مودن موتوزر يعمل جاهدا للحفاظ على سمعته كواحد من أسوأ توكيلات السيارات فى مصر

**Dr_Smart** · 05-10-2011 12:11 AM

النهارده كنت في مودرن ابو رواش .. وكانت المرايا اليمين عندي واقعه ( مش عارف حد ريح عليها ولا ايه اللي حصل ) كنت لازقها كده على بال ما اروح .. قالولي يا دكتور دي اتكسرت ومش هينفع تتصلح لازم تجيب مرايا جديده !!!!!

بكام بقى المرايا ؟؟؟؟؟؟؟؟؟ ب 935 جنيه مصري فقط لا غير ( شامل الضريبه وبدون تركيب )

التركيب حوالي 80 جنيه .. والرش بلون العربيه ب 120 يعني عدينا ال 1000 جنيه مستريح !!!

قلتله لا خلاص خليها .. قلت هروح ادور عليها في الحرفيين او ابعت اجيبها من بره مصر

بعدين قلت طيب ماتعدي على اسطى امين السمكري .. مارحتلوش من سنتين من ساعة ماشتريت ال sx4

المفاجأأأأأأاة .... صلحها ... ماخدتش في ايده غير ربع ساعه ... طلع فيه مسمار واقع من 4 مسامير بيثبتوها ... وماكنش عايز ياخد فلوس بيقولي انا ماعملتش حاجه !!!! بس اديته 20 جنيه مش خساره فيه هههههه

شكرااااااا مودرن موتورز

**maruti** · 05-10-2011 02:25 AM

المشاركة الأصلية كتبت بواسطة sab3aawy

معرفش ازاى هى صادفت معاك ان محصلش مشاكل طول صياناتك لكن مودرن موتورز هو السبب فى هروبى بالنيسان الى السبع وهروبى بالماورتى الى الصيانة بيدى تحت البيت وسخط كثير جدا من معارفى من مالكى نيسان وسوزوكى ، لكن اللى اعرفه عن فرع الدقى ده انه بتاع زيت وفلتر، كمان انا كنت فى فرع مبيعات الدقى بعد فرع المطار ولو هو ناويين يبيعوا اى حاجة او لو عندهم ادنى اهتمام بعملائهم كان قال لى روح ورشة الدقى، حتى فرضية وجود قطع غيار للبيع فى ورشة الدقى وعدم اهتمام كل من مهندس المطار ورجل قطع الغيار بالدقى انه يدينى معلومة كهذة لا تصب بدورها فى مصلحة التوكيل بقدر ما هى نقطة ضده

على فكره يا سعاوي باشا انا كمان ممكن اقول عليه ممتاز بس علشان اخر صيانه هيا اللي كان في مشكله علشان كدا بقول انو مقبول
المشكله اني كنت بعمل صيانه ال 30 الف وخرجت من التوكيل ومشيت شويه لقيت العربيه بتقطع جامد جدا رحتلهم غيرو ابلاتين وكندنسر على حسبهم تاني واخت العربيه ومشيت اقيتها لسا بتقطع بردو جامد جدا روحتلهم تاني لقيتهم افلو وانا ماشي شميت ريحت بنزين جيا من الموتور فتحت الكبوت وبصيت لقيت خرطوم البنزين مخروم وبينقط بنزين على الموتور ووديت العربيه تاني والي العربيه الزم تبات علشان الموضوع كبير واعدت وباتت يومين وروحت استلمها وانا ماشي فتحت الكبوت علشان اعرف عملو ايه لقيت الخرطوم زي ما هوا معملوش حاجه وفضلت اعد ساعتين علشان يعملو

**Dr_Smart** · 05-10-2011 03:04 AM

المشاركة الأصلية كتبت بواسطة maruti

على فكره يا سعاوي باشا انا كمان ممكن اقول عليه ممتاز بس علشان اخر صيانه هيا اللي كان في مشكله علشان كدا بقول انو مقبول
المشكله اني كنت بعمل صيانه ال 30 الف وخرجت من التوكيل ومشيت شويه لقيت العربيه بتقطع جامد جدا رحتلهم غيرو ابلاتين وكندنسر على حسبهم تاني واخت العربيه ومشيت اقيتها لسا بتقطع بردو جامد جدا روحتلهم تاني لقيتهم افلو وانا ماشي شميت ريحت بنزين جيا من الموتور فتحت الكبوت وبصيت لقيت خرطوم البنزين مخروم وبينقط بنزين على الموتور ووديت العربيه تاني والي العربيه الزم تبات علشان الموضوع كبير واعدت وباتت يومين وروحت استلمها وانا ماشي فتحت الكبوت علشان اعرف عملو ايه لقيت الخرطوم زي ما هوا معملوش حاجه وفضلت اعد ساعتين علشان يعملو

طيب موضوعك ده يدل على 3 حاجات

اول حاجه .. انهم مهملين واحتمال يكون اتخرم منهم

تاني حاجه .. الغباء .. انهم شخصو المشكله غلط اول مره وغيرو حاجات مالهاش لازمه

تالت حاجه ... الاستهتار بالعميل والاهمال وعدم النظام ... انك سيبت عربيتك عندهم يومين بحالهم وكنت فاكر انهم بيصلحوها ويظبطوها ولكنها للاسف كانت بايته عندهم بس .. تلاقيهم كانو ناسيين دي عربية مين !!