اقتباس المشاركة الأصلية كتبت بواسطة meridian71 مشاهدة المشاركة
أنا رحت جربت القاشقاى إمبارح فى داندى.
السبع هو اللى عامل التست درايف و فية بياع إسمه تامر عنده معلومات كتير ناقصة أو غلط, يعنى مثلا قاللى إن العربية مافيهاش سنسور نور أو مطر و قيس إنت بأة يا معلم.
المهم إنهم عاملين حركة زبالة الزبالة و هى السعر. قاللى السعر 160000 جنية يبقى أستلم بعد 3 شهور أو السعر يبقى 170000 جنية يبقى أستلم فى الإسبوع الأول فى 8. بالليل كلمت أوتو إيجيبت و قالولى دة طمع شركة و نيسان مستحيل توافق على كده و إنى لو حجزت دلوقتى حايكون السعر الرسمى و إستلام خلال شهر و نص.
المهم العربية جامدة موت و شيك و موتورها فاجر و صوته مع الشد رياضى وبيستجيب لكل اللى إنت عاوزة, يعنى أنا جبت على التانى 100 و على التالت 140 و قلبى ما طاوعنيش أقرص أكتر, تجميع الموتور رهيب و الثبات فى المنحنيات و الغرز مالوش حل. الفرامل بعجلتين فى الرمل وهمى, كل ده و التكييف عالى و مالوش أدنى تأثير على التسارع.
دة غير وسع العربية و السقف البانوراما حبيب قلبى.
من الأخر, العربية أداء رياضى و برستيج و إنسيابية فى الداء و إرتفاع العربية بيزود الفخامة و مالوش أدنى تأثير على الثبات. مش عارف أقوللكم إية كمان غير إنى كنت مستنى الفوكس أو الجيتا الجديدة, لكن دلوقتى طبعا لأة و إستقريت على القاشقاى.
نسيت أقوللكم كمان حاجتين, الفتيس شورت شيفت أكتر من رائع و الدبرياج مالوش حل من كتر النوعمية.
فعلا إبداع فى تصميم العربية و تحس إنك بتركبها من سنين. أه حاجه كمان, الدركسيون على كهرباء وزى الأمريكانى بالضبط و مع السرعة بيتقل.
كفاية كدة لإنى مش حاخلص وصف و ياريت أكون قدرت أوصللكم التجربة و إحساسى بالعربية و شكرا ليكم جداْ.
ما شاء الله عالتانى 100 والتالت 140 ؟؟؟ معنى كده ان الموتور مش صغير على حجم العربية أو بمعنى آخر العربية مش تقيلة عالموتور - طب أية انطباعك على العربية عموما ككل وهل السعر ده مناسب عليها وان كنت أنا شخصيا مقتنع بيها جدا وأنها الأفضل فى فئتها السعرية وهل قطع غيارها متوفرة ولا لأ - لأن هية دى النقطة اللى مقلقانى منها فقط

---------------
تنبيه للمرة الرابعة للعضو

الكتابة باللون الاحمر مخالف لقواعد المنتدى ,لانه مخصص للمداخلات الادارية ,

وفى حالة التكرار مرة اخرى لنفس المخالفة سوف يكون هناك عقوبة وقف وتطبق القواعد بحزم


يرجى مراجعة قواعد وقوانين المنتدى

مشرف القسم

15ب