الموضوع: السيراتو رفعت راسى

المشاركة الأصلية كتبت بواسطة kholio

على فكرة يا باشا الشارك بتزعل السيراتو اوي فوق المية فممكن اللي شديت معاه ده مكنش بيجري معاك او مبيعرفش يسوق

بص يا باشا هو كان بيجرى معايا اكيد و كان بيسوق كويس لانه كان بياخد غرز ضيقة و حتى انا هديت عشان الرادار لقيته هدى معايا و بعد كده جرينا تانى و عموما هو طبعا ماكنش سباق بس اللى انا لاحظته انى كنت باعديه بسهولة و احنا بنجرى جمب بعض....

المشاركة الأصلية كتبت بواسطة atrees

نا معايا السيراتو والشارك - طبعا السيراتو تزعل الشارك لحد بس ال 160 كم - بعد ال 160 كم صدقني الشارك لا تبذل اي مجهود للوصول ل 220 كم مثلا - علي عكس السيراتو

تمام و احنا مازودناش عن كده لان الطريق كان اتزحم جدا و كنا قربنا من كارتة القاهرة

المشاركة الأصلية كتبت بواسطة moustafa_saad

ربنا يباركلك فيها ويستر طريقك

بس تقييم العربيه مش بالسرعه فقط وعموما السيراتو عربيه جميله جدا مقارنة بسعرها لكن لو على السرعه بس كنت اشترى فيرنا وعيش حياتك

شكرا يا باشا و انا ماعملتش مقارنة شاملة او قولت حكم عام انا بس كنت باتكلم عن التسارع لانه هو ده اللى بيبان فى الجرى....بالنسبة للفيرنا انا شايف انها عربية عملية جدا و كويسة جدا بالنسبة للمدينة باستهلاكها القليل للبنزين و قطع غيارها المتوفرة الرخيصة لكن بالنسبة للجرى متهيالى اكتر من 100 هيبقى الموضوع صعب

المشاركة الأصلية كتبت بواسطة moustafa_saad

على فكره ياجماعه انا مسوقتش لافيرنا ولاسيراتو

بس سوقت البيجو 405 موديل 2000 وهى زيرو وبصراحه مشوفتش عربيه فى سحبها طلقه فعلا العربيه بتنط مع دوسة البنزين معتقدشى ان فيه عربيه 1600 ممكن تحصلها فى مصر والله اعلم لانى مجربتش الفيرنا ولا السيراتو

اكيد كلامك صح لانه على ما اعتقد و باريت حد يصصحلى لو كنت غلطان العربية دى 2000 سى سى مش 1600

المشاركة الأصلية كتبت بواسطة moustafa_saad

العربيه اللى كانت معايا 1600 مش 2000 انا متاكد لانى شوفت رخصتها طبعا ودية كانت بتاعت خالى وكنت بسافر بيها وبسوقها كتير
التانى كنت بجيب بيه 80 وبقول كفايه كده علشان الماتور مايجعرشى وصوته يعلى جامد وكان فيه قابليه انه يزيد كمان بسهوله بس كنت بخاف عليها

لو حاقارنها باللوجان اللى معايا فاللوجان تعتبر سلحفه جنب البيجو 405

هيا عربية جميلة فعلا كل اللى ركبها شكر فيها جدا