مرة تاني جيتا - فانتازيا - سفيك -استرا

**makmool** · 20-07-2011 09:39 PM

يا جماعة عاوز مشورتكم في حاجة
اشتري جيتا 2010 زيرو من تصفيات الموديل الحالي (خصوصا ان الشكل الجديد مش عاجبني )بس خليجي وقلقان من مشاكل ال
dsg علي الرغم ان فية ناس كتير جدا هنا بيقولوا ان المشاكل دي اختفت في الموديل بتاع 2010
ولا اوكتافيا فانتازيا سبورت 2011
ولا
هوندا سيفيك 2010 (مش منتشرة اوي زي الجيتا والاوكتافيا)
النهاردة اتفرجت علي الاسترا الجديدة 2011 وحاسس انها عربية حلوة وكمان شفت جولف 6 اول فئة بس برضة فتيس dsg
انا محتار جدا ياريت مساعدة انا شاب عمري 28 سنة وحاسس ان الاسترا والجيتا والجولف مناسبين ليا اكتر من الفانتازيا والسيفيك اية رايكم.............

**samoreception** · 20-07-2011 09:57 PM

لو انت شاب ومعندكش عيلة يبقى خليك فى الجيتا او السيفك
لو شاي وعندك عيلة وتجوز يبقى طبعا فانتازيا

**hugan** · 20-07-2011 10:21 PM

للمره العشرين
فانتازيا

**samoreception** · 21-07-2011 09:28 AM

شوف حضرتك انا هكلمك بصراحة والله مش علشان انا معايا اوكتافيا
انا كنت زيك وكنت هجيب الاسترا gtc بس فى اخر لحظة غيرت رائى لانى قطع غيارها ناااااار بمعنى الكلمة ده غير انى توكيلها زبااالة
واعادة البيع بطيئة وبتخسر كتير
ففكرت كتير جدا وسااالت كتير جدا واستقريت على الاوكتافيا ال a5 وجبتها موديل 2007 بس حالة ممتازة ما شاء الله
العربية ما شاء الله تحفة بمعنى الكلمة ثبات خرافى وواسعة جداا وشنطة 560 لتر زى المرسيدس ال اس وقطع غيار متوفرة فى كل مكان
ومعمرة جدا واعادة بيع سريعة ومش بتخسر كتير فى اعادة البيع
لكن كل العربيات التانية اللى حضرتك عاوز تجبها عيوبها اكتر من مميزاتها بس انا بكلمك بالنسبة لسوق مصر وشوارع مصر
انما هى كلها عربيات مفهاش كلام وانا بصراحة لو مكانك هخرج الجولف 6 من المقارنة انا ركبت العربية فى دبى بصراحة ال5
عندى احسن منها بكتير واعرض على الطريق وحاجة شكلها وحش انما ال6 مصغرينها وحاسس انها بولو مش جولف
والسيفك واطية جدا على الارض وكذلك الجيتا واعادة بيع مش سريعة فبصراحة احسن اختيار قدامك فانتازياااااااا