استدعاء التوكيل لجميع مالكين السيتي الشكل الجديد

**hitham_sh** · 27-06-2011 02:25 PM

كلمني النهارده واحد من توكيل هوندا وقالي ان التوكيل بيعمل اعادة زبط مجاني للموتور هوندا سيتي ومفهمتش منو اوي ايه بالزبط الي عايز يتزبط بس فقالي تحب تحجز قلتله ماشي وحجزت فعلا يوم السبت 16 / 7 الساعه 9 الصبح
في حد عنده اي معلومات عن الموضوع او حد راح عمل اعدة الزبط دي
او في حد التوكيل كلمه برضو وفهم اكتر ؟

**FrozenFire** · 28-06-2011 01:58 AM

أنا معايا سيتي 2010. وماحدش كلمني ولا قال لي حاجة. خصوصا إني كنت عندهم يوم السبت اللي فات.

بكرة حكلمهم وأعرف في إيه؟

**hitham_sh** · 17-07-2011 01:01 PM

رحت امبارح الحمد لله لتوكيل وعملولي التعديل
التعديل ان اليابان باعته سست للتكيهات جديده فالتوكيل بياخد العربيه يشيل السست القديمه ويحط السست الجديده
بس برضو معرفتش افهم منهم ليه بيشيلو السست القديمه ايه عيبها
مهندس الاستقبال قالي مش هتحس باي فرق في الاداء وفعلا مفيش اي فرق حصل العربيه زي ما هيا
خدو مني العربيه الساعه 10 الصبح وسلموهالي الساعه 4

**haitham_hassan** · 18-07-2011 01:56 PM

انا رحت عشان الحوار اللى بيقوله علية ده خدو العربية من الساعة 9:30 الى 4:30
خت العربية مش متظبطه خالص ال أر بى أم لمه اجيبة على الـ n يقعد يطلع و ينزل
و ال أر بى أم عالى فوق ال 1 على طول اجيب أى نقلة او أشغل التكييف او مروحة الرديتير تشتغل ال أر بى أم يتحرك من مكان و يطلع فوق الواحد
و المفروض أن ال أر بى أم من 650 الى 800 العربية اتلخبطة خالص .

رحت تانى يوم عشان القرف اللى حصل فى العربية ده بكلم مهندس اسمه اسلام بقلله على الكلام ده يقللى ده طبيعى قلتله انا مش ماشى غير ما الكلام ده يتعدل و العربية ترجع زى ال أول

جالى المهندس سامح و الصراحة اول ما شاف العربية قالى لا العربية مش متظبطة وخدها الورشة وسبتها لتانى يوم
خت العربية تانى يوم العربية اتعدلت بس مش 100% فى 100% فيها حاجة مش زى الأول .

-ساعات العربية بتنتش لمه ال أر بى أم ينزل على 1.5 بس مش على طول .
- تانى حاجة لمه ادوس بنزين و أرفع رجلى و أنا واقف ال أر بى أم وهوه نازل بينزل عادى بس يجى على 1 يريح حتة كده وبعدين يكمل نزول تانى الكلام ده ماكنش بيحصل خالص

**FrozenFire** · 18-07-2011 03:01 PM

أنا كنت هناك من كام يوم بعمل صيانة ال 5000، وبصراحة نسيت خالص الحوار ده. وهما ما جابوش سيرة خالص عن الحكاية دي. أنا كنت مع مهندس إسلام. عملت صيانة ال5000 فقط من 9 إلى 11.

هل يمكن يكون بس مو 2009؟؟؟؟؟؟

**a7m8n** · 19-07-2011 02:03 PM

الموضوع ده من حوالى شهر تقريبا وده لملاك سيتى 2009 بس باقى الموديلات عادى
اللى اتقلى ان السوسته الجديده دى بتعالج مشكله السخونه مع ان اصلا مكنتش بشتكى من اى حاجه وبتحسن استهلاك البنزين

**hitham_sh** · 23-07-2011 06:36 AM

انا محستش باي مشاكل خالص الحمد لله لا قبل التعديل ولا بعده بس محستش باي فرق بعد التعديل ولا سخونه ولا استهلاك بنزيين بالعاكس حاسس ان استهلاك البنزين زاد شويه بس مجرد احساس مش متاكد وحسيت ان التكييف بقى احسن شويه يمكن لان الاعربيه مبقتش بتسخن الله اعلم

**FrozenFire** · 23-07-2011 04:21 PM

معلشي يا رجالة ، سؤال بعيد عن الموضوع بس قلت أساله هنا عشان كلنا معانا سيتي.

المراية الداخلية طبعا مافيهاش تعتيم (مرسيدس الوالد مو 75 وفيها تعيتم، حسبي الله ونعم الوكيل في التوكيل).

أجيب منين مراية محترمة؟؟؟؟؟

**hitham_sh** · 25-07-2011 05:13 PM

في واحد في شارع دمشق عنده المرايه الاصليه بتاعة الستي استيراد سالته عليها قالي ب 220 جنيه بس المشكله مش فاكر اسمه خالص بس لو رحت شارع دمشق وسالت عليه هيدلوك اسال على حد بيبيع قطع غيار هوندا سيتي استيراد ولو رحت قريب هشوف اسمه واقولك

**drmsadek1979** · 25-07-2011 09:57 PM

انا ناوي اشتري سيتي وفيه عربية قدامي 2009 فهل ممكن حد يفيدني في مميزات وعيوب العربية دي من حيث قطع الغيار واستهلاك البنزين والثبات والاحساس بالنقلة في الفتيس واي معلومات اضافية اكون شاكر جدا

الموضوع: استدعاء التوكيل لجميع مالكين السيتي الشكل الجديد

LinkBack

أدوات الموضوع

عرض

استدعاء التوكيل لجميع مالكين السيتي الشكل الجديد - انشر الموضوع فى :

-

-

-

-

-

-

المواضيع المتشابهه

إيه الفرق بين الالنترا الشكل اللي قبل ده و الشكل الجديد .. و أنهي احسن ؟؟

المقاس الجديد لكاوتش السيتي بعد التجربة

التوكيل والفروع والصيانات سؤال مهم لكل مالكين كيا

قول انهى افضل فى الشكل : كولت الشكل القديم ولا الشكل الجديد (مرفق بالصور)

سؤال عن اسعار قطع غيار اللانسر 2008 الشكل الجديد فى التوكيل

الكلمات الدلالية لهذا الموضوع

المفضلات

المفضلات

ضوابط المشاركة