الكبالن الداخليه هجنيني !!!

**HotRide** · 19-07-2011 06:04 AM

يا ناس يا مفتريه

من قبل ثوره كده كنت بسمع رجرجه بسيطه في العجل كأني ماشي علي زلط لحد سرعه 70-60...وبعدين زادت اوي بقت تكه مع طلعه
المهم كان العيب من كبالن داخليه...روحت لواحد بتاع تصليح و صيانه كبالن قالي نبص عليهم قبل ما اجبلك اتنين ايستيراد...فكهم و لقه جنب فيه شحم قليل و جنب مفهوش ولا نقطه شحم....بص علي صلايب تمام بس زود الاوله بلحام كهربا و سنفرها و هو قالي البوظ دنيا ان شحم نزل و ركب و تمام و حط شريطين كوليه و بتاع و بقت هاديه قوي و حسيت بفرق بسطني اوي

دلوقتي رجعت تعمل تاني..هي علي خفيف بس هيجي وقت و تزيد
اعمل ايه بقي ؟؟؟

**M_Nabil** · 19-07-2011 10:08 AM

غير الكبالن كلها وانساها وهيا مش غالية لو نزلت بورسعيد ولفيت هتلقيهم كاملين استيراد في حدود 350-400 جنية

**tarekzein** · 19-07-2011 12:11 PM

السعر ده

خارجى وداخلى يا محمد

**SAMEH_FOUAD** · 19-07-2011 04:50 PM

هو اصلا ربنا يسامحة اللى زودلك لحام كهرباء على الصليبة لانة كدة بوظ صليبة الكوبلن خالص

عموما للاسف لو لقيت الراجل حط لحام لربط الصليبة بالاكس وجعلها لاتتحرك يبقى كدة هتضطر تغير الاكس كلة

وبالنسبالى انا لو الفلوس مش حاضرة امشى بيها شوية بس ابقى خف فى الطلعة شوية وماتقرصش

**wael ahmed** · 19-07-2011 06:57 PM

نفس المشكله عندى :( وشكل الحل الوحيد علشان تظبط معاك وتكبر دماغك تشتريها كامله استيراد

وبالنسبه يا سمسم موضوع اللحام الكهربا ده لو علمته زى ماقولتلى هيكلفنى كام تقريبا وده هيضيع الرعشه وبيعيش قد ايه تقريبا مع المشى العادى ؟

ومعلش اخر سؤال انا كان معايا لانسر 99 كانت مع والدى من الزيرو وانا خدتها قعدت معايا 3 سنين والعربيه كانت ماشيه 300 الف والكبالن بتاعتها كانت فله ... الاتوماتيك الكبالن فيه بتبوظ بسرعه علشان الملفات باخدها على d لكن فى المانيوال كنت بمور العربيه ..... لو انا جبت n فى الملفات ده ميضرش الفتيس ؟!!!!!

**M_Nabil** · 19-07-2011 08:34 PM

المشاركة الأصلية كتبت بواسطة tarekzein

السعر ده

خارجى وداخلى يا محمد

أيوة قولت كاملين يا طارق بك يعنى خارجى وداخلى كنت جايبهم من سنه وشوية بالسعر ده 350 جنية وفي واحد هنا في المنتدى جابهم من هناك برضه من كام شهر بنفس السعر

**حماده المصري** · 20-07-2011 04:48 PM

هوه برضو في المانيوال الكبالن الداخلي عموما بتبوظ بس مش بتبقى محسوسه اوي

هي فعلا بتبقى محسوسه جدا في الاوتوماتك وبتبان في نقلات الغيار بتحس بخبطه او رزعه وبتبان برضو في النقل بين ال p and r and d

**M_Nabil** · 20-07-2011 07:48 PM

المشاركة الأصلية كتبت بواسطة حماده المصري

هوه برضو في المانيوال الكبالن الداخلي عموما بتبوظ بس مش بتبقى محسوسه اوي

هي فعلا بتبقى محسوسه جدا في الاوتوماتك وبتبان في نقلات الغيار بتحس بخبطه او رزعه وبتبان برضو في النقل بين ال p and r and d

أعتقد انه اختلاط عليك الامر يا أ.حماده مابين أعراض تلف قواعد الماتور و الكبالن الداخلية

أعراض تلف الكوبلن الداخلى الاساسية بتكون رجرجه على سرعه مابين 40 و 70 كم/س وعلى السرعات الثابتة في الطوالى وفي المراحل المتقدمة بتسمع صوت خبط حديد في حديد لما تيجى تطلع

**HotRide** · 21-07-2011 07:19 AM

يا جماعه الموضوع اتحل الحمد لله )

روحت لبتاع كبالن قولتلو انا عايز جوز ايسترياد قالي طب ما انا لسه موضبهوملك ابص عليهم قولتلو لا لا غيرهم...قالي طب نحل و لو عايز قوله بس عندي ايستيراد ب100 الفرده...بس كان موصر و متأكد ان العيب بسيط قالي طب نحل و نشوف دنيا كده كده...قولت ماشي

فك اول جنب تمام...فك جنب تاني لقي كوتشه مقطوعه تماما و شحم مفيش...فك القولتين بالامانه مفهمش اي حاجه و صلايب تمام بس فيه بليه صلييبه في جنب الي كوتشته مقطوعه محروقه غيرهالي بوحده هي هي مش تعديل و لا توفيق و غير كوتشتين الكبلن و شحم و قفل و قالي لولا قطع كوتش مكنش حصل حاجه و جربت و رجعت تمام اوي الحمد لله زي الاول....ودفعت علي ليله ديه كلها 50 جندي شامل كل حاجه

الحمد لله وشكرا ليكم :)

-

الموضوع: الكبالن الداخليه هجنيني !!!

LinkBack

أدوات الموضوع

عرض

الكبالن الداخليه هجنيني !!! - انشر الموضوع فى :

-

-

-

-

-

-

المواضيع المتشابهه

سؤال في الكبالن الداخليه

الأكر النيكل الداخليه

وزير الداخليه

مشكله فى الكبالن الداخليه ومحتاج مساعدتكم

طرق الرحاب الداخليه

الكلمات الدلالية لهذا الموضوع

المفضلات

المفضلات

ضوابط المشاركة