ماليزيا بعين المقيم

**abou_ruqi** · 24-03-2013 06:22 PM

مرة في ايام مليونيات التحرير بعد ما مرسي تولى نزل ناس تطالب بسقوطه وبيسخروا من مشروع النهضة وكده كتبت بوست على الفيس بوك كان معناه المليون دول قعدوا يهتفوا في التحرير من صلاة الجمعة لبعد العشا وروحوا. مش لو اتجمعوا وقعدوا يعملوا محافظ جلد وصدرناها كن جبنا لمصر مليون دولار. في السبع سعات دول!! تخيل واحد بس عمل للبوست لايك من حوالي 300 احد في الليست. الواحد ده دكتور في الجودة و كان عايش في المانيا.... واحد من 300 هو اللي بيفكر خارج الصندوق او علي الاقل عملي شوية

**pharohtemo** · 24-03-2013 10:55 PM

السلام عليكم ...
أولا انا منبهر بالموضوع اللى حضرتك كتبته و نادم إنى لسه شايفه دلوقتى بس !!!

ثانيا أكيد إستفسار :) بإختصار أنا شغال فى مجال البترول و قبل كده أشتغلت فى شركة غاز (37% من أسهمها مملوكة لـ Petronas) و اتعاملت مع الماليزيين و لمست التواضع و البساطة فى شخصيتهم (بس برده لمست الحرص الشديد فى الصرف و ميلهم للتوفير)
السؤال : هل فرص العمل فى الغاز و البترول مميزة زى باقى الدول ؟ يعنى لها مكانة و دخل مرتفع ؟ و هل سوق العمل فى المجال ده مفتوح للعمالة الأجنبية ؟

**abou_ruqi** · 25-03-2013 05:18 PM

المشاركة الأصلية كتبت بواسطة pharohtemo

السلام عليكم ...
أولا انا منبهر بالموضوع اللى حضرتك كتبته و نادم إنى لسه شايفه دلوقتى بس !!!

ثانيا أكيد إستفسار :) بإختصار أنا شغال فى مجال البترول و قبل كده أشتغلت فى شركة غاز (37% من أسهمها مملوكة لـ petronas) و اتعاملت مع الماليزيين و لمست التواضع و البساطة فى شخصيتهم (بس برده لمست الحرص الشديد فى الصرف و ميلهم للتوفير)
السؤال : هل فرص العمل فى الغاز و البترول مميزة زى باقى الدول ؟ يعنى لها مكانة و دخل مرتفع ؟ و هل سوق العمل فى المجال ده مفتوح للعمالة الأجنبية ؟

بيتروناس بالرغم من انها اكبر شركة بترول اسيوية الا انها قطاع عام يعني مرتباتها ضعيفة انما كخبرة اكيد وهم ، بيتروناس بتاخد التلاتين الاوائل من طلبة الثانوية العامة في مصر بيدرسوا هندسة بترول في جامعة بيتروناس في ماليزيا والاوائل منهم بيتعينوا في الشركة كل سنة علشان كده بيتروناس بقه فيها مهندسين مصريين كتير قوي

سوق العمل مفتوح للعمالة الاجنبية المميزة فقط. حضرتك خبرتك في ايه بالظبط الحفر والاتكرير والا حاجة تانية ؟

**pharohtemo** · 25-03-2013 07:39 PM

المشاركة الأصلية كتبت بواسطة abou_ruqi

بيتروناس بالرغم من انها اكبر شركة بترول اسيوية الا انها قطاع عام يعني مرتباتها ضعيفة انما كخبرة اكيد وهم ، بيتروناس بتاخد التلاتين الاوائل من طلبة الثانوية العامة في مصر بيدرسوا هندسة بترول في جامعة بيتروناس في ماليزيا والاوائل منهم بيتعينوا في الشركة كل سنة علشان كده بيتروناس بقه فيها مهندسين مصريين كتير قوي

سوق العمل مفتوح للعمالة الاجنبية المميزة فقط. حضرتك خبرتك في ايه بالظبط الحفر والاتكرير والا حاجة تانية ؟

يا باشا شكراً لإهتمامك و الرد بسرعة .. المشروع اللى أشتغلت فيه مع بتروناس كان عملاق و كانوا مشاركين بنسبة 37% و الباقى British Gas و Gas De France بس كنت مضطر أسيبهم علشان كان لازم أرجع القاهرة (كنت مقيم فى أسكندرية علشان الشغل كان فى إدكو)
أنا خبرتى فى مجال العقود و المهمات فى الحفر و الإستكشاف لآبار الغاز Offshore يعنى فى المياه العميقة و أغلب شغلى فى المشروعات.
و أشتغلت فترة فى إسالة الغاز برضه فى العقود و المناقصات ... تقريبا كده بقالى 12 سنة فى العقود و المشتريات
أنا دخلت على الموقع اللى حضرتك كنت كتبته و فعلا مليان وظائف . إن شاء الله حأقدم السي فى و اكيد حأكون شاكر جدا لأى نصيحة تقدمها لى

**MoH.SaLaDiN** · 25-03-2013 10:15 PM

بسم الله ماشاء الله ربنا يبارك في كل بلاد المسلمين ويصلح حال مصر
تقرير رائع للغاية بارك الله فيك

**MohssenRashed** · 26-03-2013 12:46 PM

حمد الله على السلامة

انا رحت ماليزيا بلد جميل و نظيف و منظم و عجبني الاكل (الحلال) عشان لما كنت في تايلند كنت متعذب عشان الاكل مش مكتوب علية حلال زي ماليزيا

بس الصراحة الناس في تايلند friendly اكتر من ماليزيا

**abou_ruqi** · 26-03-2013 12:56 PM

المشاركة الأصلية كتبت بواسطة mohssenrashed

حمد الله على السلامة

انا رحت ماليزيا بلد جميل و نظيف و منظم و عجبني الاكل (الحلال) عشان لما كنت في تايلند كنت متعذب عشان الاكل مش مكتوب علية حلال زي ماليزيا

بس الصراحة الناس في تايلند friendly اكتر من ماليزيا

بكتير التاي غاية في الادب