مش هتجيب حاجة يا ريس الكابل اللي في الكومبيوتر العادي تحطه في اللاب توب

لو عايز النت يوصل للكومبيوتر العادي و اللاب توب يبقي قدامك حاجة من الاتنين
يا تجيب سويتش توصله بالروتر و من السيوتش تطلع للجهازين
يا اما تجيب روتر 4 بورت ( 4 فتحات يعني ) و تطلع مباشرة للجهاز

لو عايز بقي واير ليس ع حسب عايزه يو اس بي مودم و لا من راوتر عادي
لو من راوتر هتجيب راوتر وايرليس و الجهاز تفتح الواير ليس بتاع الجهاز تفتحه و يستقبل
بس عيبه انه ساعات بيفصل و لازم باسوورد عشان محدش يدخل يسرقه منك

بالنسبة اليو اس بي مودم ده بتجيبه من شركة زي فودافون او اتصالات و ع حسب الباقة
اذا كنت هتدفع كل شهر و تبقي انترنت غير محدود و سرعة عالية
يا اما بنظام الكارت اللي هو تشحن زي الموبيل العادي و تدخل ع النت
و برده عيبه انه يلقط لأنك لو في مكان التغطية بتاعتا لشبكة مش اد كده مش هيلقط كويس او الاشارة هتكون ضعيفة

و اي استفسار يا ريس احنا موجودين :)