ندا لكل مالك سيارة بعد زيادة اسعار البنزين (افعال لا اقوال)

**atlas_u** · 07-05-2008 12:03 AM

مع احترامي لاراء جميع الاعضاء بس انا شايف الاتي:

- الشغل مش عيب بس العيب هوالاعتماد ع الغير
اي و احد مننا مستعد انو يشتغل اي حاجة بس عمر ما واحد مننا ها يقبل بحد يقبل قرش عطف و حنان من واحد قادر .
- احترامي لعامل البنزينة انو مرتبة قليل بس لو مش مقضية يتعب ويتعلم و يضور ع شغلة احسن.
-ماهو التباع غلبان و العامل ال بيخد البصمة ف الترخيص و عليها 10 جنية غلبان و الغلبان بتاع فحص البيئة و الغلبان بتاع الطفاية و الست الغلبانة بتاعة شباك الملف و الغلبان جدا بتاع النمر ال مكان راض يديهاني غير بعشرين جنية انا لما رخصت دافع بتاع 150 جنية رشاوي (اجبارية) والا ها ترخص ف 3 ايام.
- ياجماعة احنا بلدا غلابة بس اشمعني انا يطلع عيني ف الشغل و الحمد لله في عائد مرضي و اطلع اصرف فلوسي ع المرتزقة ف البلد.
- ال عايز فلوش يتعلم و يشتغل و دا رأيي و مش افترة ع خلق الله .
-احكموا انتو احنا ال علمنا الناس ف البلد ما يعملوش شغلهم الا بمقابل فلوس و اتحدي اي حد ما يكونش كل يوم بيقابل الموضوع دا.
- انا كل الل بقولو انا زي ما احنا عودناهم ع الغلط نعودهم ع الصح
انتم كدة بتسعدوهم ع التواكل

و احب اسمع اراءكم تاني

**pointer** · 07-05-2008 03:39 AM

شوفوا يا اخونا واحكموا
انا متعود احط بنزين في محطة وطنيه اللي جنب مسجد السلام
المهم كل ما ازود بنزين يجيب الراجل جنيهات اقوم مطلع له نص مدهوله طبعا لانه بيستهبل وعاوز يجبرني ادي له جنيه ودي حركه بتغظني اوي طب مافيش غير نص , غير اللطعه اللي بيلطعوها للزبون
المهم ادور عل نص مش لاقي اعمل ايه ما ادلهوش طب حرام زي مانتم بتقولوا يلاااااااااااااااااهوي
طيب ادور لاقيت ربع اعمل ايه ربع العمي ولا العمي كله اوم الراجل يعمل ايه
يرجع الربع جنيه ويقول احنا ما بنخدش تبس طب وفرت يا سيدي بس انا نفسي اعرف جاب تبس دي من فين حرام ايه بقي دي بقت فرده

**waleed24ag** · 07-05-2008 04:05 AM

برده انا من مؤيدي ان عامل البنزينه مرتبه معتمد علي النص جنيه دا و برده الجماعه بتوع الركن ممكن تشوف منهم ناس تحب تديهم و لو علي سبيل نيه الصدقه فانا اعتقد ان الواحد ممكن يدي لواحد هو حاسس انه محتاج صدقه

**سمير يونس** · 07-05-2008 09:03 AM

المشاركة الأصلية كتبت بواسطة atlas_u

- احترامي لعامل البنزينة انو مرتبة قليل بس لو مش مقضية يتعب ويتعلم و يضور ع شغلة احسن.

مع كامل تقديري و إحترامي لرأي سعادتك

بس أنا شايف إن لو كل الناس إتعلمت و إشتغلت شغلة أحسن _ مش هنلاقي حد يشتغل في البنزينة و يفول لك السيارة و لا حد ينظف الشوارع و بالتالي الحياة هتقف

ومعظم الشباب اللي شغالين في البنزينات مبياخدوش مرتبات و بيعتمدوا على النص جنيه اللي بياخدوه مننا و لو ما اديناهوش النص جنيه ده هيسيبوا البنزينة و ساعتها إحنا الخسرانين

وبعدين أنا لو مفول العربية ب 120 جنيه مثلاً كل اسبوع فمش هيفرق معايا النص جنيه اللي هياخده عامل البنزينة الغلبان

و بالنسبة لسايس موقف السيارات فده أكل عيشه و احنا مفروض نساعده عشان مصلحتنا مش مصلحته لأنه معندوش بديل غير الإنحراف خصوصا إن الكثير منهم كان منحرف أصلاً و عايز يتوب

تقبل تحياتي

**Khalid_Mostafa** · 07-05-2008 10:01 AM

برده انا من مؤيدي ان عامل البنزينه مرتبه معتمد علي النص جنيه دا و برده الجماعه بتوع الركن ممكن تشوف منهم ناس تحب تديهم و لو علي سبيل نيه الصدقه فانا اعتقد ان الواحد ممكن يدي لواحد هو حاسس انه محتاج صدقه

مع إحترامي ليك بس الصدقه تكون بإردتك مش غصب عنك و إلا إلي يسرق منك فلوس و يطلع يجري ممكن بنفس المنطق تقول حسبهمله و حأعتبرها صدقه !! طبعاً كلام مش منطقي

مع كامل تقديري و إحترامي لرأي سعادتك

بس أنا شايف إن لو كل الناس إتعلمت و إشتغلت شغلة أحسن _ مش هنلاقي حد يشتغل في البنزينة و يفول لك السيارة و لا حد ينظف الشوارع و بالتالي الحياة هتقف

ومعظم الشباب اللي شغالين في البنزينات مبياخدوش مرتبات و بيعتمدوا على النص جنيه اللي بياخدوه مننا و لو ما اديناهوش النص جنيه ده هيسيبوا البنزينة و ساعتها إحنا الخسرانين

وبعدين أنا لو مفول العربية ب 120 جنيه مثلاً كل اسبوع فمش هيفرق معايا النص جنيه اللي هياخده عامل البنزينة الغلبان

و بالنسبة لسايس موقف السيارات فده أكل عيشه و احنا مفروض نساعده عشان مصلحتنا مش مصلحته لأنه معندوش بديل غير الإنحراف خصوصا إن الكثير منهم كان منحرف أصلاً و عايز يتوب

تقبل تحيات

وانا شايف ان مش ده السيناريو الوحيد الي ممكن يحصل لو الناس امتنعت عن اعطاء البقشيش في محطات البنزين ..واحنا مش خسرانين ولا حاجه لو سابوا محطات البنزين لأن محطة البنزين دي مش عشان خدمة سيدتك و لكن عشان تحقيق ارباح لصاحبها و لو كل العماله مشيت و سابت المحطه المحطه حتقف وانت مش حتخسر حاجه وحتروح تمون من محطه اخري..ساعتها اصحاب المحطات حيبتدوا يوفروا مرتب للناس دي ...يحني احنا كده بنساعد الشباب الي حضرتك بتقول عليهم دول

اما السايس فأختلف معاك بشده ..مش معني ان الأمن مقصر في القبض علي البلطجيه دول يبقي انا اعتبر ان ده اكل عيشهم ..وحكاية الإنحراف دي مش سبب ..وفيه مليون شغلانه بتدر عائد وبدون ما تحتاج اي مستوي تعليم ..حد يعرف متوسط دخل الحلاق العادي كام ؟؟؟

انا مع صاحب الموضوع في إتجاهه و بالفعل انا مبديش فلوس للعنال في محطة البنزين بس بدي العامل الي بيمسحلي الزجاج مثلاً ..لأنه عمل خدمه قصاد الفلوس

**سمير يونس** · 07-05-2008 10:24 AM

المشاركة الأصلية كتبت بواسطة Khalid_Mostafa

انا مع صاحب الموضوع في إتجاهه و بالفعل انا مبديش فلوس للعنال في محطة البنزين بس بدي العامل الي بيمسحلي الزجاج مثلاً ..لأنه عمل خدمه قصاد الفلوس

كلام سعادتك صحيح

خدمة = فلوس

بس برضه مننساش في خضم الحياة المادي

صدقة (نص جنيه مش كتير أوي يعني) = ربنا ممكن ينجينا من مصيبة على الطريق

من لا يرحم لا يُرحم

تقبل تحياتي

**wildwest100** · 07-05-2008 10:29 AM

المشاركة الأصلية كتبت بواسطة atlas_u

نداءهام

يا جماعة لو سمحتكم بلاش نفرط في الحد الادني من حقنا:

الرجاء ثم الرجاء الامتناع من اليوم عن:

- اعطاء عامل البنزينة 50 قرش و لا جنية و لا حتي عشره صاغ لانو مش حقو.

و انا بدأت النهاردة ف بنزينة شيل- نادي السكة الحديد - مدينة نصر
و مع بلطجية الركن بجانب سيتي ستارز

و حسبي الله و نعم الوكيل

الرجاء الدعم من اخواني وخصوصا اصحاب الصني ف منتداهم(افعال لا اقوال)

اخوكم..... أســـامــة

يا باشا عامل البنزية اصلا مش شغال بمرتب شغال بالاكرامية اللى انتا بتديهالوا معنى ان انتا تعمل كدا يبقى انتا كدا بتقطع عيشوا اصلا فحرام ناخد الناس بذنب الحكومة

**Khalid_Mostafa** · 07-05-2008 10:56 AM

المشاركة الأصلية كتبت بواسطة سمير يونس

كلام سعادتك صحيح

خدمة = فلوس

بس برضه مننساش في خضم الحياة المادي

صدقة (نص جنيه مش كتير أوي يعني) = ربنا ممكن ينجينا من مصيبة على الطريق

من لا يرحم لا يُرحم

تقبل تحياتي

الموضوع مش موضوع نص جنيه و لا جنيه ...إدفع صدقات زي مانت عايز بس متكونش إتاوه و تكون لناس مش قدره تشتغل بالفعل ...مش واحد المفروض انه بيشتغل و لكن بيتسول ..ثم مين قال انه مبيأخدش فلوس من صاحب المحطه ...ده كلام شائع و مش صحيح وانا كنت شغال في شركة إسو قبل كده و زرت بعض المحطات وتكلمت مع بعض العاملين و اصحاب المحطات و الكلام ده مش صحيح..كل الي بيحصل انه بيأخد جزء ثابت و جزء إكراميات زيه زي الي بيشحم العربيه

**atlas_u** · 08-05-2008 02:09 AM

المشاركة الأصلية كتبت بواسطة سمير يونس

مع كامل تقديري و إحترامي لرأي سعادتك

بس أنا شايف إن لو كل الناس إتعلمت و إشتغلت شغلة أحسن _ مش هنلاقي حد يشتغل في البنزينة و يفول لك السيارة و لا حد ينظف الشوارع و بالتالي الحياة هتقف

ومعظم الشباب اللي شغالين في البنزينات مبياخدوش مرتبات و بيعتمدوا على النص جنيه اللي بياخدوه مننا و لو ما اديناهوش النص جنيه ده هيسيبوا البنزينة و ساعتها إحنا الخسرانين

شكرا يا سمير باشا ع المشاركة بس انا مختلف كليا معاك بصراحه

- العامل الغلبان ال شغال في البنزينة ما بيخدش مرتب ازاي ؟؟؟!!!! مش ممكن طبعا انا مش مسدا لية هو في حد فينا يرضي يشتغل صدقة يعني لو ما حدش مون من البنزينة النهاردا لان البنزين ف البنزينة خلص الراجل ها يروح لعيالة فاضي مش ممكن طبعا.
- ثانيا نفرض ان كلامك صح و هما ما بيخدوش مرتب ؟؟ دا حرام ع اصاب البنزينة و مش مشكلتي ما ال ينطبق ع عامل البنزينة ينطبق ع عامل السوبر ماركت و عامل النظافة وحارس الامن... الخ هو انا ملزم ادي الناس دي كلها بقشيش عشان قدمولي خدمة (ما انا دافع تمنها ع التسعيرة) طب ما انا مهندس ف شركة بتقدم خدمة معينة و انا ماشي من عند العميل اقولة (خلاص يا باشا انا خلصت و كل سنة و انت طيب بقي .......... ).
- ثالثا زي ما قال الاخ ( خالد) عمر في البنزينة ما العمال ها تمشي منها عشان الناس مش بتدي بقشيش و نفرض انهم مشيو انا مستعد انزل امون لنفسي و بنفسي مش حوار صعب ما اوروبا و امريكا البنزينات كلها كدة احنا ال اخدنا ع كدة.
-رابعا: موضوع حرامية الارصفة و بلطاجية الركن انا رأيي قلتة قبل كدة و عمر ما دي كانت صدقة ( والله اعلم) روح حط الصدقة ف جامع و لا اديها لاسرة فقيرة محتاجة البلطاجي دا يبروح ف اليوم ب مبلغ انا ولا انت يمكن ما بناخدهوش و انا مهندس.

و انا اسف للاطالة و اطمع ف سعة الصدر و زيادة الاراء