الموضوع: السيراتو رفعت راسى

السلام عليكم

طبعا فى الايام دى الملتهبة بحرارة الجو و حرارة الاحداث كان انسب حاجة ان الواحد يطلع يغير جو يومين تلاتة فى الساحل و كانت فرصة ان الواحد يفتكر ان عداد عربيته بيعدى ال 100 و خصوصا ان طريق مصر اسكندرية بعد عمليات التجميل بقى فيه وصلات كتيرة ممكن الواحد يجرى فيها بدون قلق......و الحمدلله دى كانت فرصة ان السيراتو تعملى انعاش لذاكرتى بقدرتها على احراج اى عربية مهما كانت بلد منشأها و خصوصا فى التسارع و على اى سرعة سواء تحت ال 100 او فوق ال 100 و لحد 170 و ده عن تجارب مع عربيات كتير سواء على مصر اسكندرية او على العلمين زى اللانسر شارك و الكورولا الجديدة و القديمة و السيفيك ......لكن التجربة اللى فعلا تعتبر تجربة تسارع (مفيهاش مهارة سواق) كانت مع فانتازيا و ملخصها انى كنت واخد الحارة الشمال على مصر اسكندرية و ماشى تقريبا على 150 و قجاه الاخ بتاع الفانتازيا اللى ماشى فى الحارة اللى على يمين حارتى حاول يتجاوز العربية اللى قدامه واللى كانت ماشية على 100 تقريبا و هو بيتجاوزها على 105 او 110 مش اكتر من كده و طبعا انا جاى من وراه و عمال ارعشله و حتى اديله كلاكس و هو مفيش لحد ما اجبرنى انى افرمل و انزل لسرعته اللى قلت ل 100 (امعانا فى الرخامة يعنى) و بعد كده جيت جمبه وبازود عشان اتجاوزه و هو بيزود........ العربيتين فضلوا لازقين كبوت مع كبوت من 100 ل 140 و بعد كده بقت فيه افضلية نسبية ليا بحوالى نص متر لحد 160 ....و ده عكس ما كان الواحد بيسمع ان الفانتازيا تقيلة فى التجميع تحت ال 100 لكن بعد ال 120 بتبقى وحش و سواقها يشوفك فى المراية....هو ماشفنيش فى المراية خالص ولا فى الطريق بعد كده....واحب أاكد ان الموضوع ماكنش فيه اى مهارة سواق احنا الاتنين كابسين بنزين واحنا الاتنين جايبين اخر الغيارات و فاتحين التكييف (طبعا) ....اما بالنسبة للشارك فبصراحة و بكل امانة مش عارف الناس اللى بتحاول تقارن تسارعها بتسارع السيراتو بيجيبوا الجرأة دى منين؟؟؟ بصراحة مفيش مقارنة ....انا بس كنت باكبس بنزين كنت باعديه بسهولة وانا عارف ان موتورى 1600 و هو 1500 .....بصراحة الواحد حمد ربنا على اختياره تانى للعربية و حس انه فخور بيها......كل سنة و انتوا طيبين