الموضوع: جيراني خنقوني

طعم الكلب كل التطعيمات بداية من التطعيم الثماني و الجرعة المنشطة لو مكنش خد التطعيم
و بعدين بما انه 6 شهور طعمه ضد السعار و طلعله رخصة
و خليهم يخبطوا دماغهم في الحيط لأن واضح انهم بيتلككوا الكلب طالما مش في الشقة عندهم خلاص
و اللي عايز يجيب الشرطة يجيب
طالما معاك رخصة و مطعم محدش هيقدر يعملك حاجة
وكمان لو قولت للحراسة نظرا للظروف الحالية ولا حد هيفتح بوقه
انا شوفت من الاشكال ديه عند اصحابي
جبتله بدل الكلب خليتهم كلبين قدام باب الشقة و اللي عاجبه بقي
ع الاقل ده كلب حراسة و هيعمل منظر و المكان ريحته مش هتبقي وحشة و مقرفة زي الزريبة اللي هيعلموها

المشاركة الأصلية كتبت بواسطة mmffor

ايفرام زميلي العزيز
فعلا لا يجوز تربية اي حيوانات اليفة في عمارة سكنية تعج بالبشر
و للعلم هناك العديد من الدول التي تمنع تربية حيوانات اليفة (عدا طيور الزينة و الاسماك ) في الشقق السكنية
طبعا لو عندك منزل خاص او فيلا او بيت عيلة الوضع يختلف
او لو حصل توافق و اتفاق بين جميع سكان العمارة
يعني كل السكان بيحبوا الكلاب و القطط و الحيوانات الاليفة و كلهم اتفقوا انه عادي و مفيش مشكلة
لكن لو كلهم اجمعوا على رفض فكرة حيوان اليف بشكل عام او كلب بشكل خاص اعتقد اننا لازم نحترم رأي الاغلبية و خصوصا لو كانوا جيران
لان في الاول و الاخر الجيران لبعضيها
و لو انت اشتريت خاطرة النهاردة هو برضه حيراعيك بكرة في حاجة تانية

محاولة اجتذاب عداء اشخاص وشك في وشهم كل يوم الى ما شاء الله تصرف لا يتسم بالفطنة

و في مقولة انا اعتز بها جدا: اذا لم تستطع ان تكتسب شخصا ما كصديق فعلى الاقل لا تجعله عدوا لك

رايي اطلب منهم اجتماع سكان و قولهم: انا لو ربيتوا جاموس و بط و وز و حمام و فراخ الموضوع لا يضرني بشيء
لكن انا شفت ان جميع جيراني اللي اعتز بهم و احترمهم اجمعوا على رفض وجود كلب و لذلك احتراما مني للجميع و لاني بشتري خاطر جيراني اوافق على ارسال كلبي بعيدا عن العمارة و ان كان فيه ضرر لي و لكن الجيرة امر اعتز به


الشعب المصري شعب شعب طيب - انت حتقول البقين دول كلهم حيشيلوك على راسهم


بالتوفيق

الاستاذ \ mmffor

انا معاك في كل اللي قولته
لكن في نفس الوقت مش معاك فيه

اولا : بالنسبة تربية الحيوانات الاليفة موضوع ان دول بتمنع جايز مع اني اول مرة اسمع الموضوع ده
لكن احنا بنتكلم عندنا هنا ملناش دعوة ببرة مفيش حاجة تمنع طالما مش هيزعج حد او يقطع الطريق
و كمان يعني هو الزريبة اللي هيعملوها حيوانات أليفة و الكلب حيوان مفترس ده اتنطحت من الخروف مرتين و انا صغير هههههه

ثانيا : مش كل الناس كويسة زي ما حضرتك فاكر انا شوفت جيران ما يعلم بيهم الا ربنا و لازم تتصرف معاهم كده عشان يلموا نفسهم و ده اللي بعمله مع اي شكل من الاشكال ديه اديهم فوق دماغهم يمشوا عدل
و اكيد كلنا اتعاملنا مع الاشكال ديه
اكيد فيه ناس كويسة و ممكن نتكلم و نتناقش و نقنع بعض لكن فيه ناس مينفعش معاهم كده
و شايف ان الموضوع ع حسب كلام صاحب الموضوع انه عيند فيه و خلاص و محاولة لايجاد اي حجة

و كمان هم عايزين يقلبوها زريبة اساسا و بالاضافة لكده يستخدموا السطح و المنور و اعتقد انه برده من حقه زييهم انه يستعلمهم لأنه ساكن من سكان العمارة
و طالما الكلب مش هيسبب اي مشكلة و مطعم و ملوش اي ضرر يبقي ايه حجتهم

المشاركة الأصلية كتبت بواسطة evram

واخد سعار و معاة رخصة و ورق و كل شي و واخد تطعيم ضد الحشرات و الكلب مفيهوش اي مشاكل خالص

انا معنديش مشكله امشية بس عشان المشاكل و الزريبة الي الناس البيئة دول عايزين يعملوة لاكن مدام هما ابتدو و جتابوة وز و بط و معيز في المنور انا مش همشي الكلب و هبلغ وزارة الصحة

تمام يا ريس بس اهم حاجة

الله يخليك تجيب جوانتي كده زي بتوع حراس المرمي او بتاع الزرع و بلاش تلمس الكلب بايدك مباشرة او تخلي لعابه يلمسك
و لو حصل و اتلمس جيب شوية طينة و اغسل ايدك بيهم ( و- او) اغسل ايديك 7 مرات
لأن للأسف كلاب كتيير جسمهم بيحتوي ع زي ديدان بتسبب العمي للانسان لو اللمس مباشر دايما و اللي بيقتلها الغسيل و الطينة
و اي حاجة يجي ناحيتها الكلب تتغسل لوحدها سواء لبسك او اي حاجة تانية
و ممكن تعمل حاجة احسن تفصله زيي لبس يلبسه في الشتا عشان تقدر تلمسه اكتر بس برده تغسل ايديك زي مقولت كويس قبل ما تلمس بيها حتي شعرك او تاكل
يعني اهم حاجة النضافة طول الوقت للكلب نفسه و ليك
و لو هيدخل الشقة جهزله زي طبق فخار صغير فيه ديتول يحط رجليه و ايديه و تنشفهم عشان مينقلش اي حاجة للشقة