نفسي أجيب جتا وخايف من الفتيس

**TeMoON** · 17-08-2011 03:45 PM

انا معايا جيتا انتاج 6 2009 وماشية دلوقتى 41000 والعربية الفتيس القديم 6 نقلات والحمد لله ماشية معايا كويس ومش بشتكى منها فى حاجة والعربية مريحانى والحمد لله بس نصيحة الفتيس dsg بلاشة لانة كلة مشاكل وعيوب فاعشان انا اشترى عربية وفيها عيب زى دا وكل فترة الفتيس يبوظ والشركة تغيرة وعلى ما اوصل لد اكون جبت اخرى والعربية تفضل عطلانة فا بصراحة فولكس واجن بالموديلات الجديدة فيها تعتبر صفقة خاسره لكل واحد هيشتريها
من الحاجات الغريبة الى شفتها فى امريكا والخليج ان موديلات الشكل الجديد بتنزل بفتيس 6 نقلات فا نصيحة بلاش الجيتا وبلاش فولكس حاليا لان كدا هتكون انت الخسران وماسألتش نفسك سؤال لية الناس بتبيع العربيات دى كسر الزيرو فا انا عن نفسى لما ربنا يكرمنى واغير العربية الى معايا مش هركب فولكس واجن تانى ابدا حتى لو هروح اركب تويوتا كورولا او متسوبيشى لانسر لان فولكس كدا خلاص قول عليها يلااا السلام

**Amr_Moh** · 18-08-2011 02:01 PM

شكراً يا شباب على المعلومات القيمه والنصيحة .. إظاهر اني حصرف نظر عن الجتا معإنهى واللهي طالعة من عيني حصوصاً الكونفورت لين تحفة
الأمر لله

شكراً مرة تانية

**Salsaa** · 18-08-2011 03:11 PM

كلام كتير بيتقال .. بس للأسف محدش متأكد من حاجة .. ناس كتير بتشتم فى ال dsg .. و ناس تانية طايرة بيه فى السما .. و ناس تقوللك اهم حاجة تبعد عن المواتير ال tsi .. و ناس تانية تقوللك احسن موتور فى العالم ..

انا العربية اللى ناوى اشتريها فيها فتيس dsg و موتور 1.2 tsi .. اللى هى الابيزا ستيشن الجديدة .. و مش عارف اقرر لغاية دلوقتى من كتر الكلام اللى بسمعه ..

حاجة تحير!!!!!!!!

**MASERATI** · 18-08-2011 04:53 PM

السلام عليكم و رحمة الله و بركاته

أنا متهيألى أنى لو بشترى عربية من دول بالسعر ده و حلمت بس و أنا نايم, أن الفتيس بتاعها بيبوظ بسرعة, ده سبب كافى أنى ماشتريهاش, عالأقل بالفتيس ده, يعنى ممكن تشتريها و كل حاجة, بس اللى من غير الفتيس ده, لكن أنى أبقى بأسمع من ناس معاهم العربية أن الفتيس بيبوظ و أن سعره كذا و أن التوكيل بيماطل عشان يغيره, و بعد كل ده, برضه أروح أجيب العربية بالفتيس اللى ناس كتير اشتكوا منه, حتى لو فيه ملااااااااااااااااااااايي ييييييييييييييين طايرين بالعربية فى السما, يبقى يعنى, أكيد تصرف مش سليم.

**SAiF3S** · 27-08-2011 03:09 AM

المشاركة الأصلية كتبت بواسطة hany63

استاذ سيف
لو سلمنا بموضوع 50% خلال العام الثالث يبقى حصتك 40000 جنيه!!!!!!
وبعدين موضوع الرجه ما لوش دعوه خالص بنظام esp بدليل fsi ما بتعملش كده

ياريت تراجع كلامى كويس ولا تجتزء منه , كل ما ليس له علاقه بالفتيس و الموتور زى التكيف عيوب كهرباء و تكون عيوب صناعه بتاخد خصم من %100 (مجانا ) و حتى 50 % من ثمن قطعه الغيار + المصنعيه
الفتيس و الموتور اللى اعرفه 100 الف كم او 5 سنوات مجانا لى فيه اى عيوب تصنيع
موضوع الرجه ياريت تراجع جلب الشداد , او التيل و الطنابير

**hany63** · 28-08-2011 02:02 PM

استاذ سيف
ياريت تتأكد من موضوع الخمس سنين وبعدين لعلمك الفتيس يعتبر فتيس مانويل عشان بينقل عن طريق 2 اسطوانة دبرياج اللى ليها المفروض عمر افتراضى يعنى نسبة استهلاك وبالتالى مش ممكن التوكيل يتحمل 100% بعد انتهاء الضمان الا لو كانت العربيه ماشيه تحت 50000 كم وعلى فكره انا متأكد من الكلام ده بحكم انى رحت التوكيل اكتر من عشرين مره بسبب الفتيس والا ما كنتش بعت و خسرت 70000 جم فى عربيه عامله 24000 كم
و بالنسبه للرجه فهى عامله زى ما يكون واحد بيسوق فتيس مانويل ومش عارف يظبط رجله على الدبرياج وهو بيطلع وفى التوكيل قالوا ان ده بسبب الفتيس اللى يعتبر مانويل من غير دواسة دبرياج وبينتقل عن طريق وحدة الميكاترونيك

و عشان اكون منصف واحد صاحبى معاه باسات 2010 ما اشتكاش منها لمدة 23000 كم وده عشان كل مشيه على الدائرى بعكس مشاويرى اللى فى وسط البلد وصلاح سالم يوميا و بالتالى نسبه استهلاك عاليه فى اسطوانات الدبرياج
و بالمناسبه انا كنت اكتر واحد متحمس للعربيه و كنت السبب فى انى خليت اصحابى يشتروها بس فوجئت بالفتيس

**tito78** · 29-08-2011 05:41 PM

الظاهر أنه الواحد لو حيجيب يجيبل أوكتافيا وخلاص ولا إيه رأيكم

**SAiF3S** · 29-08-2011 08:13 PM

المشاركة الأصلية كتبت بواسطة hany63

استاذ سيف
ياريت تتأكد من موضوع الخمس سنين وبعدين لعلمك الفتيس يعتبر فتيس مانويل عشان بينقل عن طريق 2 اسطوانة دبرياج اللى ليها المفروض عمر افتراضى يعنى نسبة استهلاك وبالتالى مش ممكن التوكيل يتحمل 100% بعد انتهاء الضمان الا لو كانت العربيه ماشيه تحت 50000 كم وعلى فكره انا متأكد من الكلام ده بحكم انى رحت التوكيل اكتر من عشرين مره بسبب الفتيس والا ما كنتش بعت و خسرت 70000 جم فى عربيه عامله 24000 كم
و بالنسبه للرجه فهى عامله زى ما يكون واحد بيسوق فتيس مانويل ومش عارف يظبط رجله على الدبرياج وهو بيطلع وفى التوكيل قالوا ان ده بسبب الفتيس اللى يعتبر مانويل من غير دواسة دبرياج وبينتقل عن طريق وحدة الميكاترونيك

و عشان اكون منصف واحد صاحبى معاه باسات 2010 ما اشتكاش منها لمدة 23000 كم وده عشان كل مشيه على الدائرى بعكس مشاويرى اللى فى وسط البلد وصلاح سالم يوميا و بالتالى نسبه استهلاك عاليه فى اسطوانات الدبرياج
و بالمناسبه انا كنت اكتر واحد متحمس للعربيه و كنت السبب فى انى خليت اصحابى يشتروها بس فوجئت بالفتيس

أستاذ هانى انا مش متحمس ولا حتى متحيز للباسات لأن انا بعت عربيتى من 10 أيام
وكمان انا اول واحد فى المنتدى قال ان فى مشكله فى الفتيس ,لما الفتيس ال 2009 عمل معى مشكله على 45 الف كم
لكن زى ماقلت قبل كده انا بأثق ان توكيل فولكس توكيل محترم جدا وبتقدر تأخد حقك بالكامل و بدون اى مشاكل ولا يقارن على سبيل المثال بتوكيل سويقه (سكودا )
موضوع الخمس سنين او ال 100 الف كم ضمان انا متأكد منه. أما الدبرياج (الاسطونتين) فعلا عندك حق لكن لو التوكيل قال ان العيب من الميكاترونك هيتحمل تمنه بالكامل لو الفتيس هيتغير بالكامل وانت حاسس ان الاسطوانات سليمه متغيرهاش والمشكله مش فى تمن الاسطوانات وانت عارف كده
اما خساره حضرتك لل 70 الف فى عربيه عامله 24الف كم فده سعر سوق , انا خسرت 80 الف جم فى عربيه هاى لاين بعد سنتين و نصف استهلاك و 75 الف كم
على فكره انا أخويا باع اوبل فيكترا واشترى توران الشكل الجديد 1400 بال dsg
ولو انا شاكك واحد فى الميه فى التوكيل و الفتيس و الصيانه كنت قلت له ماتشتريش وشوف حاجه تانيه

**TFSI** · 04-09-2011 12:20 PM

أنا عندى عربية أودى 2008 بفتيس dsg وعاملة 32000 كم وبدون مشاكل ماشاء الله

المشكلة إن الناس بتعامل الفتيس إنه أتوماتيك عادى مش فتيس مانيوال فيه إسطوانتين دبرياج ( واحدة للنقلات الفردية واحدة للنقلات الزوجية ) بس الاختلاف انه متركبلها مواتير وسلونويد فالف كنترول وكمبيوتر وهما المسئولين عن تغيير النقلة و الدوس علي الدبرياج بالنيابة عنك ، والفتيس لازمله معامله خاصه عشان يطلع العزم بتاع العربيه والمحافظة عليه وانت الي بتتحكم في العربيه عن طريق دواسه البنزين وكمان انت الي بتحدد امتي العربيه تنقل و امتي تحرق علي الغيار و امتي تسقط نقله أو نقلتين كل ده بدواسه البنزين .

يعنى مثلاً ما ينفعش تقف فى إشارة لمدة طويلة وناقل على ال d أو ال s ودايس فرامل فى نفس الوقت !!!!!!!!!!! أكيد هاتولع الديسك
ده أسوأمن إنك يكون عندك عربية مانيوال ودايس دبرياج وبنزين فى نفس الوقت مش معقول هاتعمل كدة لأ والأسوأ فى حالة ال dsg إنك تكون دايس فرامل كمان (يعنى دايس ال 3 دواسات فى نفس الوقت ) وانت معشق نقلة فتخيلوا معايا الفتيس ممنكن يحصلة إيه

بالنسبة للنتشه الي بتحصل بين النقله والنقله دي نتيجه ان الكمبيوتر بيفصل الحركه (يدوس دبرياج) و ينقل ويرجع يسيب الدبرياج وممكن نقلل الاحساس بيها عن طريق حساسيه الرجل علي دواسه البنزين يعنى لما تدوس بالتدريج مش هاتحس بالنتشه ديه خالص لكن كل ما تكبس علي دواسه البنزين العربية بتعمل كيك داون وممكن تنزل نقلتين وبالتالى النتشة بتزيد .