الموضوع: سؤال بخصوص بولو 2001

اولا مبروك عليك العربيه
وربنا يكفيك شرها
ويباركلك فيها
اول حاجه تعملها تغبر السيور كلها (سير تقسيمه سير دينمو بليه الشداد)
اما موضوع الميه
فحاول تزود القربه وتابعها اول باول
وحاول تحط ميه نوع نضيف

وربنا يباركلك فيها

ممنوع استخدام اللون الأحمر فى المشاركات
فهو خاص بالمدخلات الأداريه والأشرافيه للمنتدى
برجاء مراجعه قوانين المنتدى
مشرف القسم

تسلم ياميدو على الرد

انا غيرت السيور

بس هل الرعشة الموجودة فى العربية حلها ايه ؟

والقربة فى الصيف الماية بتنقس تملى ؟

ديسك واسطوانة .. خصوصا لو الدبرياج تقيل شويه وممكن تتاكد من المعلومة دى لو ركبت عربية تانية سليمة .. أنا عندى نفس المشكله ..

المشاركة الأصلية كتبت بواسطة moooooomooo

ديسك واسطوانة .. خصوصا لو الدبرياج تقيل شويه وممكن تتاكد من المعلومة دى لو ركبت عربية تانية سليمة .. أنا عندى نفس المشكله ..

+111111111111111111

المشاركة الأصلية كتبت بواسطة ehab_mansour

معلش يا جماعه بس موضوع الرعشة و العربية سلانسيه ملهوش علاقة بطقم الدبرياج
الرعشة دي معناها ان عدد لفات الموتور في السلانسية مش مضبوطة و دي ليها عدة أسباب :-
1- طقم الكهرباء (بوجيهات) محتاج يتغير
2- بوابة الانجيكشن محتاجه تتنظف
3- سلوك البوجيهات محتاجه تبص عليها ولو فيها حاجه قاطعه او مش بتوصل الشرارة للبوجيه كويس يبقي تتغير
4- وبالمرة غير فلاتر (هواء و بنزين ) و زيت مع غيار الزيت
5- كل اللي فوق ده صيانات دورية طبيعية بتعملها بعد شراء العربية مباشرة ولكن لو متحلتش مشكلة الرعشة تروح لميكانيكي يكشفلك علي قواعد الموتور

وان شاء الله كله يبقي تمام لأن رعشة الموتور مش هتخرج من اللي قلتلك عليه فوق ان شاء الله وربنا يوفقك ويباركلك في العربية

تسلم عمنا ايهاب على الرد الذى اعتز به

المشاركة الأصلية كتبت بواسطة syd

بالنسبة للرعشة زي المهندس ايهاب ما قال لحضرتك
اما بوجيهات وحشة او مش واصلها كهرباء كويس من اسلاك التوصيل
اما بوابة الأنجيكشن ودة الأحتمال الأكبر (محتاجة تنظيف بالأسبراي بتاع تنظيف الأنجيكشن)
اما محتاجة تتظبط علي الكمبيوتر ودة هيكشفلك اي اعطال او اي خلل سواء من البوابة او غيرها

بالنسبة لقربة المياة المعدل الطبيعي تكون فوق النص بحاجة بسيطة

بالنسبة للصيانات
1- تغيير كافة الفلاتر (فلتر هواء - فلتر بنزين - فلتر زيت - فلتر التكييف)
2- تغيير كافة الزيوت (زيت موتور - زيت باور - زيت فتيس - زيت الباكم "الفرامل")
3- تغيير كافة السيور (سير الكاتينة "سير التقسيمة" - سير الدينمو والتكييف"
4- تغيير البوجيهات

بالنسبة لمواعيد الصيانات

1- زيت الموتور (حسب نوع الزيت ويفضل التغيير كل 7500 كم)
2- فلتر الزيت (كل 30,000 والأحسن كل 15,000
3- فلتر الهواء (كل 60,000 والأحسن كل 30,000
4- فلتر البنزين (كل 30,000)
5- فلتر التكييف (كل 60,000 او كل سنتين)
6- زيت الباور (الأحسن كل سنتين)
7- زيت الفتيس (كل 60,000 او كل سنتين)
8- زيت الباكم (كل 60,000 او كل سنتين)
9- سير الكاتينة (كل 50,000)
10- سير الدينمو (عند الحاجة)
11- البوجيهات (كل 30,000)

والله المستعان
،
،

جزاك الله خيرا اخى الغالى حياك الرحمن