الموضوع: ماليزيا بعين المقيم

المشاركة الأصلية كتبت بواسطة ali.abdo

اولا بشكر حضرتك على الموضوع الجميل ده وطريقة عرضه الرائعة
وبعد اذنك ممكن استفسر من حضرتك عن كام حاجة هناك
انا مصمم داخلي ( مهندس ديكور ) هل مجال التصميم الداخلي في ماليزيا فيه فرص للمصريين سواء كانت وظائف او انشاء مكتب ديكور بسيط يعني السوق محتاج
ثانيا بالنسبه لمجال الالوميتال هناك سواء ( ابواب - شباك - مطابخ ) هل مطلوبة هناك
واخيرا احب اقول لحضرتك اسلوبك مميز جدا ومشوق انا عايز اقول لحضرتك اني قرأت الـ 49 صفحة كلهم

انا اسف جدا اني مشوفتش المشاركة دي قبل دلوقتي ، بالنسبة للديكور والمطابخ السوق هنا عالي الجودة جدا والمنافسة عالية والسوق فيه شركات عالمية ، تقدر تنافس ؟ لو شايف انك تقدر توكل على الله المجال ده مربح جدا

انا انوى المجئ الى ماليزيا , و احس بنبرة من الاحباط فى اخر تعليقاتك و لكن الحياة هنا اصبحت لا تطاق و اريد ان اسأل عن عدة أشياء:
1- مجال الاستثمار فى الاراضى و بناء الشقق و بيعها للغير و ما هى اهم المدن التى بها هذا المجال و خصوصا الاسلامية
2- مشروع حضانة

و لكم جزيل الشكر

السلام عليكم و رحمة الله و بركاته
الاستاذ ابو رقية
تحية طيية و بعد

قرات موضوع و هو موضوع رائع ماشاء الله و جزاك الله خيرا على الاهتمام بالرد
و طبعا حضرتك متابع الاحداث فى مصر و الواحد خلاص عايز يطفش و يفر بدينه من البلد دى و موضوعك جه فى وقته
و كنت عايز استفسر منك على شوية حاجات

1- هل الشعب الماليزى العادى فى الشوارع متحضر فى تعاملاته؟؟ يعنى لو فرضنا مثلا ان الشعب المصرى 0 تحضر و الشعب الكندى مثلا 100 تحضر يبقى الشعب الماليزى ياخد كام يعنى حضرتك فى اثناء سواقتك فى الشارع بتقابلك ناس من عينة سواقين الميكروباص و التكاتك عندنا , نسبة الهمجية فى عموم الناس, هل الناس بتشتم بعضها فى الشوارع زى مصر كده؟؟

2- انا دورت على اسماء الولايات اللى بتطبق الشريعة و عرفت ان كيلانتان و ترينجانو و باهانج , هل فيه غير دول لان ان شاء الله لو ربنا قدر و جيت ماليزيا يبقى على واحدة من دول ان شاء الله

3- انا اصلا كان شغلى فى الكمبيوتر صيانة و شبكات و كده و فى عدة شركات كبيرة و صغيرة و بعدين زى ما حضرتك عارف الحكاية دى ما بتجيبش همها و بعد محاولات لمدة سنين فى مزارع الدواجن و الارانب و محلات الملابس و كلها تقريبا فشلت او على الاقل لا يعتمد عليها هل اى حاجة من دول تنفع فى فرصة عمل ؟؟

4-انا بفكر اخد (اجازة حفص) او اى اجازة تانية فى القران و اتعلم بهاسا من على النت على بسيط لو كده تفتكر ممكن الاقى شغل بسهولة فى مدرسة او اى مكان فيه نشاط تحفيظ قران

5-هل لو معايا فى حدود 20000 دولار اقدر اخد ارض زراعية و ازرعها

6- لو ربنا كرمنى و جيت و خدت شقة يا ترى فرش الشقة دى يتكلف تقريبا كام فى اضيق الحدود يعنى مبدايا 4 مراتب على الارض و بوتاجاز بسيط و دولاب متوسط و طبعا 2 او 3 تكييف علشان الرطوبة و تلاجة بسيطة و شوية حلل و اطباق و هل فيه اماكن للحاجات دى مستعملة

انا عارف ان اسالتى ممكن تكون مزعجة و انا مش بطلب من حضرتك تتعب او تتشغل فى البحث عن اى شئ , يعنى على قد ما تعرف بدون ما تشغل او تتعب نفسك

جزاك الله خيرا
السلام عليكم و رحمة الله و بركاته

الموضوع بصراحه غايه فى الروعه و شامل كل شئ
بس كان ليا سؤال , دلوقتى حضرتك بقالك سنتين شايف الدنيا عندك ازاى بعد اما بقيت مقيم مدة زى دى ؟
وهل فى اى رائ او حاجه اتغيرت عن اول الموضوع, وخصوصا بعد الاحداث الراهنه فى مصر ؟
و رايهم ايه فى اللى بيحصل وشايفين مين الصح ومين اللى غلط؟
لحسن الواحد نفسوا يعرف راى حد يكون شايف الدنيا من برة يقول هو شايف ايه....كل اللى قاعد جوة محدش بقى شايف حاجه خالص

تقرير اكثر من رائع