الموضوع: جيراني خنقوني

مش مشكلة ان الكلاب انضف في التربية من الطيور في مشكلة اخري هو الخوف في ناس اصلا بتخاف من الكلاب بيبقي بينها وبين الكلاب حاجز نفسي شخص كده ممكن مثلا يخاف ينزل علي السلم لو الكلب امام شفتك او يخاف يطلع السطوح علشان يركب دش مثلا لو الكلب في السطوح بالشكل ده يصبح فيه اذي نفسي لبعض الناس لو عاوز تربي ربي في داحل بيتك فقط

المشاركة الأصلية كتبت بواسطة ashrafakl

مش مشكلة ان الكلاب انضف في التربية من الطيور في مشكلة اخري هو الخوف في ناس اصلا بتخاف من الكلاب بيبقي بينها وبين الكلاب حاجز نفسي شخص كده ممكن مثلا يخاف ينزل علي السلم لو الكلب امام شفتك او يخاف يطلع السطوح علشان يركب دش مثلا لو الكلب في السطوح بالشكل ده يصبح فيه اذي نفسي لبعض الناس لو عاوز تربي ربي في داحل بيتك فقط

تمام بس قدام باب شقتي ملكي و دي مكتوبة في العقد يعني اسبات قانوني

المشاركة الأصلية كتبت بواسطة heshamzaky

خلاصة القول . عاوز تربى الكلب دون أعتراض أى شخص يبقى داخل الشقة بتاعتك .
السطوح و المنور منفعة عامة و تقدر تستخدم السطح لتركيب أريال أو طبق دش و غير مسموح بتربية أى نوع من أنواع الحيوانات الا بالتراضى يعنى لا ينفع واحديعمل عشة فراخ و لا بط و وز و لا ينفع تربى فية الكلب الا لو العمارة ملك لك لكن لو الشقق أتحاد ملاك لك فقط حق انتفاع زى الجلوس و عمل قعدة فوق الروف أو تركيب أريال او طبق دش أو تركيب خزان مياة دة حقك غير كدة لآ خالص و لو عاوز تعرف باقى قانون أتحاد الملاك ممنوع تركيب مسامير الغسيل على واجهة العمارة ((( يعنى المنشر ))) و ممنوع تغير فى شكل واجه العمارة .
المساحة الى ملك لك تبدأ من ياب شقتك لما تقفل الباب يعنى جوة شقتك أنما أمام باب الشقة ((( البسطة بتاعت السلم ))) دى مش ملك لك دى منفعة عامة و مش من حقك تحط فيها كلب لآنة ممكن عمل محضر قانونى فحواة يعنى المحتوى بتاعة أنك بتعمل بية ارهاب و بتأذى الناس
الرخصة الى مع الكلب دى رخصة علشان لو الكلب ماشى فى الشارع الناس تعرف أنة متطعم لان الرخصة دى يا باشا بتحصل عليها لما بتقوم بتطعيم الكلب التطعيم بتاع السعار ((( الريبز ))) و دة بتعملة فى مستشفى الكلب الى فى شارع السكة البيضاء و مصل التطعيم بتشترية من المصل و اللقاح الى فى نفس الشارع أمام المستشفى . صح كدة و لا المعلومة غلط و فية أجرائات أتغيرت .
فى حالة أنك تكون ماشى فى الشارع بالكلب قانونى لازم الكلب يكون مربوط ب السلسلة و فى حالة أن الكلب و هو بصحبتك أو فى غير صحبتك قام بمهاجة أى شخص و عقرة (((( يعنى عضة ))) أنت المسؤل تماما عن الموضوع دة قانونيا و لو عضة و الراجل حرر محضر ضدك أنت المسؤل و لو الراجل أخد غرزة واحدة نتيجة لهذا الاعتداء و عمل تقرير طبى من مستشفى حكومى و التقرير اثبت ان العلاج يتطلب علاج أكثر من 21 يوم يبقى المحضر الى حا يتعمل بياخد رقم و بعدة حرف ج يعنى جنايات دة لو ذكر أنك سيبت الكلب علية عمدا المحضر العادى بيتكتب الرقم و بعدة حرف أ يعنى أحوال و الراجل بالمحضر ممكن يقاضيك و ممكن جدا يطلب سحب الكلب منك و يتم أيداعة فى مستشفى الشعب لمعالجة الحيوانات ((( يعنى مستشفى الكلب الى فى شارع السكة البيضاء و ذلك لمدة 3 أيام حتى يتسنى الكشف علية و التأكد من خلوة من الامراض و عدم ظهور اعراض السعار علية دى المشاكل الى ممكن تقع فيها لو الى أمامك شخص كبير و فاهم كويس أزاى يصطادك قانونى .
أنا ضد تربية فراخ و بط و وز فى المنور أو فوق السطح لانة قرف و بيعمل وساخة .
بعض الناس حا تقولك نفس الفكرة بالنسبة لتربية الكلب .
أنا ربيت كلاب لمدة أكثر من 16 سنة على فكرة و عارف كل الامور الى أنت بتتكلم عنها بس أنا عمرى ما عملت مشكلة مع حد من الجيران و لا هما أعترضو فى يوم من الايام على موضوع الكلب لان الناس كانت محترمة و متحضرة و المعاملة بيننا كانت فوق الممتازة و الحمد لله .

مع حضرتك في كل كلمة قولتة و موافقك 100 في 100 بس اديك قولت جيران محترمة و متحضرة لاكن لو زي الجيران الي عندي هتعمل ايه السطوح محدش بيطلعوة و كلام حضرتك صح

امام شقتك حتي لو قانونا ملكك الصح انك متضعش شئ يؤذي الناس فهل مثلا من حقك تضع اشياء امام شقنك وتمنع النزول والطلوع علي السلم مثلا؟