا الحبة دول و مش عاوز يتعب نفسه بالقياس بيكب الجركن و بيريح دماغه أنصحك تخليه يحطلك الزيت ناقص سنتي متر من الجركن و تقيس و يزود سنة سنة لو محتاج .... ما أعتقدش المقياس محطوط عبثا يعني ولا ايه ؟

و بإذن الله يــا أستاذ abokoko أنا هأنزل التوكيل أول أسبوع من رمضان تقريبا ان شاء الله (كل سنة وانت طيب مقدما :D ) هأكون وصلت تقريبا لميعاد الصيانة الدوري و هأقولك بالظبط بيشيل قد ايه بدقة أكثر

**abokoko** · 20-07-2011 02:05 AM

المشاركة الأصلية كتبت بواسطة thediesel

يــا أستاذ mirra فالتوكيل بأغير الزيت والفلتر سوا بيسيب شوي زيت صغيرين .. الميكانيكي بتاع حضرتك مستسهل شوية و بيقول هيتحرقوا و هيتطايروا الحبة دول و مش عاوز يتعب نفسه بالقياس بيكب الجركن و بيريح دماغه أنصحك تخليه يحطلك الزيت ناقص سنتي متر من الجركن و تقيس و يزود سنة سنة لو محتاج .... ما أعتقدش المقياس محطوط عبثا يعني ولا ايه ؟

و بإذن الله يــا أستاذ abokoko أنا هأنزل التوكيل أول أسبوع من رمضان تقريبا ان شاء الله (كل سنة وانت طيب مقدما :d ) هأكون وصلت تقريبا لميعاد الصيانة الدوري و هأقولك بالظبط بيشيل قد ايه بدقة أكثر

اولا ::كل سنة وحضرتك طيب
ورمضان سعيد على الجميع ان شاء الله
ثانيا :: الكل بيقول شوية ضغيرين فوق الماكس مش مشكلة بس اعتقد انهم ممكن ياثروا على الجوانات وانا بالنسبة لى كانت البداية اللى لفتت نظرى وجود بخر خفيف حولين غطاء الزيت لدرجة انى غيرت الغطا بواحد جديد --واستمر البخر الخفيف
علشان كده ابتديت اراقب مستوى الزيت من البداية

عموما مستنى رد حضرتك -- ومتوقع انه يكون 3.75 لتر يعنى اربعة لتر الا ربع

ممكن حضرتك تسال التوكيل سؤال عن زيت التعاون slm ب95 جنية ومفروض بيعمل 7 الاف كيلو
لانى غالبا هشتريه الغيار القادم وانزله على 4او 5 الاف يا ترى رايهم فيه ايه ؟؟